ساتىراچخانىدىكى پاراڭ

يانۋار ئايلىرىنىڭ مەلۇم بىر كۈنى سوغۇق ھاۋا   نەشتىرىنى ئايىماستىن سانجىيتى سەھەردىلا ئورنۇمدىن تۇرغان مەن ،ئىشلرىمنى تۈگەتكەندىن كېيىن بىر خىزمەتدېشىم بىلەن چاچ ئالدۇرۇش ئۈچۈن مالىيە ئىنىستىتوتى ئەتىراپىدىكى بىر ساتىراچخانىغا قاراپ يول ئالدۇق.ھاۋانىڭ سوغۇقلىقىغا قارىماي كوچىدا ئادەملەر مىچچىدا گويا شاڭچىنىڭ مۇكىسىدەك ئۇياقتىن -بۇياققا تۇرمۇش ھەلەكچىلىكىدە قاتراشماقتا ئىدى.مانا بىز قىزغىن پاراڭلار بىلەن بىردەمدىلا ساتىراچخانىغىمۇ يېتىپ كەلدۇق.توۋا بۇ يەردىمۇ ئادەملەر مىچچىدا ئىكەن گويا بىرەر -يېرىم دەم ئىسسىنىۋېلىشقا كىرىشكەندەك.بىز شۇنداق قىلىپ ئامالنىڭ يوقىدىن گويا مەدەنىيەت ئىنقىلابىي مەزگىلدە كىشىلەر بەرەڭگىگە ئۆچىرەت تۇرۇشقاندەك نۆۋەت كۈتۈشكە باشلىدۇق.تۇيۇقسىز ئىككى نەپەر ئۇيغۇر قىزنىڭ سۆھبىتى بىزنى ئۆزىگە تارتتى بىز ئاۋاز چىققان تەرەپكە قارىدىم كۆز ئالدىمدا شەھلا كۆزلۈك،بۇغداي ئۆڭ،زىلۋا ،قاڭشارلىق چىرايلىرىدىن چۈشكۈنلۈك،ئۈمىدسىزلىك ئالامەتلىرى چىقىپ تۇرغان ئىككى نەپەر قىز نامايەن بولدى  بىز قىززىقىش ھېسياتى بىلەن ئۇلارنىڭ پارىڭىغا قۇلاق سالدۇق.ئاق سېرىق كەلگەن بىرى يېنىدىكىگە تىنماي سۆزلەيتى ئۇنىڭ سۆزلىرىدىن بىر دەم پەخىرلىنىش بىر دەم زارلىنىش ھېسىياتى چىقىپ تۇراتتى ئۇ يېنىدىكىگە: -ئاداش  تۈنۈگۈن تازىمۇ قىززىق ئىش بولدى دىمەمسەن جۈمە كۈنى ئەمدىلا دەرستىن چۈشۈپ قايتاي دەپ تۇرسام ھېلىقى قېرى تېلىفون قىلدى دىمەمسەن يېنىم سەل قۇرۇغدىلىپ قاپتىكەندۇق شۇنۇڭ بىلەن خۇشاللىقىمدىن گۈلقەقەلىرىم ئېچىلىپ كەتتى دىگىنە، چۈنكى ئۆزى قېرى بولغىنى بلەن مەرد ئادەم   ئۇ، ھەر نۆۋەت كەلسە ئۆي ئىجارىسىنى تۆلىۋەتكەندىن سىرت يەنە بىر نەچچە يۈز سوم بېرىپ كېتىدۇ . شۇنداق قىلىپ مەن تاكسى توساپ ئۆيگە قايتتىم ئۇ ئىشىك ئالدىدا ساقلاپ تۇرۇپتىكەن  بىز رېستۇېانغا برىپ تاماق يىدۇق قېرىنىڭ باشقا ئىشقا ئانچە پەيزى بولمىغىنى بىلەن ھارققا پەيزى بار دىگىنە ئىككىيلەن بىر يېرىم بوتۇلكا ئاق ھاراق ئىچكەندىن كېيىن  ئۆيگە قايتىپ كەلدۇق مەن خۇدۇمنى بىلمەس بولۇپ كېتىپتىمەن قېرى ھېچنەرسە بولمىغاندەك مىنى يۆلەشتۈرۈپ ئۆيگە ئەكىرگەندىن كېيىن چاي دەملىدى بىر پىيالە قىززىق چاي ئىچىپ خېلى ئەسلىمگە كېلىپ قالدىم شۇنىڭ بىلەن  يېتىپ قالدۇق قېرىغا نىمە بولدىكىن تاڭ كېچىچە دىگۈدەك ئۇخلاتمىدى قارىغاندا دورا يىگەندەك قىلىدۇ .  تاڭمۇ ئاتتى ئورنۇمدىن تۇرسام سائەت 10بوپتۇ قېرى بولسا چاي ئىچكەچ تاماكىسىنى شوراپ تۇرۇپتۇ ئۇ ماڭا: -ھە سىزگە نىمە بولدى كېچىچە قاتتىق ئۇخلاپ كەتتىڭىزغۇ خۇددى ھېچ ئىش بولمىغاندەك سورىدى مەندىن خاپا بولغان قىياپەتتە. -بەك مەست بولۇپ كېتىپتىمەن ئۇنىڭ ئۈستىگە بىزنىڭ ئوقۇشىمىز بەك ئالدىراش بولۇپ كەتتى دىدىم جاۋبەن.  بىز يەنە كوچىغا تاماق يىگىلى چىقتۇق دىمەنسەن تېخى تاماق يىيىلىپ بولماستىنلا تېلىفونۇم سايراپ كەتتى ھېلىمۇ سىرتقا چىقىپ ئا پتىمەن كىمكەن دىمەمسەن ھېلىقى دۇبەيلىك ئىكەن. -كەپتۇما يېنىدكىسى سورىدى ئالدىراش. -ھەئە كەلدى .ئاخىرسى قانداق بولدى دىمەمسەن قارىسام قېرىنىڭ كەتكۈسى يوقتەك قىلىدۇ شۇنۇڭ بىلەن مەن ئۇنىڭغا بىزنى بۈگۈن پىراكتىكىغا ئېلىپ چىقىدىكەن مۇئەللىم تېز كېلىڭ دەيدۇ ئاپلا قانداق قىلسام بولار؟دىۋىدىم يالغاندىن: - ئۇ بولدى بېرىۋېىڭ پىراكتىكىغا بارمىسىڭىز بولمايدۇ .مەن بۇ نۆۋەت ئىچكىرىگە مال ئالغىلى بارىمەن ئوننەچچە كۈندىن كېيىن كېلىمەن بىرەر نەرسە لازىم بولسا ئالغاچ كېلىمەن تارتىنماي دەۋېرىڭ دىدى. -مەن بىر قۇر كېيىم ئالغاچ كەلسىڭىز بولىدۇ دىدىم.مانا شۇنداق قىلىپ تاماقتىن كېيىن ئۇنى ئۇزۇتۇپ قويۇپ ئۆيلەرنى تازلاپ بولۇپ تۇرۇشۇمغا ئۇ بىر دوستى بىلەن پەيدا بولدى بىز بىردەم -يېرىمدەم پاراڭلاشقاندىن كېيىن  سومكىسىدىن بىر دانە شىۋىتسارىيىنىڭ سائىتىنى چىقىرىپ دوستىنىڭ ئالدىدلا قولۇمغا سېلىپ قويدى خۇشاللىقىمدىن ئۇنى قۇچاقلاپ سۆيۈپ كەتتىم دىمەمسەن قار چىرايلىقمىكەن دىگىنىچە سائەتنى بىلىكىدىن چىقارماي تۇرۇپلا يېنىدىكىگە كۆرسەتتى : -بەكلا چىرايلىقكەن سىنىڭ تازىمۇ بەختىڭ بار جۇمۇ ئاداش مىنىڭ ھېلىقىسى بۇنداق نەرسىلەرنى ئەكىلىپ بەرمەيدۇ دىدى ئۇ سەل رەنجىگەندەك قىلىپ. -شۇنۇڭ بىلەن بىز كەچ كىرگىچە كوچا ئايلاندۇق كەچ قۇرۇن خۇڭلۇغا كېلىپ تاماق يىدۇق ھېلىقى دوستى ماڭىمۇ بىرەرسىنى تېپىپ بېرىڭ دىۋىدى شۇنۇڭ بىلەن ساڭا تېلىفون قىلغاندىم بىراق سەن تېلىفونۇڭنى ئېتىۋاپسەن.گۈزەلنۇرغا تېلىفون قىلسام ئۇ جۈمە كۈنى كەچقۇرۇن گۇاڭجۇغا كېتىپتۇ  ،قانداق قىلىشىمنى بىلەلمەي بىر نەچچىسىگە تېلىفون قىلدىم بىراق ھېچقايسىسىنىڭ ۋاقتى يوق ئىكەن.بىزنىڭ سىنىپتىكى ھېلىقى قەلەندەرگە تېلىفون قىلسام نمە دەيدۇ دىمەمسەن توۋا ئادەم دىگەنغۇ ياخشىلىق قىلىدىغان جاھان ئەمەسكەن بۇ. -نەمە دەيدۇ؟سورىدى يېنىدىكىسى ئالدىراش. -نىمە دەيتى مەن گەرچە كەمبەغەل بولساممۇ خېلى ۋىجدانىم بار ئۇنداق ئىشلارنى قىلمايمەن دەيدۇ .خۇددى ۋىجداننى پۇلغا ئالىدىغاندەك قورغامنى ئىگىپ.ئاچچىقىمدا تىللىۋەتكىلى تاسلا قالدىم. -بىلمەمسەن ئاداش ئۇ كىتاب خالتىسىنى شۇڭلاشقىمۇ ئاشۇنداق نامراتچىلىقتا بىر نانغا زار بولۇپ ئۆتىدۇ.ھەي جۈمە كۈنى ھېلىقى پاكىستانلىق كەلگەندى شۇنۇڭ بىلەن تېلىفونۇمنى ئىتۋاپتىمەن بىلگەن بولسام ئوچۇق قۇيىدىكەنمەن . ئۇ پىتلىقتىنمۇ زېرىكتىم ئاداش بېرىدىغىنى ئىككى تال پۇل، شۇنداق تۇرۇغلۇق   ھەممە ئىشلارغا زورلايدۇ سېرىق لېنتىلارنى كۆتۈرۈپ كېلىپ ئاشۇنىڭدىكىگە ئوخشاش ئىشلارنى قىلىپ قوي دەپ تۇرۇۋالىدۇ تېخى ئادەمنىڭ قورغۇسىنى ئىگىپ ،بۇندىن كېيىن دۇبەيلىكنىڭ دوستىنى ماڭا تونۇشتۇرۇپ قويە ئاداش سەندىن خۇش بولاي ! -بولمامدىغان ئۇلار تېخى كەتمىدى كەچقۇرۇن كېلىدۇ مەن ئۇنىڭغا سىنىڭ شۇنداق چىرايلىق ئىكەنلىكىڭنى ئېيتقاندىم ئۇ بەكلا خۇشال بولۇپ كەتكەندى. بۈگۈن كەچقۇرۇن ئۇلار بىزنى تۇمارس رېستۇرانىدا ساقلاپ تۇرماقچى بىرگە بارايلى بولامدۇ؟ -جېنىم ئاداش بولمامدىغان بۇيەردىن چىقىپ گىرىمخانىغا كىرىپ راسا بىر ياسىنىۋالايلى بولامدۇ؟بۈگۈنكى چىقىملارنى مەن ئۈستۈمگە ئالاي ھاجانلانغان ھالدا سۆزلەشكە باشلىدى ئۇ.مەن قۇلۇقىمغا ئىشەنمەيلا قالدىم .بۇ نىمە ئىش ئىپپەت نومۇس تىنمۇ پۇل يۇقۇرى ئورۇندا تۇرامدىغاندۇر؟ھەي ئىست سەنلەرنىڭ جېنىغا ۋاي ،سەنلەرنى قانداقسىغىمۇ ئوقۇغۇچى دىگىلى بولسۇن دىگىم بار ئىدى بىراق ئۇلار بىلەن زاكۇنلىشىپ قېلقىشتىن ئەنسىرەپ قالدىممۇ تاڭ زۇۋانىم چىقمىدى. مانا چاچنىمۇ ئالدۇرۇپ بولدۇمدە-چېچىنى بۈدرە قىلىپ ئولتۇرغان ھېلىقى ئىككىسىگە غەزەپ بىلەن بىرنى ئالىيىپ قويۇپ چىقىپ كەتتىم.ئىسىت سەنلەرنى بېقىپ چوڭ قىلغان دادڭ-ئاناڭغا،ئىست ئۇلارنىڭ سېنى ئوقۇتىمىز دەپ تارتىۋاتقان جاپالىرىغا.ئىست كەلگۈسىدە ئانا بولىدىغان سەندەك خېچىرلارغا دىگەنلەرنى خىيالىمغا كەلتۈرگەچ ياقامنى تۇتقان ھالدا قايتىپ كەتتىم

كۆرۈلۈشى:592

قوشۇلغان ۋاقتى:2010-3-27 19:48:30

يوللىغۇچى ئەزا:askar124

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..