ئاشكارىلانغان سىر

ئاشكارىلانغان سىر سېلىم ئاكا ئادىتى بويىچە ئۆزىنىڭ بىردىنبىر جانجىگەر قىزى كەرىمەنىڭ ھۇجرىسىنى بىر قېتىم يوقلاپ چىقتى. ئۇ كەرىمەنىڭ شىرە ئۈستىگە قۇيۇلغان رەسىمىگە قاراپ بىر ھازا تۇرۇپ قالدى. كەرىمە ئۆز ئانىسى ساھىپجامالغا قۇيۇپ قۇيغاندەك ئوخشايتتى. سېلىم ئاكا قىزىنىڭ ئاپسىنى دوراپ قېلىشىنى ھەرگىزمۇ خالىمايتتى. ئۆز قىزىنى يېتىم قىلىپ قېچىپ كەتكەن ئۇ توزكور ئايال سېلىم ئاكىنىڭ يۈرىكىگە ئۇنتۇلغۇسىز ئازاب سالغانىدى. - سېلىماخۇن، ئەتىگەنلىك ناشتىلىرىنى قىلىۋالسىلا... ئايالى دىلئارانىڭ ئاۋازى ئۇنىڭ تۈگىمەس خىياللىرىنى بۇزۇۋەتتى. بەسىتلىك كەلگەن بۇ ئايال ئۆزى چىرايلىق، ھەرىكىتى چاققان، ئىشقا پىشقان سەھرا قىزلىرىدىن ئىدى. - خوتۇن، قىزىمىز كەرىمەدىن خەت كەلدىمۇ؟ - شۇ قىزلىرىنىڭ خېتىنى بىر ئوقۇۋالمىغۇچە گاللىرىدىن غىزا ئۆتمەيدۇ سېلىنىڭ. دىلئارا شۇنداق دىگىنىچە كەرىمەدىن كەلگەن خەتنى سېلىم ئاكىغا سۇندى. سېلىم ئاكا خەتنى ئۈنلۈك ئوقۇشقا باشلىدى: ( سۈيۈملۈك دادا، كۈيۈمچان ئانا، قانداقراق تۇردۇڭلار؟ ئەھۋالىڭلار ياخشىدۇ؟ دادا، ئانا، مەن سىلەرگە بىر ئاجايىپ ئىشنى ئېيتىپ بىرەي، مەن ئالدىنقى قېتىم تېلېفوندا گېپىنى قىلغان دوستۇم ماھىرەنىڭ ئاپىسى ماڭا قۇيۇپ قۇيغاندەك ئوخشايدىكەن. ئۇ ماڭا كۆپ قېتىم: ( ئاپامغا بەك ئوخشايسىز ) دېسە ئىشەنمەپتىكەنمەن. بۈگۈن مانا ئۆز كۆزۈم بىلەن كۆرۈپ ھەيران قالدىم ). ئوقۇپ مۇشۇ يەرگە كەلگەندە سېلىم ئاكىنىڭ يۈرىكى جىغىلداپ كەتتى. دىئارامۇ سېلىم ئاكىغا ئوخشاشلا تەشۋىشلىنىشكە باشلىدى. كەرىمە دىلئارانى ھازىرغىچە ئۆز ئانام دەپ بىلەتتى. ئۇلار كەرىمەنىڭ بۇ ئىشلارنى بىلىپ قېلىشىدىن بەكلا ئەنسىرەيتتى. ئەگەر كەرىمە بۇ ئىشلارنى بىلىپ توغرا چۈشەنسىغۇ مەيلى، بىراق ئۇ توغرا چۈشەنمەي قالسا، دادىمۇ، ئانىمۇ ئۇنىڭ ئالدىدا قىلچە قىممىتى يوق، قەدىرلەشكە ئەرزىمەيدىغان كىشىلەردىن بولۇپ قالاتتى. - ھېلىمۇ ياخشى قىزىم سەلىمەنىڭ ئىسمىنى كەرىمەگە ئۆزگەرتىپ ياخشى قىپتىمەن. بولمىسا ئۇ توزكۇر ئايال قىزىمىزنى شۇ زاماتلا تونۇۋالاركەن ؟ - دەپ سۆز ئاچتى سېلىم ئاكا. - كەرىمە ئۆز ئانىسى ساھىبجامالغا كۈرۈنگەنىكەن، بۇ ئىش ھامان ئاشكارىلىنىدۇ. شۇڭا بۇ ئىشنى كەرىمەگە ئىيتقىنىمىز ياخشىمۇ، قانداق؟ دىلئارانىڭ بۇ سۆزى سېلىم ئاكىنى تېخىمۇ ئويلاندۇرۇپ قويدى. سېلىم ئاكا قىزىنىڭ ئوقۇشىغا دەخلى بۇلۇپ قېلىشىدىن ئەنسىرەپ، ( ھازىرچە ئېيتماي تۇراي. ) دەپ ئويلىغانىدى. ئەمدى ئىش بۇ دەرىجىگە يەتكەندە ئېيتمىسا قانداق بولار؟ ئۇ شۇ دەقىقىلەردە ساھىپجامال بىلەن تۇنۇشقان، ئاشۇ چاغلارنى بىر - بىرلەپ ئەسلەپ ئۆتتى. سېلىم ئاكا ئىقتىسادلىق كىشى نۇرمۇھەممەد جېلىلنىڭ بىردىنبىر ئەتىۋارلىق ئوغلى ئىدى. ئۇ كىشى ئوغلىنى ئالىي مەكتەپكىچە ئوقۇتتى. سېلىم ياخشى ئىشلەپ تەشكىلنىڭ كۆزىگە كۆرۈنۈپ كېيىن ئۆزى تۇرۇشلۇق شەھەرنىڭ مائارىپ ئىدارىسىنىڭ مۇئاۋىن باشلىقى بولدى. بىر قېتىملىق مەكتەپلەرنى كۆزدىن كەچۈرۈش خىزمىتىدە ئۇ ساھىبجامالنى ئۇچرىتىپ قالدى. مەكتەپ زالىدا ئىككى چىرايلىق قىز تۇراتتى، بۇلاردىن بىرى خىيالچان بۇلۇپ كۆزلىرى بىر نوقتىغا تىكىلىپ قالغان ئىدى. يەنە بىرى زالنى تازىلاۋاتاتتى، سېلىم ئاكىنىڭ كۆزى ئىختىيارسىز خىيالچان تۇرغان ساھىپجامالغا تىكىلدى. ئاددى - ساددا كىيىنگەن بۇ قىزنى سېلىم ئاكا بىر كۆرۈپلا ياقتۇرۇپ قالدى... شۇنداق قىلىپ ئازغىنە ۋاقىتتىن كېيىن ئۇلار توي قىلدى. ساھىپجامال بىلەن دىلئارا ئىككى يۇرتتىن ئىش ئىزدەپ كەلگەن مۇساپىر قىزلار ئىدى. ئۇلار بۇ يەرگە كىلىپ تۇنۇشۇپ دوست بۇلۇشقان ئىدى. ئەسلىدە ساھىپجامال مەكتەپ زالىدا تازىلىق قىلاتتى، ئەمما ئۇ بۇ كەسىپنى قىلىشقا قىزىقمايتتى ھەم بۇ كەسپنى ياراتمايتتى. پۇلنىڭ مېھرىدىن كىچەلمىگەچكە ئامال يوق ئىشلەۋاتاتتى. ئۇ دىلئارا بىلەن تۇنۇشقاندىن كېيىن ئۇنى ئۆزىنىڭ ئورنىدا ئىشلىتىپ مائاشنى تەڭ ئالىدىغان بولدى. ساھىبجامال سېلىم ئاكا بىلەن توي قىلغاندىن كىيىن ئىنتايىن بەختلىك تۇرمۇش كەچۈردى. سېلىم ئاكىنىڭ مائاشى ئۇ ئىككەيلەنگە يىتىپ ئاشاتتى. ساھىپجامالمۇ پۇلدىن قىسىلمايدىغان بولدى. ( پۇلنى كۈرۈپلا ئۆز ئەسلىنى ئۇنتۇپتۇ. ) دېگەندەك ساھىپجامال قولىغا پۇل چۈشكەندىن كېيىن ئۆيدە ئولتۇرالماس بولۇپ قالدى. ( مۇئاۋىن مۇدىرنىڭ ئايالى تۇرۇپ، مۇنداق يۈرسەم قانداق بولىدۇ؟ ) دەيتتى ئۇ سېلىم ئاكىغا ناز بىلەن. - شۇنداق بولسىمۇ مۇنداق ئىسراپچىلىق قىلساڭ بولماس؟ - ياق بولمايدۇ، مەن يېڭى كىيىملەرنى كىيىپ، ئالتۇن -بىلەيزۈكلەرنى تاقاپ، دوسىت - دۈشمەنلىرىمنىڭ كۈزىدىن ئوت چىقىرىپ يۈرىمەن تازا! ساھىپجامال بىلەن سېلىم ئاكا ئوتتۇرسىدا مۇنداق تالاش - تارتىش قانچە قېتىملاپ بولغان - ھە! مۇشۇنداق كۈنلەرنىڭ بىرىدە ئۇلار تۇرۇۋاتقان شەھەرگە بىر چوڭ باي سودىگەر كىلىپ، ئۇلارنىڭ مەكتىپىگە 10000 يۈەن ئىئانە قىلدى. ئۇنىڭغا تەشەككۈرىنى ئېيتىش ئۈچۈن سېلىم ئاكا ئۇنى ئۆيگە مېھمانغا چاقىردى، شۇ چاغدا ساھىپجامال ئۇ باي بىلەن تۇنۇشۇپ قالدى. ئايالى بۇرۇنلا ئۈلۈپ كەتكەن بۇ بايغا ساھىپجامال خېلىلا ياراپ قالدى. شۇنداق قىلىپ تەخمىنەن يېرىم ئايدىن كېيىن ساھىپجامال ئەمدىلا تەمتىلەپ ماڭغان قىزى سەلىمەگە تارتىشىپمۇ ئولتۇرماي، نەلەگىدۇر يوقاپ كەتكەن ئىدى. باشقىلارنىڭ ئېيتىشىچە، سېلىم ئاكا ساھىپجامالنى مۇساپىر دەپ خورلىغانمىش، بۇ خورلۇققا چىدىمىغان ساھىپجامال ئىككى ياشلىق قىزى سەلىمەگە قاراپمۇ قويماي، نەلەرگىدۇر كېتىپ قالغانمىش... يۇرتتا مانا مۇشۇنداق سۆز - چۆچەك تارقىلىپ يۈرگەندىن كىيىن، سېلىم ئاكا ساھىپجامالنىڭ دوستى دىلئارانى ئەمرىگە ئېلىپ، قىزى سەلىمە بىلەن دىئارانىڭ يۇرتىغا كۈچۈپ كەلگەنىدى. سېلىم ئاكا نېمىنى ئويلىدىكىن، شۇ ۋاقىتتا سەلىمەنىڭ ئىسمىنى كەرىمەگە ئۆزگەرتىۋەتكەن ئىدى. سېلىم ئاكا شۇلارنى ئويلاپ، ئېغىر ئۇھسىنىپ قويدى - دە، دىلئاراغا قارىدى. دىلئارامۇ ئېغىر ئويغا چۆمگەنىدى. بەلكىم دىلئارامۇ بۇ ئىشلارنى كەرىمەگە ئېيتىش ياكى ئېيتماسلىق توغرىسىدا ئويلىنىۋاتسا كىرەك. ئۇلار ئاخىرى بىرلىككە كىلىپ كەرىمەگە بۇ ئىشلارنى ئېيتىش قارارىغا كەلدى. ئۇلار كەرىمەگە جاۋاپ خەت يېزىپ ئۆزلىرىنىڭ كەرىمەنى بەك كۆرگۈسى كەلگەنلىكىنى ھەم بۇ يەردە يالغۇز زېرىكىپ كەتكەنلىكتىن ئۈرۈمچىگە ساياھەت قىلغىلى بارىدىغانلىقى توغرىسىدا تېلېفون قىلىۋەتتى - دە، ئۈرۈمچىگە قاراپ يول ئالدى. مانا كەرىمە كۈتكەن كۈنمۇ ئاخىرى يىتىپ كەلدى، ئۇ ئاتا - ئانىسىنى راستىنلا ئۆز كۆزى بىلەن كۆردى، بۈگۈن ئاتا - ئانىسىنىڭ ئالدىغا كەرىمە دوستى ماھىرە بىلەن بىرگە چىققان ئىدى. ماھىرە بۇلارنى ئۇدۇللا ئۇيىگە باشلىدى. مېھمان كىلىدىغانلىقىنى بىلگەن ساھىپجامال جىددى تاماق ئىتىشكە تۇتۇش قىلىۋاتاتتى، تۇيۇقسىز ئىشىك چىكىلدى. ساھىپجامال ئىشىكنى ئېچىپلا ئۆز كۆزىگە ئىشەنمەي داڭقېتىپ تۇرۇپلا قالدى. ماھىرە: ( ئاپا، مىھمانلارنى ئۆيگە باشلاڭ ) دېگەندىلا ئاندىن ئېسىگە كىلىپ، يالغاندىن چىرايىغا كۈلكە يۈگۈرتۈپ ئۆيگە باشلىدى. گەرچە كۈرۈشمىگەنگە 18 يىل بولسىمۇ ئۇلار پەقەتلا ئۆزگەرمىگەن . پەقەت سېلىم ئاكىنىڭ يۈزلىرىنى يىرىك تۈك باسقان ساقىلى سەل ئۆسكەنىدى. دىلئارانىڭ يۈزىگە بىلىنەر - بىلىنمەس قورۇق چۈشكەنىدى. كەرىمە بولسا ئۆزىنىڭ ياش ۋاقتىغا قۇيۇپ قۇيغاندەك ئوخشاش ئىدى. ئۇ بۇلارنى قانداق كۈتۈۋېلىش كېرەكلىكىنى زادىلا بىلەلمەيۋاتاتتى. ئۆيدە سېلىم ئاكا، دىلئارا، ساھىپجامال ئۈچەيلەن چوڭقۇر ئويغا چۆمگەنىدى. ماھىرە بىلەن كەرىمە نىمە قىلشىنى بىلەلمەي ئاخىرى ئېغىز ئاچتى: ( نېمە بولدۇڭلار ؟ سىلەر بىزدىن بىرەر ئىشنى يۇشۇرۇۋاتامسىلەر قانداق؟ ) ئۈچەيلەن تەڭلا چۆچۈپ كەتتى. دىلئارا نېمە دىيىشنى بىلەلمەي تۇرغان سېلىم ئاكىغا قاراپ: ( يەنىلا مەن ئېيتاي، يوشۇرساقمۇ مەڭگۈ يوشۇرۇپ بولالمايمىز. ) دېدى. سېلىم ئاكىمۇ بېشىنى لىڭشىتتى. لېكىن ساھىپجامال نېمە دېيشىنى بىلەلمەي يەنىلا ئۆز ئورنىدا مىدىرلىماي تۇراتتى. دىلئارا ھېكايىسىنى باشلىۋەتكەنىدى: ( ئەسلىدە مەن سىزنىڭ ئۆز ئاپىڭىز ئەمەس... ) ھېكايىمۇ تۈگىگەن، ئۆينى تىمتاسلىق قاپلىغان. ئۆيدىكى ھەممەيلەننىڭ كۆزلىرى بىر نۇقتىغا تىكىلگەنچە ئويغا پاتقان، ئۆز ئورنىدا قېتىپ قالغاندەك مىدىرلاپمۇ قويمىغان ھەتتا تېلېفوننىڭ جىرىڭلىغان ئاۋازىنىمۇ ئاڭلىمىغاندەك قىلاتتى. جىرىڭ... جىرىڭ... جىرىڭ...

كۆرۈلۈشى:803

قوشۇلغان ۋاقتى:2010-3-21 0:45:33

يوللىغۇچى ئەزا:askar124

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..