ئاكا قولىڭىزنى تارتىڭ

ئاكا، قولىڭىزنى تارتىڭ         ھايات يولى ئەگىرى- توقاي ۋە مۈشكۈلدۇر،ھايات يوللرىنىڭ ھەربىر-دوقمۇشلىرىدا ئويلاپ باقمىغان ھەم ئويلاشقا جۈرئەت قىلالمايدىغان نۇرغۇن ياخشى-يامان قىسمەتلەر سىزنى ساقلاپ تۇرغان بولىدۇ. بەزىلەر قىسمەتنىڭ ئالدىغا داستىخان كۆتۈرۈپ بېرىپ ھاياتنىڭ پەيزىنى سۈرىمەن دەپ ياشايدۇ. يەنە بەزىلەر قىسمەتنىڭ ئۆزلىرىنىڭ ياشلىقىنى، ھاياتىنى ۋاقتسىز چۈشكەن ئۈششۈك ياپىرىقىدەك خازان قىلىشنى خالىمايىدۇ. ئەلۋەتتە. بىر كۈنى بىر نەچچە دوستلىرىم بىلەن سەيلە قىلغاچ دەريا بويىغا بارغا ئىدىم. دەريانىڭ قىرغىقىدا بىر دوستۇم دەرياغا تىكىلگىنىچە تۇراتتى. يۈگۈرۈپ بېرىپ ئۇنىڭدىن نىمە ئۈچۈن يالغۇز تۇرغانلىقىنىڭ سەۋەبىنى سورىدىم. ئۇ ماڭا ئېسىلىپ يىغلاپ تۇرۇپ ؛«ئاتا-ئانامغا، كەلگۈسىمگە ، ئۆزۈمگە يۈز كېلەلمەيمەن. بۇنداق ياشىغاندىن ئۆلگىنم ياخشى» دەپ،بولغان ئەھۋالنى ئېيتىپ بەردى. ئىشتىن چۈشۈش ۋاقتىدا ئىدارىمىزدىكى ｘｘ؛ -بۈگۈن ھەدىڭىز سىزنى تاماق يەپ كەتسۇن دەپ ئالايتەن سىزگە ئاتاپ تاماق ئىتىۋاتىدۇ. مەنمۇ سىزگە كېرەكلىك ماتېرىياللارنى تېپىپ قويغان ئىدىم.، مېھمان بولغاچ ئالغاچ كېتىڭ، دېدى. ئۆزۈم ھاجەتمەن بولغاچقا،ئۇنىڭ تەكلىپىگە ماقۇل بولدۇىم، مەن ئۆيگە كىرىپلا ؛ «ھەدەم قېنى؟» دەپ سورىدۇم، ئۇ جاۋابەن «بار، ئالدى، بىلەن تاماق يەيلى» دەپ تاماقلارنى ئۆزى داستىخانغا ئېلىپ چىقتى. مەن تاقەتسىزلەنگەن ھالدا يەنە بىر قېتىم « ھەدەم كۆرۈنمەيدىغۇ؟» دەپ سورىدىم.        «مانا ھەدىڭىز» دەپلا ماڭا ئۆزىنى ماڭا ئاتتى. مەن ئاچچىقمدا «ئاكا نىمە ئىش قىلۋاتىسىز؟!» دەپ ۋارقىرىدىم. ئۇ ئەسەبىيلەرچە ماڭا ئېسىلىپ تۇرۇپ؛ «سىڭلىم، مىنىڭ بىر تەلىپىم بار ماقۇل دېسىڭىز....» «ياق....مېنى قويۇۋېتىڭ» بار كۈچۈم بىلەن ئىتتىردىم. مەن پۈتۈن كۈچۈم بىلەن قارشىلىق كۆرسىتىپ، بار ئاۋازىم بىلەن توۋلىدىم. يەر-جاھاندىن سادا كەلسە كەلدىكى ، ئادەمنىڭ ئاۋازى ئاڭلانمىدى. ئېغىزىمغا لۆڭگە تىقىپ، پۇت-قۇلۇمنى باغلىدى،« ئەمدى قارشىلىق كۆرسىتىدىغان بولساڭ خىزمەت ئورنۇڭدا تۇرغۇسىز قىلىۋىتىمەن، ھەممىسى مىنىڭ قولۇمدىن كېلىدۇ» دەپ تەھدىت سالدى. شۇنچە تىرشكەن بولساممۇ، ئاجىز تېنىم بىلەن ئۇنىڭ قولىدىن بوشىنالمىدىم. شۇ كۈندىن باشلاپ روھىم ئۆلدى، قىزلىق غورۇرۇم دەپسەندە قىلىندى، پاك تېنىم بۇلغاندى، ئىپپەت پەرىشتەم تاشلاندى. بۇ ناپاك تېنىم ۋە ئىپپەتسىز تىنىقىم بىلەن ساپ ھاۋانى بۇلغاپ پاك قەلىبلەرنى زەھەرلەشنى خالىمايمەن. باشقىلارغا ئاپەت بولۇپ ياشغۇچە ئۆلگۈنۈم ياخشى ئەمەسمۇ؟- دەپ ئۆكسۈپ-ئۆكسۈپ يىغلاپ كەتتى، ئۇ يىغلىدى، ئۇنىڭ يۈرىكى يىغلىدى، پاكلىقنى ئىزدەۋاتقان نۇرلۇق كۆزلىرى ياش تۆكتى، كۆزى ئەمەس، يۈرىكى ياش تۆكتى.         ئادەمنىڭ روھىنى تۇمان باسقاندا، پۈتۈن كائىنات كىرلەشكەندەك بىلىنىدۇ، ئەخلاق كرىزسىگە دۇچ كېلىۋاتقان بۈگۈنكى دەۋىردە پۇلى بار،ھوقۇقى بار بەزى ئەرلەر ماددىي بايلىقنى ۋاستە قىلىپ قىز-چوكانلار ئارقىلىق ئېچىرقاپ كەتكەن شەھۋانىي نەپىسىنى قاندۇرماقتا. ئۇلارنىڭ نۇمۇس پەردىسىنى يىرتىپ، ئەخلاق تاۋىقىنى چېقىپ، ئېشىغا توپا چاچماقتا. ئۇلارنىڭ ئازابى ئارقىلىق خۇشھاللىققا ئېرىشمەكتە. قىز-چوكانلارنىڭ ئازابى پەرزەنتلەرنىڭ، كېلەچەكنىڭ ئازابى ئەمەسمۇ؟؟؟؟؟         ھازىر بەزى ئەرلەر قىز-ئاياللار بۇزۇلۇپ كەتتى، قايسىبىر«كارۋان» يولىغا سەپەر قىلدى. ئۆزىنىڭ قىزلىق-ئاياللىق بۇرچىنى ئۇنتۇپ قالدى دېيىشىدۇ. قىزلارنى يامان يولغا يېتەكلەپ ماڭغان كىم؟ ناشايان ئىشلارغا زورلاۋاتقان كىم؟ قىزلار كىمىنىڭ قولىدا نابۇت بولۇۋاتىدۇ؟ ئەرلەر «ھايالىق قىزلىرىمىز نەگە كەتتى؟» دەپ خىتاپ قىلسا، قىز-ئاياللار «غورۇرلۇق ئەرلەر نەدە؟» دەپ كىمدىن سورايدۇ؟ غورۇر، ۋىجدانىنى يوقاتقان ئەرلەر ئۆزىنىڭ سىڭلىسىدەك، قىزىدەك، ھەتتا نەۋرىسىدەك قىزلارغا ئاچ بۆرىدەك ئېتىلىپ، قارىداپ كەتكەن ئىپلاس قولىنى ھايالىق قىزلارغا سۇنۇپ ئۇلارنى ئۆلۈم گىردابىغا سۆرەپ بارماقتا...         بارلىق ئەرلەر ئۆزلىرىنىڭ ئەرلىك سۈپىتىنى، غورۇرىنى،ۋىجىدانىنى ساقلىسا، قايسىبىر قىز-ئايال ئۇلارغا چىش يېرىپ بىر نىمە دىيەلەمدۇ؟         پاكلىق ئىنسان تەبىئىتىدىكى ئەڭ ئالىيجاناپ پەزىلەت، ئىنسانىڭ پۈتكۈل ياخشى خۇلق، مىجەزى، ياخشى تەبىئىتى مانا مۇشۇ پاكلىق تۇپىرىقىدىن ئوزۇقلىنىدۇ. ئەرلەر ئەرلىك غورۇرى ۋە ۋىجىدانىنى يوقاتمىسىلا، قىزلار ئەزەلدىن پاك، ئۇلارنىڭ پۈتۈن روھىي دۇنياسىغا، پۈتۈن جىسىمىغا، ھەتتا ھەر بىر نەپەسلىرگىچە پاكلىقنىڭ ئۇرقى چېچىلغان، پاكلىقنىڭ شەربىتى سېپىلگەن، پاكلىق ئۇلارنىڭ ھەمراھى، ئىپپەت ئۇلارنىڭ بەختى، نۇمۇس ئۇلارنىڭ تەختى،ئۇلار پاكلىقنىڭ، گۈزەللىكنىڭ سىمۋولى قىلىنغان بولغاچقىلا ئەڭ گۈزەل، نازۇك، پاكىز نەرسىلەرنى قىزلارغا ئوخشىتىلىدۇ. ھايا قىزلارنىڭ مەڭگۈلۈك بايلىقى، غورۇر ئەرلەرنىڭ تۈگماس ئۇزۇقى، بىر قىزنىڭ ھاياسى بىر ئەرگە ۋىجىدان قالقىنى بولالايدۇ. بىر ئەرنىڭ ۋىجدانى نەچچە ئايالغا ھايا پەردىسىنى ياپالايدۇ. شۇڭا دەيمەن، ئاكا، قۇلىڭىزنى تارتىڭ، قىز-ئاياللارنىڭ پاكلىقى سىزنىڭ قولىڭىزدا.         سىز ۋىجدانىڭىزنى يوقاتمىسىڭىزلا، قىز-ئاياللار مەڭگۈ يوقاتمايدۇ ئەسكەرتىش:مەن تور ئوچۇق ۋاقىتلاردا چۈشۈرىۋالغان بىر مۇنچە ئەسەرلەر بار ئىدى.تورداشلارنىڭ پايدىلىنىشى ئۈچۈن يوللاپ قويىۋاتىمەن.ئەسلى ئاپتورلارنىڭ توغرا چۈشۈنىشىنى ئۈمىد قىلىمەن

كۆرۈلۈشى:731

قوشۇلغان ۋاقتى:2010-2-20 23:12:50

يوللىغۇچى ئەزا:ziminarkisi

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..