تۆگىسى بىلەن بىرگە چۆلدە كېتىۋاتقان بىر مويسىپىت كالپۇكلىرى سۇسىزلىنىپ يېرىلىپ كەتكەن، ھالسىزلىقتىن ئاران مېڭىپ كېتىۋاتقان بىر ئادەمگە ئۇچراپتۇ.
ئادەم مويسىپىتتىن سۇ بېرىشنى سوراپتۇ. مويسىپىت تۆگىسىدىن چۈشۈپ ئۇنىڭغا سۇ بېرىپتۇ. سۇنى ئىچكەن ئادەم بىردىنلا مويسىپىتنى ئىتتىرۋىتىپ تۆگىگە مىنىپ قېچىشقا باشلاپتۇ. مويسىپىت ئارقىسىدىن ۋارقىراپ تۇرۇپ؛
-مەيلى بوپتۇ تۆگىنى ئېلىپ كەتكىن. ئەمما سەندىن بىر تەلىپىم بار. بۇ ئىشنى ھەرگىزمۇ باشقىلارغا سۆزلىمىگىن!
بۇ تەلەپنى ئاڭلىغان بۇلاڭچى تۆگىنى سەل توختىتىپ سەۋەبىنى سوراپتۇ.....
-ئەگەر باشقىلارغا سۆزلىسەڭ،-دەپتۇ مويسىپىت - بۇ ھەر تەرەپكە يېيىلىپ كېتىدۇ. شۇنىڭ بىلەن ئىنسانلار بۇنىڭدىن كېيىن ھەرگىزمۇ چۆلدە ئاچ،سۇسىز قالغان بىر كىشىگە ياردەم قىلمايدۇ
