بىلىڭ، كىنو تۇرمۇشتىن ئۈستۈن تۇرىدۇ

كىنوخانىدىن چىققىنىمدا بىر جۈپ قىز-يىگىتنىڭ گېپى قۇلىقمىغا كىرىپ قالدى: - تۇغۇلغان كۈنۈمدە نېمە ئېلىپ بېرىسىز؟-دېدى قىز ئەركىلەپ تۇرۇپ. - سىز ئالدىنقى قېتىم كۆرۈپ قويغان كۆڭلەكنى ئېلىپ بېرەي، -دېدى يىگىت سالماقلىق بىلەن. - ئۇنىغۇ ئېلىپ بېرىسىز، يەنىچۇ؟ - يەنە؟-دېدى يىگىت ھەيرانلىق بىلەن. - كورىيەنىڭ كىنولىرىدىكىدەك ھەيران قالدۇرالايدىغان، ئېسىمدە قالغۇدەك ئەسلىمە بېرىسىز. -نېمە ئۇ كورىيە كىنولىرىدىكىدەك دېگەن؟ كۆرۈپ چىققىنىمىز كورىيە فىلىمى ئەمەس ئىدىغۇ! تۇرۇپلا بۇ ئويغا كېلىپ قالدىڭىز؟ -سىز بەك خۇراپى- ھە، دائىم مۇشۇنداق جاھىللىق قىلىسىز. بايىقى كىنودىكى يىگىتمۇ ھېلىقى ساھىبجامالنىڭ گېپىنى ئاڭلاپ ئۇنىڭ بىلەن بىللە كەتتىغۇ؟ سىزمۇ بىرەر قېتىم مېنىڭ گېپىمنى ئاڭلاپ قويسىڭىز بولمامدۇ؟ -ئۇ دېگەن كىنو. كىنو بولسا نېمە بوپتۇ. كىنونىمۇ رىئاللىقتىن ئېلىپ ئىشلەيدىغۇ-دېدى قىز تەن بەرمەي. قىز دوستىغا گەپ تېپىپ بېرەلمىگەن يىگىت ئاخىرى ئۇنىڭ رايىغا باقتى. قىزنىڭ گەپلىرىنى ئاڭلاپ، سەل كۈلگۈم كەلدى. قىزنىڭ دېگىنىمۇ توغرا، كىنونى رىئال تۇرمۇشتىن ئېلىپ ئىشلەيدۇ. لېكىن كىشىلەرنى تېخىمۇ جەلپ قىلىش ئۈچۈن ، بەزى كىنو-فىلىملەر رىئاللىقتىن بىر دەرىجە ئاشۇرۇلۇپ ئىشلىنىدۇ. ئارىمىزدا مانا مۇشۇنىڭغا ئوخشاش كىنودىكى رىئاللىقتىن ھالىقىغان ئوبراز ۋە ئىش- ھەرىكەتلەرنى رىئاللىققا باغلىۋېلىپ، ئۇنىڭىدىن ئۆگىنىدىغان تەرەپنى ئۆگەنمەي، ئۆگىنىشكە تېگىشلىك بولىمغان تەرەپلەرنى ئۆگىنىۋېلىپ، بەختلىك تۇرمۇشىدىن ئايرىلىپ قالىدىغان ياشلىرىمىزمۇ بار. كىنونىڭ كۆرۈش نىسپىتىنى ئاشۇرۇش ھەم كىشىلەرنى تېخىمۇ بەك قىزىقتۇرۇش ئۈچۈن، ئادەتتە كېلىشكەن يىگىت، گۈزەل قىزلار كىنو فىلىملىرىدە باش رولغا تاللىنىدۇ. لېكىن بۇنداق گۈزەل قىز -يىگىتلەر باش رول ئالغان ئوبرازلار بەزى ياشلىرىمىزنىڭ چوقۇنىدىغان ئوبرازغا ئايلىنىپ قېلىۋاتىدۇ. شۇنىڭ بىلەن بىللە كىنولاردىكى «رومانتىك»لىقنى دورايدىغان ئەھۋاللارمۇ شەكىللىنى قېلىۋاتىدۇ. كىنولاردىكى مۇھەببەتنى ئەمەلىي تۇرمۇشتا مەۋجۇت ئەمەس دېگىلى بولمايدۇ. چىن مۇھەببەتكە ئېرىشىشنى ھەممىمىز ئويلايمىز. لېكىن چىن مۇھەببەتنى كىنودىن ئەمەس، رىئاللىقتىن ئىزدىشىمىز لازىم. كىنودىكى بەزى يېڭىلىقلارغا كۆز يۇمۇۋالغىلى بولمايدۇ، بىزنى ياخشى يولغا يىتەكلەيدىغان، مەدەنىيەت، ئۆرپ-ئادەتلەر قۇيۇق ئىپادىلەنگەن كىنو فلىملەر بىرگە مەلۇم جەھەتتىن روھى ئوزۇق بېرەلەيدۇ. فانتازىيەلىك كىنو بىزنى پەقەت مەۋھۇم، خۇنۇك بولغان خيالىي دۇنياغا باشلايدۇ. ئۇنىڭدىن بىر پەقەت شۇنداق بىر نەرسىنى خىيال قىلالايمىز، لېكىن رىئاللىققا ئىشلىتەلمەيمىز. شۇڭا كىنولاردىكى ئوبرازلارنى رىئالققا باغلىۋېلىشتىن ساقلىنىپ، خىيالىي تۇرمۇشتىن يىراق تۇرۇڭ، كۈپكۈندۈزدە چۈشەكىمەي، رىئال بولۇڭ.

كۆرۈلۈشى:294

قوشۇلغان ۋاقتى:2011-6-21 11:16:12

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..