مەنبە: news.qq.com

خەلق تورى شېنجېن 3-ئاينىڭ 22-كۈنى خەۋىرى . يېقىندا شېنجېن جامائەت خەۋپسىزلىك ئىدارىسى شياڭگاڭ قارا گۇرۇھ ئەزالىرىنىڭ شېنجېن باۋئەن رايونىدىكى قارا جەمئىيەت تۈسىنى ئالغان قارا گۇرۇھنى بىتچىت قىلىپ ،چېنياۋدوڭ باشچىلىقىدىكى 102 قارا گۇرۇھ ئەزالىرىنى قولغا ئالغان . ئۇلارنىڭ ئىچىدىكى 80 جىنايەتچىنى تۇتۇپ تۇرغان ، 22جىنايەتچىنى  جىنايى ئىشلار بويىچە توختىتىپ قويغان .4دانە تاپانچا،37تال ئوق ھەمدە بىر قىسىم پىچاق قاتارلىق تىغلىق ئەسۋابلارنى قولغا چۈشۈرۈپ ،بۇ دېلوغا مۇناسىۋەتلىك بولغان نەچچە مىليارد يۈەن پۇلنى توڭلىتىپ قويغان .
      3-ئاينىڭ 22-كۈنى چۈشتىن كېيىن ،شېنجېن شەھەرلىك جامائەت خەۋپسىزلىك ئىدارىسى ئومۇمىي ئۇقتۇرۇش يىغىنى چاقىرىپ بۇ قارا گۇرۇھقا مۇناسىۋەتلىك ئەھۋاللارنى خەۋەر قىلغان .
      تونۇشتۇرۇلۇشىچە ،بۇ تەشكىلاتى شياڭگاڭ قارا گۇرۇھ ئەزالىرىنىڭ شېنجېنغا كېلىپ تەرەققىي قىلىشىدىن شەكىللەنگەن . ئالدىنقى ئەسىرنىڭ 80-يىللىرىدا شياڭگاڭ قارا گۇرۇھ ئەزاسى چېن يىبو كۆپ قېتىم شېنجېنغا كېلىپ ئىچكى ئۆلكىلەردىكى ئەزالارنىڭ تەرەققىي قىلدۇرۇپ ،شاجىڭ رايونىدا چوڭ كۆلەملىك قارا گۇرۇھ تىپىدىكى تەشكىلاتنى شەكىللەندۈرگەن .نامىنى <ئۇچار بۈركۈت گۇرۇھى>دەپ قويغان .
      1991-يىلىنىڭ ئاخىرىدا ،<ئۇچار بۈركۈت گۇرۇھى >شېنجېن جامائەت خەۋپسىزلىك ئەترىتىنىڭ تارمار قىلىشى ئارقىسىدا بىتچىت بولغان. چېن يىبو شياڭگاڭغا قېچىپ كېتىپ مەخسۇس پەردە ئارقىسىدا قوماندانلىق قىلغان . كېيىن چېن يىبو شياڭگاڭدىكى قارا گۇرۇھ تەشكىلاتىنىڭ ئۇسۇلىدىن پايدىلىنىپ جىيەنى چېن ياۋدوڭنى باش قىلىپ ناھايىتى پىلانلىق ،قەدەم-باسقۇچلۇق بىلەن يېڭى تەشكىلات <شاجىڭ يېڭى گۇرۇھ>نى قۇرغان.
      بۇ يېڭى قۇرۇلغان تەشكىلات پۈتۈنلەي شياڭگاڭ قارا گۇرۇھىنىڭ باشقۇرۇش تۈزۈلمىسىنى قوللانغان بولۇپ، تۈزۈمى ئىنتايىن قاتتىق بولغان . بۇ تەشكىلاتقا چېنياۋدۇڭ باش بولۇپ قوماندانلىق قىلغان . ئۇنىڭ ئەزالىرى نەچچە يۈزگە يېتىپ،تەشكىلاتقا ئالاھىدە قائىدە -تۈزۈم بېكىتكەن ،خىلاپلىق قىلغۇچىلار قاتتىق جازالانغان. ئۇنىڭدىن باشلاپ سىرتلاردا قانۇنسىز پائالىيەتلەر بىلەن شۇغۇللىنىپ تەشكىلاتىنىڭ كۈچىنى نامايان قىلغان . بۇ تەشكىلاتنىڭ ئىقتىسادىي مەنبەسى ئىنتايىن كۈچلۈك بولۇپ ،پايچېك ئارقىلىق ئون نەچچە شىركەت ، قاۋاقخانا ،مېھمانخانا ۋە كۆڭۈل ئېچىش سورۇنلىرى بىلەن شۇغۇللانغان، نۇرغۇن يەرلەردىكى ئۆي-مۈلۈك ، ئېسىل ماشىنىلارغا ئىگە بولغان .
      شېنجېن شەھەرلىك جامائەت خەۋپسىزلىك ئىدارىسىنىڭ تونۇشتۇرۇشىچە ، بۇ تەشكىلات قەستەن ئادەم زەخىملەندۈرۈش، توپلىشىپ جېدەل چىقىرىش ، زەھەر يۆتكەش، قىز-ئاياللارنى تەشكىللەپ ئىپپىتىنى سېتىشقا مەجبۇرلاش، قاقتى-سوقتى قىلىش ، قاتارلىق قانۇنغا خىلاپ جىنايەتلىك پائالىيەتلەرگە چېتىشلىق ئىكەن.
      ساقچىلار دەسلەپكى قەدەمدە ،شېنجېندىكى تەشكىلاتنىڭ يۈز نەچچە ئەزادىن تەركىب تاپقانلىقىنى ، بۇ تەشكىلاتنىڭ ئىنتايىن زالىملىقىنى ،باۋئەن رايونىنىڭ گاز بىلەن تەمىنلەش، كېرەكسىز نەرسىلەرنى يىغىۋېلىش، قۇرۇلۇش سودىسى قاتارلىقلارغا ئېغىر تەسىر كۆرسەتكەنلىكىنى،قانۇنسىز پائالىيەتلەر بىلەن شۇغۇللانغانلىقىنى ،يېقىنقى يىللاردىن بۇيان ئۆي-مۈلۈك ساھەسىگە ئارىلىشىپ يەرلىكنىڭ ئىقتىسادىي جەمئىيەت تەرەققىياتىغا ئېغىر زىيان سالغانلىقىنى تەكشۈرۈپ ئېنىقلىغان .
     نۆۋەتتە ، شېنجېن شەھەرلىك جامائەت خەۋپسىزلىك ئىدارىسى دېلوغا مۇناسىۋەتلىك يىپ ئۇچىدىن پايدىلىنىپ كەڭ دائىرىلىك تەكشۈرۈش ئېلىپ بېرىپ، تەشكىلاتتىكى قېچىپ كەتكەن جىنايەتچىلەرنى تۇتۇش خىزمىتىنى كۈچەيتكەن ھەمدە قاچقۇن جىنايەتچىلەرنى ئۆزىنى مەلۇم قىلىشقا دەۋەت قىلىپ ، ئەھۋالدىن خەۋەردار كىشىلەرنىڭ  يىپ ئۇچى بىلەن تەمىنلىشىنى تەۋسىيە قىلغان . شېنجېن ساقچى تەرەپ شياڭگاڭ ساقچىلىرى بىلەن ياخشى ھەمكارلىشىپ، قاتتىق تەكشۈرۈپ ئىسپات توپلاپ ، قارا گۇرۇھ جەمئىيىتىنىڭ جىنايى پائالىيەتلىرىگە  قانۇن بويىچە زەربە بېرىدىغانلىقىنى بىلدۈردى.