ياز پەسلى كۆز قىزىرىش كېسىلى ئەۋج ئالىدىغان چاغ. سۇغا چۆمۈلۈشنىڭ كۆز قىزىرىش كېسىلىنى پەيدا قىلىدىغانلىقى ھەممىگە ئايان، ئەمما كۇنۇپكا تاختىسىنىڭ بۇ خىل كېسەلنى تارقىتىدىغان ئاساسلىق مەنبە ئىكەنلىكىنى كۆپ ئادەم بىلمەيدۇ، شۇڭا كۆپىنچە كىشى كۇنۇپكا تاختسىدا مەشغۇلات قىلىپ بولغاندىن كېيىن قول يۇيۇشنى ئۇنتۇيدۇ. ئەڭ يېڭى تەتقىقات نەتىجىسىدىن قارىغاندا، كۇنۇپكا تاختىسى كۆز قىزىرىش كېسىلىنى تارقىتىدىغان ئەڭ يېڭى مەنبە ئىكەن. شۇڭا كۆز قىزىرىش كېسىلىدىن ساقلىنىش ئۈچۈن كۇنۇپكا تاختىسىدا مەشغۇلات قىلغاندىن كېيىن قولنى پاكىز يۇيۇش زۆرۈر، بۇنىڭدىن باشقا لاك قاتارلىق گىرىم بۇيۇملارنى ئورتاق ئىشلىتىشتىن ھەزەر ئەيلەش كېرەك. ناۋادا ئىشخانىدا كۆز قىزىرىش كېسىلىگە گىرىپتار بولغانلار بولسا، ئۇلار بىلەن بىۋاستە ئۇچراشماي، ئارىلىق ساقلاش، ئىشخانىنى دەرھال دىزىنفېكسىيەلەپ، ئاغرىق كىشى ئىشلەتكەن بۇيۇملارنى يوقىتىش زۆرۈر. كۆز قىزىرىش كېسىلىگە گىرىپتار بولغانلار مۇۋاپىق دورا ئىشلەتكەندىن باشقا، تېلىۋېزور ۋە كوپىيوتىرغا قارىماسلىقى، كىتاب ئوقۇماسلىقى، سىرتقا چىققاندا قۇياش نۇرىدىن مۇداپىئەلىنىش ئەينىكى تاقاپ، نۇر، شامال، چاڭ-توزاڭنىڭ غىدىقلىشىدىن ساقلىنىشى كېرەك.


                                                                                               ___شىنجاڭ قانۇنچىلىق گېزىتى