Chinaz تورى خەۋىرى، يېقىنقى كۈنلەردە بەيدۇنىڭ پرېسلىغۇچ ئېلان قىلغانلىقى توغرىسىدىكى خەۋىرى ھەممە ياقنى قاپلاپ تۇردى، نۇرغۇن كىشىلەر بۇنىڭغا ئالاھىدە دىققەت قىلىدۇ. بەيدۇ بۇ قېتىم تېخىمۇ ئىلگىرىلىگەن ھالدا تور كۆرگۈ ئېلان قىلغان بولۇپ، بۇ نۇرغۇنلىغان تور ئابونتلىرىنى تېخىمۇ ھەيران قالدۇردى. نۆۋەتتە، بەيدۇ تور كۆرگۈسى Beta1.0 نەشرى ئىچكى قىسىمدا سىناق تەرىقىسىدە ئېلان قىلىنغان بولۇپ، بەزى ئۇچۇرلارغا ئاساسلانغاندا، بۇ تور كۆرگۈ ئابونتلارغا تېخىمۇ كۆپ ئىقتىدار ۋە يېڭىلىقلارنى ئېلىپ كېلىدىكەن. بەيدۇ بۇ ئارقىلىق ئۆزىنىڭ تەسىر دائىرىنى يەنىمۇ كېڭەيتىش ۋە جەلپ قىلىش كۈچىنى ئاشۇرۇش مەقسىتىگە يەتمەكچى ئىكەن.
بەيدۇ تور كۆرگۈسى Beta1.0 ھەققىدە قىسقىچە ئۇچۇرلار:
يۇمتال نامى: بەيدۇ تور كۆرگۈسى
يۇمتال نەشرى: بەيدۇ تور كۆرگۈسى Beta1.0
يۇمتال چوڭ-كىچىكلىكى: 4.21MB
يۇمتال ئېلان قىلىنغان ۋاقتى: 2011-3-8
يۇمتال مەشغۇلات قىلىشقا ماس كېلىدىغان سۇپا: Winxp/Vista/Win7
بەيدۇ تور كۆرگۈسى Beta1.0 <<تېزلىكتە قاچىلاش>> ئىقتىدارىنى تەمىنلىگەن بولۇپ، ئابونتلارنى قول ئىشلىتىش بىرمۇ بىر <<كېيىنكى قەدەم>> كۇنۇپكىسىنى باسمىسىمۇ بولىدىكەن. مەزكۇر تور كۆرگۈنىڭ پۈتۈنلەي قاچىلىنىپ بولۇش ۋاقتى يېرىم مىنۇتقىمۇ يەتمەيدىكەن. تىلغا ئېلىشقا ئەرزىيدىغىنى، بۇ نەشرى ھېچقانداق قىستۇرما دېتاللارنى ئۆز ئىچىگە ئالمىغان بولۇپ، ناھايىتى قۇلايلىق ۋە ئابونتلارنىڭ ئېھتىياجىنى چىقىش قىلغان ئىكەن.