پاراگۇايدا ئاقسىل كېسىلى بايقالغانلىقى تۈپەيلىدىن كالا گۆشى ئېكىسپورتىنى ۋاقتىنچە توختاتتى
   شىنخۇا ئاگېنتلىقى خەۋىرى:9-ئاينىڭ 19 كۈنى پاراگۇاي ھايۋانات سۈپەت تېخنىكا ۋە تازىلىق ئىدارىسىنىڭ خەۋەر قىلىشىچە، پاراگۇاينىڭ ئوتتۇرا قىسمىدا ئاقسىل كېسىلى(ئاچا تۇياق ھايۋانلاردا بولىدىغان بىر خىل تۇياق ۋە ئېغىز چىرىش كېسەللىكى،بۇ بىر خەلقئارا A دەرىجىلىك ئادەم ۋە ھايۋانلار ئارىسىدا تارقىلىدىغان كۈچلۈك يۇقۇملۇق كېسەللىك،ئادەتتە بۇ كېسەلگە گىرىپتار بولغان ھايۋانلار ئاساسەن ساقايمايدۇ،گۆشنى ئىستېمال قىلسا ئادەمنىمۇ ئۆلۈم يولغا باشلاپ بارىدۇ،2009-يىلى دۆلىتىمىز خەلقئارا سەھىيە تەشكىلاتىغا بۇ كېسەل جۇڭگودا ئاساسەن تۈگەپ بولدى دەپ مەلۇم قىلغان،لېكىن بەزى رايونلاردا بۇ كېسەلنىڭ ئاسارىتى داۋاملىق ساقلانماقتا ) بايقىلىپ،كالا گۆشى ئېكسپورتىنى ۋاقتىنچە توختىتىپتۇ.ئارگېنتىنا قاتارلىق بىر نەچچە لاتىن ئامېرىكا دۆلەتلىرى دەرھال جىددىي چارە قوللىنىپ،ئاقسىل كېسىلىنىڭ ئۆز دۆلىتىگە تارقىلىپ كېتىشىنىڭ ئالدىنى ئېلىشقا باشلاپتۇ.
     پاراگۇاي ھايۋانات سۈپەت تېخنىكا ۋە تازىلىق ئىدارىسىدىكى خادىمىنىڭ دېيىشىچە،بۇ قېتىمقى ئاقسىل كېسىلى بايقالغان چارۋىچىلىق مەيدانى پاراگۇاينىڭ ئوتتۇرا قىسمىدا ئىكەن.تازىلىق ۋە ئالدىنى ئېلىش تارماقلىرى 17-چېسلا بۇ كېسەل توغرىسىدىكى دەسلەپكى خەۋەرنى ئالغاندىن كېيىن دەرھال ئاتلىنىپ تەكشۈرۈشنى قانات يايدۇرۇپتۇ،دەسلەپكى تەكشۈرۈش نەتىجىسىگە ئاساسلانغاندا بۇ كېسەل ھەقىقەتەن ئاقسىل كېسىلى ئىكەن.
   تەكشۈرۈش تارماقلىرى دەرھال پۈتۈن دۆلەت سەھىيە تارماقلىرىغا جىددىي خەۋەر يوللاپ،ئاقسىل كېسىلى بايقالغان چارۋىچىلىق مەيدانىنى تىزدىن قامال قىلىپتۇ،تەكشۈرۈش تارماقلىرى ھازىر كېسەل بايقالغان چارۋىچىلىق مەيدانىنىڭ ئەتراپىنى جىددىي تەكشۈرۈپ ئەتراپتىكى رايونلاردا كېسەل ئەھۋالى بار يوقلۇقىنى ئېنىقلاۋېتىپتۇ.
   ئۇنىڭ بىلەن تەڭ پاراگۇاي سەھىيە مىنىستىرلىقى دۇنيا سەھىيە تەشكىلاتىغا خەۋەر قىلىپ پاراگۇاي كالا گۆشى مەھسۇلاتىنى ۋاقتىنچە ئىستېمال قىلماسلىققا ئاگاھلاندۇرۇپتۇ.
پاراگۇاي ئاقسىل كېسىلى مەسىلىسى ئەتراپتىكى لاتىن ئامېرىكىسى دۆلەتلىرىنى قاتتىق ئەندىشىگە سېلىپ قۇيۇپتۇ.ئارگېنتىنا سەھىيە مىنستىرلىكى جىددىي ئۇقتۇرۇش چۈشۈرۈپ بارلىق سەھىيە ئورگانلىرىنى ھوشيار تۇرۇشقا، پاراگۇايدىن كالا گۆشى ئېكسپورت قىلىشىنى ۋاقتىنچە توختىتىشقا جىددىي بۇيرۇق چۈشۈرۈپتۇ.ئارگېنتىنا بولسا پاراگۇاي كالا گۆشىنى چەكلىگەن ئۈچىنچى دۆلەت ئىكەن.باشقا لاتىن ئامېرىكىسى دۆلەتلىرىمۇ پات يېقىندا پاراگۇايدىن كالا گۆشى ئېكسپورت قىلىشىنى چەكلەش ئۇقتۇرۇشىنى چۈشۈرىدىكەن.
    خادىملارنىڭ پەرىزىچە،بۇ قېتىمقى ئاقسىل كېسىلى ئەھۋالى پاراگۇاي كالا گۆشى ئىشلەپچىقىرىش ۋە پىششىقلاش سانائىتىگە ئېغىر تەسىر كۆرسىتىپتۇ.كالا گۆشى ئېكسپورتى بولسا پاراگۇاينىڭ ئىككىنچى كىرىم مەنبەسى ئىكەن،شۇنداقلا دۇنيادىكى ئاساسلىق كالا گۆشى ئېكسپورت قىلىدىغان دۆلەتلەرنىڭ بىرى ئىكەن.بۇ يىل ئالدىنقى تۆت ئايدا پاراگۇاينىڭ كالا گۆشى ئېكسپورتى 57 مىڭ تونىغا يېتىپ،ئالغان پايدىسى 31 مىليون 100 مىڭ ئامېرىكا دوللارغا يەتكەن ئىكەن.ستاتىستىكىدا كۆرسىتىلىشىچە،رۇسىيە بىلەن چىلى بولسا پاراگۇايدىن كالا گۆشى ئىمپورت قىلىدىغان ئاساسلىق دۆلەتلەر بولۇپ،جۇڭگو تەيۋەنمۇ كالا گۆشىنى پاراگۇايدىن كىرگۈزىدىكەن.بۇ كېسەل ئىمپورت ۋە ئېكسپورت قىلىدىغان ئىككى تەرەپكە ئېغىر ئىقتىسادى زىيان ئېلىپ كەپتۇ

مەنبە: gb.cri.cn