سۇمۇرغ تورىنىڭ 8-ئاينىڭ 18-كۈنىدىكى خەۋىرى، يەر شارى تورىنىڭ خەۋىرىگە ئاساسلانغاندا،  نۆۋەتتە جۇڭگونىڭ «ۋا لاڭ گې» ناملىق ئاۋىئاماتكا سۇپىسىنىڭ ئالدىنقى كۈنلەردە قوزغىلتىىشى خەلقئارا جەمئىيەتنىڭ دىققىتىنى تارتتى. جۇڭگو دۆلەت مۇداپىئە مىنىستىرلىقى بايانات ئېلان قىلىپ ئۇنىڭ نۆۋەتتە تەتقىق قىلىنىش ۋە سىناق باسقۇچىدا ئىكەنلىكىنى بىلدۈرگەندىن كېيىن، ياپونىيە ئاخبارات ۋاسىتىلىرى توختىماستىن تەھدىت نەزەرىيىسىنى تارقاتتى. ياپونىيەنىڭ «ئەتىگەنلىك خەۋەرلەر ئاگېنتلىقى» نىڭ 8-ئاينىڭ 17-كۈنى ئېلان قىلغان باش ماقالىسىدە مۇنداق دېيىلدى:«گەرچە جۇڭگونىڭ ئاۋىئاماتكىسى يەنىلا قەغەز يولۋاس بولسىمۇ، ئەمما خەلقئارا جەمئىيەت ئۇنىڭغا بولغان سەزگۈرلۈكنى بوشاشتۇرمىدى. شۇنىڭ بىلەن بىرلىكتە جۇڭگو بىلەن بولغان مۇناسىۋەتنى ئاكتىپ تەرەققىي قىلدۇردى».
ياپونىيەنىڭ «ئەتىگەنلىك خەۋەرلەر ئاگېنتلىقى» نىڭ ماقالىسىدە مۇنداق دېيىلدى:«جۇڭگونىڭ تۇنجى ئاۋىئاماتكىسى مۇۋەپپەقىيەتلىك ھالدا قوزغىتىلدى، بۇ خىل كۆرۈنۈش جۇڭگو ئاممىسىنى خۇشال قىلدى، تاجاۋۇزچىلىققا ئۇچرىغان قانلىق تارىخ جۇڭگولۇقلارنىڭ قەلبىگە مۆھۈر بولۇپ بېسىلغان. شۇڭلاشقا، جۇڭگونىڭ بۇ ئاۋىئاماتكىسى كەڭ جۇڭگولۇقنى خۇشال قىلدى، ئەمما بۇ خىل ئەھۋال قوشنا ئەھۋاللارنى تىكەن ئۈستىدە ئولتۇرۇۋالغاندەك ئەھۋالغا چۈشۈرۈپ قويدى. بۇ ئاۋىئاماتكىنىڭ مۇۋەپپەقىيەتلىك قوزغىتىلىشى ‹جۇڭگو تەھدىتى› نى نامايان قىلدى».
ماقالىدا يەنە مۇنداق دېيىلدى:«ۋا لاڭ گې ناملىق ئاۋىئاماتكا 1980-يىلى ياسالغان، ئۇنىڭ شەكلى ‹بېڭ كۈي› ناملىق كونا ھەربىي پاراخوتقا ئوخشىشىدۇ. گەرچە مەزكۇر ئاۋىئاماتكا پۈتۈنلەي ئۆزگەرتىلگەن بولسىمۇ، ئەمما ھازىرغىچە پاراخوت ئايروپىلانى سەپلەنمىدى. ماتور ۋە رادار قاتارلىق ئەسلىھەلەرنىڭ ئىقتىدارلىرى نۆۋەتتە مۇئەييەنلەشتۈرۈشنى كۈتۈۋاتىدۇ». ماقالىدە يەنە مۇنداق دېيىلدى:«تارىختا جۇڭگو ئامېرىكىنى قەغەز يولۋاس دېگەنىدى، ئوخشاشلا، جۇڭگونىڭ ئەمدىلا تاماملانغان ئاۋىئاماتكىسىنى قەغەز يولۋاس دېيىشكە بولىدۇ».
ماقالىدە يەنە مۇنداق دېيىلدى:«ئادەمنى ھەقىقىي ئەندىشىگە سالىدىغىنى ‹ۋا لاڭ گې ئەمەس، بەلكى مەزكۇر ئاۋىئاماتكىنى ئاساس قىلغان بۇندىن كېيىنكى جۇڭگونىڭ دېڭىز ئارمىيىسى يۆنىلىشىدۇر». جۇڭگو ئىقتىسادىنىڭ ئېشىشىغا ئەگىشىپ، دېڭىزدىكى مەنپەئەت ۋە دېڭىز-ئوكيان بايلىقلىرىنى ئۆزىنىڭ دېڭىز ئارمىيە نىشانى قىلىپ كەلدى. جۇڭگو گەرچە دەلىللىمىگەن بولسىمۇ، ئەمما جۇڭگو ئاللىبۇرۇن تۇنجى قېتىم دۆلەت ئىچىدە ئىشلەپچىقىرىلغان ئاۋىئاماتكىنى ياساشنى باشلاپ بولدى، ھەمدە تىغ ئۇچىنى ئامېرىكا تەتقىق قىلىۋاتقان يۇقىرى ئىقتىدارلىق قارشى تۇرغۇچى باللىستىك باشقۇرۇلىدىغان سنارەدكە قاراتتى».
ماقالىدە يەنە مۇنداق كۆرسىتىلدى:«جۇڭگودىن ئېھتىيات قىلىش ئۈچۈن شەرقى ئاسىيا ئىتتىپاقىدىكى ھەرقايسى دۆلەتلەر توختىماستىن ئامېرىكا بىلەن بىرلەشمە مانېۋىر ئۆتكۈزۈپ، دۆلەت مۇداپىئەسىنى كۈچەيتتى. بىر قىسىم دۆلەتلەر پۈتۈن كۈچى بىلەن ھەربىي ئەسلىھەلەرنى يېڭىلىدى. يەنە بىر قىسىم دۆلەتلەر يېڭى تىپتىكى سۇ ئاستى پاراخوتى ۋە ھەربىي كېمىلەرنى سەپلىدى. بۇنىڭ ئىچىدە، ئاۋىئاماتكىغا ئىگە ھىندىستان نۆۋەتتە يەنە بىر ئاۋىئاماتكا ياساپ، يېڭى تىپتىكى سۇ ئاستى كېمىسىنى ئورۇنلاشتۇرۇش خىزمەتلىرىنى ئېلىپ بېرىۋاتىدۇ».
«جۇڭگو ئاۋىئاماتكا تەھدىتى» نى مۇبالىغە قىلىپ كۆرسىتىش بىلەن بىر ۋاقىتتا ياپونىيە ئاخبارات ۋاسىتىلىرى «ئەتىگەنلىك خەۋەرلەر ئاگېنتلىقى» دە ئەتراپتىكى ھەر قايسى ئەللەرنى تېرىشىپ جۇڭگو بىلەن بولغان مۇناسىۋەتنى تەرەققىي قىلدۇرۇشقا دەۋەت قىلدى. ماقالىدە كۆرسىتىلىشىچە، ئاسىيادىكى دۆلەتلەرنىڭ تەرەققىياتى ناھايىتى تېز بولۇۋاتقان بولسىمۇ، ئەمما دۆلەت ئىچىدىكى نامراتلىق ئەھۋاللىرى ھېلىھەم مەۋجۇت ئىكەن. بىر قىسىم دۆلەتلەر ھەربىي ھازىرلىقلارنى خىراجەتلىرىنى جەمئىيەت ئامانلىقى ۋە پاراۋانلىق ئىشلىرىغا ئىشلەتكەن. ئامېرىكا-ياپونىيە بىرلەشمىسى بىر تەرەپتىن ئاسىيادىكى بىر قىسىم دۆلەتلەر بىلەن ھەمكارلىق ئورنىتىشنى، يەنە بىر تەرەپتىن ئاكتىپلىق جۇڭگونىڭ رايىغا بېقىشنى ئۆزىگە ئوق مەركىزى قىلغان.شۇڭ ئۇلار «ئاساسىي لىنىيە» نى جۇڭگو بىلەن بولغان مۇناسىۋەتنى تېخىمۇ چوڭقۇرلاشتۇرۇش قىلىپ تاللىغان.