شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشيەن (ماتېرىيال رەسىم)

  12–ئاۋغۇست چۈشتىن كېيىن ، شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشيەن يىغىن ئېچىپ ۋە رىياسەتچىلىك قىلىپ ، شىنجاڭنىڭ مىللىي ئالاھىدىلىككە ئىگە يېمەك–ئىچمەك كەسپىنى تەرەققىي قىلدۇرۇپ ، شىنجاڭنىڭ ئالاھىدە يېمەك–ئىچمەك كەسپىنى كۆلەملەشتۈرۈش ، دەرىجىسىنى ھەم سەۋىيەسىنى يۇقىرى كۆتۈرۈشنى مەخسۇس مۇھاكىمە قىلدى . شۇجى جاڭ چۈنشيەن يىغىندا سۆز قىلىپ ، مونۇلارنى تەلەپ قىلدى ، ئەنئەنىۋى يېمەك–ئىچمەك كەسپىنى قېزىش ، دەرىجىسىنى يۇقىرى كۆتۈرۈش ، قوبۇل قىلىش ، يېڭىلىق يارىتىش ، ھۆكۈمەت ئىلگىرى سۈرۈش ، سىياسەت ئارقىلىق قوزغىتىش ، ماركا يارىتىش ، كەسپلەر بىرلىشىپ ھەرىكەتلەندۈرۈش ئارقىلىق ، شىنجاڭنىڭ ئەنئەنىۋى يېمەك–ئىچمەك كەسپى سەۋىيەسىنى ئومۇمىي گەۋدىلىك ئۆستۈرۈپ ، ئۈچ يىل ئىچىدە ئۈنۈم ھاسىل قىلىش كېرەك .

    بىزگە مەلۇمكى ، ‹‹ پۇقرالار ئاشلىق بىلەن ئۆرە تۇرىدۇ ›› . يېمەك–ئىچمەك كەسپى مەڭگۈ كۈنگەي كەسىپ بولۇپ ، 5000 يىللىق يېمەك–ئىچمەك مەدەنىيىتى جۇڭگونىڭ دۇنيادىكى بىرىنچى يېمەك–ئىچمەك چوڭ دۆلىتىلىق ئورنىنى ياراتقان . سەككىز چوڭ قورۇمىدىن تارتىپ مىڭلىغان ، ئونمىڭلىغان داڭلىق ئەرزان باھالىق يېمەكلىكلەرگىچە ، ھەممىسىدە جۇڭگونىڭ ئېسىل تەملىك يېمەكلىكلىرىنىڭ تەمى مول ، رەڭدارلىقى گەۋدىلىنىپ تۇرىدۇ . جۇڭگودا ئوزۇقلىنىش ، پۈتۈن دۇنيا خەلقىنىڭ ئورتاق ئارزۇسى .

    مۇشۇ قاتلامدىن ئېيتقاندا ، شۇجى جاڭ چۈنشيەننىڭ ئۈرۈمچى شەھىرىنىڭ يېمەك–ئىچمەك كەسپىنى تەكشۈرۈپ ، ھەمدە مەخسۇس تېمىدا يىغىن ئېچىپ ۋە ئۇنىڭغا رىياسەتچىلىك قىلىپ ، مىللىي ئالاھىدىلىككە ئىگە يېمەك–ئىچمەك كەسپىنىڭ تەرەققىياتىنى مەخسۇس مۇھاكىمە قىلىشى ، ئاپتونومرايونىمىز بويىچە تۇنجى قېتىملىق بولۇپ ، بىر خىل ھاكىميەت يۈرگۈزۈشتىكى سەگەكلىكى ھەم خەلقنى نەزەردە تۇتۇشتىكى ئەقىل–پاراسىتىنى گەۋدىلەندۈرۈپ بېرىدۇ ، بۇنى مەدھىلەشكە ئەرزىيدۇ .

    بۇ دەل خەۋەردە ئېيتىلغاندەك ، يېمەك–ئىچمەك بىر تۈرلۈك مىڭلىغان ، ئونمىڭلىغان ئائىلىلەرگە مۇناسىۋەتلىك خەلق تۇرمۇشى قۇرۇلۇشى بولۇپ ،مىللىي ئالاھىدىلىككە ئىگە يېمەك–ئىچمەك كەسپى قويۇق ‹‹شىنجاڭچە ئالاھىدىلىككە ئىگە ›› بولغان ‹‹داڭلىق ماركا›› . ئاپتونوم رايونلۇق پارتكوم 7–نۆۋەتلىك كومىتېتىنىڭ 9–قېتىملىق ئومۇمىي (كېڭەيتىلگەن) يىغىنى ئۇنى تەرەققىي قىلدۇرۇش نىشانىنىڭ پىرى قىلدى ، بۇ يىلنىڭ باشلىرىدا يەنە مىللىي ئالاھىدىلىككە ئىگە يېمەك–ئىچمەك كەسپىنى تەرەققىي قىلدۇرۇش 22 تۈرلۈك نۇقتىلىق خەلق تۇرمۇشى ئەمەلىي قۇرۇلۇشىنىڭ قاتارىغا كىرگۈزۈلدى . بۇ يىل 3–ئايدا ئاپتونوم رايونلۇق پارتكومنىڭ ئاساسلىق رەھبەرلىرى تەتقىقات تېمىلىرىنى ئورۇنلاشتۇرۇپ ، ئاپتونوم رايونىمىزدىكى مۇناسىۋەتلىك ئورۇنلار شىنجاڭنىڭ ئالاھىدە يېمەك–ئىچمەك كەسپىنى تەرەققىي قىلدۇرۇش توغرىسىدا بەش ئايدىن كۆپرەك بازار تەكشۈرۈش ۋە مەخسۇس تەتقىق قىلىشنى ئېلىپ باردى .شۇجى جاڭ چۈنشيەننىڭ ئۈرۈمچىدە يېمەك–ئىچمەك كەسپىنى تەكشۈرگەنلىكى ، دەل بۇنىڭ ئىچىدىكى بىر مەزمۇن .

    جاڭ چۈنشيەن شۇجىنىڭ شىنجاڭنىڭ مىللىي ئالاھىدىلىككە ئىگە يېمەك–ئىچمەك كەسپىنى تەرەققىي قىلدۇرۇش توغرىسىدا ئەمەلىي تەكشۈرۈپ تەتقىق قىلىشى ، ھەمدە شىنجاڭدا تۇنجى قېتىم مىللىي ئالاھىدىلىككە ئىگە يېمەك–ئىچمەك كەسپىنى تەرەققىي قىلدۇرۇش توغرىسىدا مەخسۇس مۇھاكىمە ئېلىپ بېرىپ ، مىللىي ئالاھىدىلىككە ئىگە يېمەك–ئىچمەك كەسپىنىڭ تەرەققىياتىنى ئىلگىرى سۈرۈپ ، ‹‹شىنجاڭچە ئالاھىدىلىككە ئىگە ›› بولغان ‹‹داڭلىق ماركا›› يارىتىشنى تەكىتلىگەنلىكىنىڭ چوڭقۇر مەنىسى ناھايىتى ئېنىقكى ، : جۇڭخۇا مىللەتلىرىنىڭ 5000 يىللىق تارىخىي مەدەنىيىتى ، چوڭقۇر ھەم مول بىلىمگە ئىگە جۇڭخۇا يېمەك–ئىچمەك مەدەنىيىتىنى ياراتقان . مەدەنىيەت ئۆز ئىچىگە ئالغان چوڭقۇر مەزمۇن ۋە ئالاھىدىلىكلەر شەك–شۈبھىسىزكى يېمەكلىك قورۇمىلارنىڭ مۇھىملىقىنى ئۆلچەيدىغان ھەم تاللايدىغان ئۆلچەمگە ئايلانغان . ئوزۇقلىنىش بارغانسېرى يالغۇز قورساق تويغۇزۇشنىڭ ئېھتىياجى بولۇپلا قالماستىن ، بەلكى بىر خىل مەنىۋى جەھەتتىكى بەھرىمەن بولۇشقا ئايلىنىپ ، بىر قېتىملىق شېرىن مەدەنىيەت ساياھىتى ھېسابلىنىدىغان بولدى . بولۇپمۇ ، ئاپتونوم رايونىمىزدىكى 47 مىللەت ئۇزۇن تارىخىي جۇغلاش جەريانىدا ئۆزلىرىگە خاس يېمەك–ئىچمەك مەدەنىيىتىنى شەكىللەندۈرگەن بولۇپ ، ھەرقايسى مىللەتلەرنىڭ ئالاھىدە يېمەك–ئىچمەكلىرىنىڭ سانىنى ساناپ تۈگەتكىلى بولمايدۇ ، بۇلار روشەن ، قويۇق ئالاھىدىلىككە ، مۇئەييەن كەسپىي ئاساس ۋە ئېسىل ئەنئەنىگە ئىگە بولۇپ ، تەرەققىيات يوشۇرۇن كۈچى غايەت زور .

    مۇشۇ بويىچە ئېيتقاندا ، مىللىي ئالاھىدىلىككە ئىگە يېمەك–ئىچمەك كەسپىنىڭ تەرەققىياتىنى ئىلگىرى سۈرۈپ ، ‹‹شىنجاڭچە ئالاھىدىلىككە ئىگە ›› بولغان ‹‹داڭلىق ماركا›› يارىتىش ئاپتونوم رايونىمىزنىڭ ‹‹خەلقنى بېيىتپ ، ئاپتونوم رايوننى قۇدرەت تاپقۇزۇش›› ئىستراتېگىيەلىك نىشانىنى ئەمەلگە ئاشۇرۇشتىكى مۇھىم تەدبىر بولۇپ ، خەلق ئاممىسى ئۈچۈن مۇلازىمەت قىلىپ ، خەلق ئاممىسىنىڭ تۇرمۇش سۈپىتىنى ئۆستۈرۈشنىڭ ئېھتىياجى ، شىنجاڭنىڭ يېمەك–ئىچمەك مەدەنىيىتىنى موللاشتۇرۇش ۋە جارى قىلدۇرۇشنىڭ ئېھتىياجى ، شىنجاڭنىڭ مىللى ئالاھىدىلىككە ئىگە يېمەك–ئىچمەك كەسپىنى مۇستەھكەملەش ۋە تەرەققىي قىلدۇرۇشنىڭ ئېھتىياجى ھېسابلىنىدۇ . شۇڭا جاڭ چۈنشيەن شۇجىنىڭ سۆزى بويىچە ئېيتقاندا ، ھۆكۈمەت ئىلگىرى سۈرۈش ، سىياسەت ئارقىلىق قوزغىتىش ، ماركا يارىتىش ، كەسپلەر بىرلىشىپ ھەرىكەتلەندۈرۈش ئارقىلىق ، ئاپتونوم رايونىمىزنىڭ ئالاھىدە يېمەك–ئىچمەك كەسپى تەرەققىياتىنى ئىلگىرى سۈرۈشتە ، ‹‹ ئەنئەنىۋى يېمەك–ئىچمەك كەسپىنى قېزىش ، دەرىجىسىنى يۇقىرى كۆتۈرۈش ، قوبۇل قىلىش ، يېڭىلىق يارىتىش›› نى ياخشى ئىشلەش كېرەك . مۇشۇنداق قىلغاندا ، شىنجاڭنىڭ ئەنئەنىۋى يېمەك–ئىچمەك كەسپىگە مەدەت بېرىپ ، شىنجاڭ ئالاھىدە يېمەك–ئىچمەك كەسپىنى كۆلەملەشتۈرۈش دەرىجىسى ۋە سەۋىيەسىنى يۇقىرى كۆتۈرۈشنى كۈچلۈك ئىلگىرى سۈرگىلى بولىدۇ .

   تەرجىمە قىلغۇچى: مەھەممەت بارات

    بۇ ئەسەرنىڭ ھوقۇقى تەڭرىتاغ ئۇيغۇر تورىغا تەۋە، باشقا ئاخبارات ۋاسىتىلىرى ۋە تور بېكەتلىرىنىڭ ھەرقانداق باھانە–سەۋەب بىلەن كۆچۈرۈپ ئېلان قىلىشىغا يول قويۇلمايدۇ ، خىلاپلىق قىلغۇچىلارنىڭ قانۇنىي جاۋابكارلىقى سۈرۈشتۈرۈلىدۇ.