ئۈرۈمچى لىنىيىسى خەۋىرى  ۋۇ x ئەمدىلا فۇجىيەندىن 50 نەچچە يەشىڭ ساختا تاماكا
كىرگۈزۈپ تۇرىشىغا ساقچىلارنىڭ قولىغا چۈشۈپ قالدى . ساقچىلار تەكشۈرۈش ئارقىلىق 
چوڭ بىر قېپى 400 نەچچە يۈەنلىك " سۇيەن " ۋە نەچچە مىڭ يۈەنلىك " خۇاڭخېلوڭ "
 قاتارلىق ئومۇمىي قىممىتى 528 مىڭ يۈەن ئەتراپىدىكى  ساختا تاماكىنى  ئېنىقلاپ چىقتى .
 

12 - ئاۋغۇست سائەت 18 لەردە ، شىمالىي شەھەر ئەتراپى يولوچىلار بىكىتىنىڭ يۈك
توشۇش بۆلۈمىدە 50 نەچچە قاپ ساختا تاماكا قويۇلغان بولۇپ ، ئۈرۈمچى شەھەرلىك
تاماكا مەخسۇس سېتىش ئىدارىسىنىڭ شەھەرلىك تۆتىنچى رايونلۇق ئون نەچچە قانۇننى
ئىجرا قىلغۇچى خادىملار نەق مەيدانغا كېلىپ تەكشۈرۈش ئېلىپ باردى .
 

بۇ ساختا تاماكىلارنىڭ ھەممىسىنى فۇجىيەندىن ئېلىپ كىرگەن بولۇپ ئىككى ئاي بۇرۇن
ئىلگىرى تاماكا ئىشلىرى بۆلۈمى بىر تۈركۈم ساختا تاماكىلارنىڭ ئۈرۈمچىگە  توشۇپ
كېلىنىدىغانلىق خەۋىرىنى ئىگەللىگەنىدى . شۇڭا ئۇلار رەتكە تۇرغۇزۇپ تەكشۈرۈش
ئارقىلىق ۋۇ x ئۇلارنىڭ تەكشۈرۈش نۇقتىسى بولۇپ قالدى .
 

ئۇلار مالنىڭ يېتىپ كېلىدىغان ۋاقتى ۋە ئورنىنى بىلگەندىن كىيىن ،قانۇننى ئىجرا قىلغۇچى
خادىملار بىلەن 20 نەچچە كۈن شۇ يەرنى كۈزەت قىلدى . تاكى 12 - ئاۋغۇست چۈشتىن
كىيىن ۋۇ x يۈك توشۇش بىكىتىدە پەيدا بولۇپ 50 نەچچە يەشىك ساختا مالنى تاپشۇرۇپ
ئالغاندىلا ئۇلار مال بىلەن ئىگىسىنى تەڭ تۇتتى .
 

خىزمەتچى خادىملارنىڭ دەسلەپكى قەدەمدە تەكشۈرۈپ بىكىتىش نەتىجسىدىن قارىغاندا ،
بۇ ساختا ماللارنىڭ ئومۇمىي قىممىتى  528 مىڭ يۈەن بولۇپ ، بۇ يىلقى تەكشۈرۈپ قولغا
ئالغان ساختا مال ئەتكەسچىلىكى ئىچىدىكى ئەڭ چوڭ بىر قېتىملىق ئەتكەسچىلىك ئىكەن .
 

" بۇ ساختا ماللار مەخسۇس ئۈرۈمچى بازىرىغا قارىتىلغان " دېدى قانۇننى ئىجرا قىلغۇچى خادىم ، " بىراق كىمنىڭ ئىشلەپ چىقارغانلىقى ئېنىق ئەمەس ، ئۈرۈمچىنىڭ تاماكا ۋاكالەت نومۇرىنىڭ ئالدىنقى بىر نەچچە خانىسى WSYC6501 بولىدۇ " دېدى ئۇ بىر قاپ شۆلىيەن تاماكىنى كۆرسىتىپ ، ئاندىن شۆلىيەن دېگەن ئىسىمنى سۈرتكەنىدى ئىسىم ئۈچۈپ كەتتى .
 

" ھەر يىلى تاۋۇز بايرىمى ۋە دۆلەت بايرامىنىڭ ئالدى كەينى تاماكا سېتىشنىڭ ئەڭ ياخشى
پۇرسىتى بولۇپ ، نۇرغۇن ساختا تاماكا ئەتكەسچىلىرى مۇشۇ پۇرسەتتىن پايدىلىنىپ ،
بازارنى قالايمىقان قىلىدۇ  " دېدى تاماكا مەخسۇس سېتىش ئىدارىسى تۆتىنچى رايونىنىڭ
 ئىدارە باشلىقى . نۆۋەتتە ۋۇ x ۋە ساختا تاماكىلىرى قولغا چۈشۈپ ، بۇ دېلو ئىچكىرلەپ
 تەكشۈرۈلمەكتە .
 

 تاماكا مەخسۇس سېتىش ئىدارىسى تۆتىنچى رايونىنىڭ خىزمەتچى خادىمىنىڭ تونۇشتۇرىشىچە ، راست مالنىڭ سىرتقى كۆرۈنۈشى ، رەڭگى قاتارلىقلار ئىنتايىن تەكشى بولۇپ ، قول سېزىمىمۇ ئىنتايىن سىلىق بولىدىكەن . بىراق ساختىسىنىڭ ئۇنداق ئەمەس بولۇپ سىلىغاندىمۇ قولغا سانجىلىپ تۇرىدىكەن . ھەتتا بەزىلىرىنىڭ خېتىنى قول بىلەن ئۈچۈرىۋەتكىلىمۇ بولىدىكەن . ناۋادا ساختا تاماكىنى بايقاپ قالغاندا 8812313 گە تېلىفۇن قىلىپ شىكايەت قىلسا بولىدىكەن .