يانفۇن ئارقىلىق پاشا قوغلاش

ھايۋانلار بىلەن سىردىشىدىغان بالا



بىرازىلىيەنىڭ بىر كەنتىدە بالىلارغا ئارلاشمايدىغان، ھايۋانلار بىلەن بىللە ئۆتۈشنى ياقتۇرىدىغان بىر بالا بولۇپ، ئۇ كۈن بويى ئائىلىسىدىكى كالا، قوي، ئىت، مۈشۈكلەر بىلەن بىللە ئوينايدىكەن. بۇ ھايۋانلارمۇ ئۇنىڭ تىلىنى بىلىدىغاندەك ئىش قىلىدىكەن. بىر قېتىم بىر كىشى ھەسەل ھەرىسى كۆنىكىگە تېگىپ قويغانلىقتىن ھەرىلەر ئۇنىڭغا ھۇجۇم قىلغان. ئائىلىسىدىكىلەر ھېلىقى بالىنى چاقىرىپ كەلگەندە، ئۇ بالا ھەسەل ھەرىلىرىنىڭ ئالدىغا بېرىپ، ھەرىدىن ئىككىنى تۇتۇپ بىر مەھەل سۆزلەشكەن. نەتىجىدە بۇ ئىككى ھەسەل ھەرىسى قايتىپ بېرىپ باشقا ھەسەل ھەرىلىرىنى باشلاپ كەتكەن. ئۇنىڭدىن باشقا، بىر سېرىك ئۆمىكى بۇ بالا ئولتۇرۇشلۇق كەنىتكە ۋەھشىي شىر سولانغان تۆمۈر قەپەزدىن بىرنى ئېلىپ كەلگەن. بۇ بالا بۇنىڭدىن خەۋەر تاپقاندىن كېيىن دەرھال يۈگۈرۈپ بېرىپ، تۆمۈر قەپەزنىڭ ئىچىگە كىرىپ شىر بىلەن سۆزلىشىشكە باشلىغان.  شىر ئۇنى چىشلەش ئۇياقتا تۇرسۇن، ئەكىسچە تىلىنى چىقىرىپ دوستانە ھالدا ئۇنىڭ يۈزىنى يالاشقا باشلىغان. بۇنى كۆرگەن كىشىلەر ھاڭ-تاڭ قالغان . يەنە بىر قېتىم بۇ بالا تاغدا چوڭ قورساقلىق يىلاننى كۆرۈپ ، ئۇنى بىر قانچە قېتىم چاقىرغاندا يىلان ئۇنىڭ يېنىغا كەلگەن، شۇنىڭ بىلەن بالا يىلاننى تۇتۇۋىلىپ ئوينىغان. زەھەرلىك يىلان ئۇنى چاقماستىن ئۇنىڭ قولىنى يالاشقا باشلىغان. شۇنداق قىلىپ ئۇ يەردىكى كىشىلەر ئۇنى «ھايۋانلارنىڭ سىردىشى»  دەپ ئاتىغان.




                                                               مەنبە: رادىئو« جاھان ئەينىكى » پىروگراممىسى