داجوڭ تورى خەۋىرى ،بۈگۈن  دۆلەت تەرەققىيات كومىتېتى  تور بېتى ماقالە ئېلان قىلىپ شىنجاڭ كۈندىلىك خەۋەرلەر گېزىتى ۋە ئاسىيا كىندىكى تورى خەۋەر قىلغان  <قەشقەرنىڭ ئۆي باھاسى 2 ئاي ئىچىدە ئىككى ھەسسە ئۆسۈپ كەتتى،ھايانكەشلەر يۈرۈش-يۈرۈشلەپ بىنا سېتىۋالدى >دېگەن ئۇچۇر يالغان ،دېدى .دۆلەت تەرەققىيات كومىتېتى ئەمىلى تەكشۈرۈش ئارقىلىق بۇلتۇرقى 5-ئىيۇل ۋەقەسى قەشقەرنىڭ ئۆي-مۈلۈك ئېچىش مىقدارىنى تۆۋەنلىتىۋەتكەنلىكى  ،ئۆيلەرنىڭ سېتىلىشىمۇ سۇس بولغانلىقى،ئېگىز  قەۋەتلىك بىنالاردىكى سېتىلمىغان ئۆيلەر 50پىرسەنتتىن ئېشىپ كەتكەنلىكتىن باھانىڭ چۈشكەنلىكىنى بايقىدى.بۇ يىل 4-ئايدىن 6-ئايغىچە  ئۆيلەرنىڭ سېتىلىش سۈرئىتى تېزلەشتى  ،شۇنىڭ بىلەن بىر ۋاقىتتا   ئۆي باھاسىمۇ  ئۆستى . قەشقەر شەھىرىدە نۆۋەتتە ئادەتتىكى قەۋەتلىك بىنالارنىڭ ھەر كۋادرات مىترىنىڭ  باھاسى 2600يۈەن بولۇپ بۇلتۇرقى ئوخشاش مەزگىلدىكىدىن 33پىرسەنت ،ئېگىز  قەۋەتلىك بىنالارنىڭ ھەر كۋادرات مىترىنىڭ  باھاسى 3000يۈەن بولۇپ بۇلتۇرقى ئوخشاش مەزگىلدىكىدىن 30-40پىرسەنتكىچە ئۆستى .

      ئاسىيا كىندىكى تورى بۇ يىل  1-ئىيۇل< قەشقەردىكى ئۆيلەرنىڭ ھەر كۋادرات مىترىنىڭ   باھاسى 4000يۈەندىن ئېشىپ كەتتى ،شياڭگاڭ ،گۇاڭدۇڭدىكى  ھايانكەشلەر  يۈرۈش-يۈرۈشلەپ بىنا سېتىۋالدى >دەپ   خەۋەر قىلغان ئىدى، 20-ئىيۇل يەنە شىنجاڭ كۈندىلىك خەۋەرلەر گېزىتى< قەشقەرنىڭ ئۆي باھاسى بىر كۈن يەنە بىر كۈندىن قىممەت،2 ئاي ئىچىدە ئىككى ھەسسە ئۆسۈپ كەتتى>دەپ خەۋەر قىلىپ ،جەمئىيەتنىڭ دىققىتىنى قوزغىدى ۋە تاراتقۇلارنىڭ بەس-بەستە خەۋەر قىلىشىنى كەلتۈرۈپ چىقاردى.بۇ خەۋەرنى  بايقىغاندىن كىيىن  دۆلەت تەرەققىيات كومىتېتى دەرھال تەكشۈرۈش گۇرۇپپىسى تەشكىللەپ ،يوشۇرۇن ھالدا تەكشۈرۈش ئېلىپ باردى .

        تەكشۈرۈش  ئارقىلىق ئاتالمىش <ھايانكەشلەر يۈرۈش-يۈرۈشلەپ بىنا سېتىۋالىدىغان  >ئەھۋاللار بايقالمىدى.دەسلەپكى   تەكشۈرۈشتىن مەلۇم بولىشىچە كۆپ قىسىم  ئۆي سېتىۋالغۇچىلار ئەتراپتىكى ناھىيە ،بىڭتۇەن ئاھالىلىرى ئىكەن.