ئاسىيا كىندىكى تورى خەۋىرى:
 
       20-ئىيۇل چۈشتىن كىيىن، شىنجاڭ ئۇيغۇر ئاپتونۇم رايونى قىزىلسۇ قىرغىز ئاپتونۇم ئوبلاستى ئاقتۇ ناھىيىسىدىكى 314-دۆلەت يولىدىكى نۇرغۇن جايلاردا لاتقا شېغىللىق ئېقىن پەيدا بولۇپ، 870 نەپەر دۆلىتىمىز ۋە چەتئەللىك يولوچى، 320 دىن ئارتۇق ماشىنا قاپسىلىپ قالدى. شىنجاڭ ئۇيغۇر ئاپتونۇم رايونى چىگرا مۇداپىئەسى ئەسكەرلىرى جىددى قۇتقۇزۇش ئېلىپ باردى. كەچ سائەت 23:00 لەردە، يولدىكى توساقلار ئېلىنىپ قاتناش راۋانلاشتى. قاپسىلىپ قالغان يولوچىلار ۋە ماشىنىلار بىخەتەر ئۆتتى.
         20-ئىيۇل سائەت 17:40 لەر ئەتراپىدا 314-دۆلەت يولىنىڭ 1613 كىلومىتىردىن 1630 كىلومىتىرغىچە بولغان يول بۆلىكىنىڭ نۇرغۇن جايلىرىدا لاتقا شېغىللىق ئېقىن بولۇپ،  يولنى توسىۋالدى. يولدىن ئۆتۈپ كېتىۋاتقان يولوچىلار ۋە ماشىنىلار تۇسۇلۇپ قالدى.  شۇ يەردە تۇرۇشلۇق جامائەت خەۋىپسىزلىكى تەكشۈرۈش پونكىتى  خەۋەرنى تاپشرۇۋالغاندىن كېيىن، دەرھال 10 دىن ئارتۇق ساقچى تەشكىللەپ، گۈرجەك قاتارلىق ئەسۋاپلارنى، يىمەكلىك، دورا قاتارلىق بويۇملارنى ئېلىپ تېزلىك بىلەن  نەق مەيدانغا يىتىپ كەلدى. نەق مەيداننىڭ ئەتراپىغا جايلاشقان كان ئىشلىرى كارخانىسى 3 دانە چوڭ تىپتىكى   ،كۈرەكلىك ئېلېۋاتور (铲车)، تۇپا تۈرۈتۈش ماشىنىسى چىقىرىپ، يولدىكى لاي-لاتقىلارنى تازلىدى.
       يول تازلىنىۋاتقان ۋاقىتتا، ئەسكەرلەر يولوچىلارنى بىخەتەر رايونغا يۆتكىدى ۋە ئۇلارغا تۇخۇم، نان، مىنىرالسۇ قاتارلىق يىمەكلىكلەرنى تارقىتىپ بەردى.
        بەش سائەتلىك كۈرەش  قىلىش ئارقىلىق، شۇ كۈنى كەچ سائەت 23:00 لەر ئەتىراپىدا ، ئەسكەرلەر ئىلگىرى-كىيىن بولۇپ ئالتە توننا لاي-لاتقىنى تازلاپ، يولنى راۋانلاشتۇردى. تەكشۈرۈش پونكىتىدىكى ئەسكەرلەرنىڭ قوماندانلىقى ئاستىدا، قاپسىلىپ قالغان 320 دانە ماشىنا، 870 نەپەر يولوچى ئاپەتكە ئۇچىرىغان يولدىن بىخەتەر ئۆتتى. ئىگىلىشىمىزچە، بۇ قېتىم يولدا قاپسىلىپ قالغان يولوچىلار ئىچىدە،  ئامېرىكا، پاكىستان، كورىيە قاتارلىق دۆلەتلەردىن كەلگەن ساياھەتچىلەر ۋە 56 نەپەر چەتئەللىك ئوقۇغۇچى بار ئىكەن.
         314-دۆلەت يولى بولسا قەشقەر بىلەن تاشقۇرغاننى تۇتاشتۇرىدىغان ۋە جۇڭگو بىلەن پاكىستان، تاجىكىستان قاتارلىق دۆلەتلەرنى  تۇتاشتۇرىدىغان ئاساسلىق يول. ھەر يىلى 7-ئايدىن 9-ئايغىچە بولغان ئارلىقتا، ساياھەتچىلەر ۋە يۈك ماشىنىلىرى بىر قەدەر كۆپ بولۇپ، بۇ يولدىن ئۆتىدىغان ماشىنىلارنىڭ سانىمۇ ئەڭ كۆپ بولىدۇ. بۇ ۋاقىتلاردا تېپمىراتۇرا بىرقەدەر يۇقىرى بولۇپ، يامغۇر كۆپىرەك ياغىدۇ. شۇڭا كەلكۈن ۋە لاتقا شېغىللىق ئېقىن بۇ رايوندا داۋاملىق كۆرۈلۈپ تۇرىدىغان ئاپەتلەر بولۇپ، دائىم يولنى تۇسۇپ قويىدۇ.