شىخۇا تورىنىڭ7-ئاينىڭ19-كۈنىدىكى خەۋىرى، ئامېرىكا زۇڭتۇڭى ئوبامانىڭ 19-ئىيۇل دېيىشىچە، دېموكراتىك پارتىيىلە ۋە جۇمھۇرىيەتچىلەر پارتىيىسى قەرز بېرىشنىڭ يۇقىرى چېكى ھەققىدىكى سۆھبەتتە مەلۇم ئىلگىرلەش بولغان، ئوباما يەنە پارلامېنت ئىككى پارتىيە رەھبەرلىرىنىڭ ئورتاق تونۇشقا كېلىپ ، تېزلىكتە ئامېرىكىنىڭ جامائەت قەرز يۇقىرى چېكىنى ئۆستۈرۈشكە ئۈندىگەن.
ئوباما شۇ كۈنى ئاقسارايدا ئويۇشتۇرغان ئاخبارات ئېلان قىلىش يېغىنىدا دېيىشىچە، ئالدىنقى ھەپتىنىڭ ئاخىرى ئۇ  پارلامنىت رەھبەرلىرى سۆھبەتلىشىپ، ئىككى پارتىيە رەھبەرلىرىنىڭ تېزلىكتە ئامېرىكا جامائەت قەرزىنىڭ يۇقىرى چېكىنى ئۆستۈرۈشنىڭ ۋە ئامېرىكىدا ئۇزۇن مەزگىل ساقلانغان مالىيە قىزىل رەقىمى مەسىلىسى ھەل قىلىش لاھىيەسىنى تېپىشقا دەۋەت قىلغان.
 ئوباما يەنە ، ئامېرىكا ھۆكۈمىتىنىڭ قىزىل رەقىمى مەسىلىسىنى ھەل قىلىشتا، دېموكراتىك پارتىيەنىڭ قاتناشقۇچىلىرى جەمىيەت پاراۋانلىقىغا ئاجىرىتىلىدىغان چىقىمنىڭ ھەددىن زىيادە تېز بولۇپ كېتىشىنى تىزگىنلەش لازىملىقىنى ھېس قىلىپ يىتىدۇ دەپ كۆرسەتكەن؛ يەنە بەزى جۇمھۇرىيەتچىلەر پارتىيىسى قاتناشقۇچىلىرى، باج مەنبەسىنى كۆپەيتىش كېرەك دەپ قارىغان؛ بۇ بىر خوشاللىنارلىق ئىلگىرلەش بولۇپ،بىراق ئىككى پارتىيە ئەڭ ئاخىرىقى كېلىشىمگە يېتىش ئۈچۈن جاپالىق سۆھبەتلىشىۋاتقان.
ئالدىنقى ھەپتە ئوباما  ئىككى پارتىيە رەھبەرلىرى بىلەن جامائەت قەرز يۇقىرى چېكىنى ئۆستۈرۈش ۋە قىزىل رەقەمنى ئازايتىش توغرىلىق سۆھبەتلەشكەن، بىراق ئىككى پارتىيەدە باجنى ئاشۇرۇش قاتارلىق مەسىلىلىلەردە ئىختىلاپ مەۋجۈت بولغانلىقتىن سۆھبەتتە ماھىيەتلىك بۆسۈش بولمىغان. نۆۋەتتە، ئىككى پارتىيە ئامېرىكىنىڭ جامائەت قەرز يۇقرى چېكىنى ئۆستۈرۈش ۋە دۆلەت مالىيىسىنى ياخشىلاش توغرىسىدىكى ھەرخىل لاھىيىلەر ئۈستىدە سۆھبەتلىشىۋاتقان.
ئامېرىكا مالىيە قىسمىنىڭ قارىشىچە، بۇ يىل 5-ئاينىڭ16-كۈنىگىچە، ئامېرىكا فېدېراتسىيە ھۆكۈمىتى ئاللىقاچان قانۇندا بەلگىلەنگەن 14.29 تىرلىيون جامائەت قەرز چېكىگە يېتىپ بولغان؛ ئەگەردە پارلامىنت 8-ئاينىڭ 2-كۈنىدىن بۇرۇن قەرز يۇقىرى چېكىنى ئۆستۈرمىسە، ئامېرىكا قەرز توختامىغا خىلاپلىق قىلىش خەۋىپىگە دۇچ كېلىدىكەن.