جاۋاپكار : گۇڭ xx
 

      ‹‹ ئادەمنى مەن ئۆلتۈردۈم ، مېنىمۇ دەرھال ئۆلتۈرۈپ ئۆلۈكۈمنى ئايالىم بىلەن بىرگە قويۇڭلار .›› بۇ تۈنۈگۈن ئەتىگەندە شىڭپىڭ شەھەرلىك جامائەت خەۋپسىزلىك ئىدارىسغا ئۆزىنى مەلۇم قىلغىلى كەلگەن گۇڭ xx نىڭ سۆزى.
      شىڭپىڭ شەھەرلىك جامائەت خەۋپسىزلىك ئىدارىسى جىنايى ئىشلار تارماق ئەترىتىنىڭ تونۇشتۇرۇشىغا ئاساسلانغاندا ، چۈشتىن بۇرۇن 9:50 ئەتراپىدا ساقچىلار ئاممىنىڭ پاش قىلىش تېلېفونىنى تاپشۇرۇۋالغان ، تېلېفوندا شىڭپىڭ شەھەرلىك دۇڭ چېڭ كوچىسى مەھەللە ئىش باشقارمىسى بېيمىنسۇندىكى بىر تېرىلغۇ ئېتىزدىن بىر ئايالنىڭ جەسىتى بايقالغانلىقى مەلۇم بولغان . ساقچىلار تەكشۈرۈش ئارقىلىق جەسەتنىڭ ئەسلى بېيمىنسۇندىكى ئىلى xx ئىكەنلىكىنى ، 45 ياشقا كىرگەنلىكىنى ، ۋەقە چىققاندىن كېيىن ئېرىڭنىڭ ئىز-دېرىكىنىڭ يوقلۇقىنى بايقىدى .
      ساقچىلار يەنىمۇ ئىچكىرىلەپ تەكشۈرۈش داۋامىدا ، ئېرى گۇڭ xx مۇھىم گۇماندار قىلىپ بېكىتىپ ، گۇڭ xx نىڭ ئائىلىسىدىكىلەرگە بېرىپ ئۆزنى مەلۇم قىلىش توغرىلىق تەربىيە ئىشلىدى،نەتىجىدە چۈش سائەت 12 ئەتراپىدا گۇماندار گۇڭxx ۋېلىسىپىت مىنىپ شىڭپىڭ شەھەرلىك جامائەت خەۋپسىزلىك ئىدارىسغا بېرىپ ئۆزىنى مەلۇم قىلدى.
      تەكشۈرۈشتىن مەلۇم بولۇشىچە ، ئەر-ئايال ئىككىسىنىڭ توي قىلغىنىغا 20 يىل بولغان،ئىككى قىز بىر ئوغۇل بالىسى بار. ئېرى ئالدىنقى مەزگىلدىن باشلاپ ، ئايالىنىڭ توردا ئاشنىسى بار دەپ گۇمان قىلىپ يۈرگەن، ۋەقە چىققان كۈنى ئۇلار ئېتىزدا ئىشلەۋېتىپ سۈرۈشتۈرسە ئايالى پەقەت گەپ قىلماي تۇرۋلغاندىن كېيىن ئاچچىقىدا ئاۋۋال ئايالىنى ئۇرۇپ يىقىتىپ ئاندىن خىش بىلەن ئۇرۇپ ئۆلتۈرۈۋەتكەن، ئايالىنىڭ ئۆلگەنلىكىنى بىلگەندىن كېيىن قېچىپ كەتكەن.
تۆۋەندىكىسى مۇخبىر بىلەن جىنايەتچىنىڭ دىئالوگى.
م: نېمىشقا ئايالىڭىزنى ئۆلتۈردىڭىز؟
ج: ئۇ دائىم تورغا چىقىدۇ ، ئۇنىڭ ئاشنىسى بار.
م: ئىسپاتىڭىز بارمۇ؟
ج: مەن پەقەت شۇنداقمىكىن دەپ گۇمان قىلغان.
م: ئەگەر گۇمانىڭىز خاتا چىقىپ قالسا پۇشايمان قىلمامسىز؟
ج: ئەگەر مېنىڭ گۇمانىم توغرا بولسا پۇشايمان قىلمايمەن،ئەگەر خاتا بولسا قاتتىق پۇشايمان قىلىمەن .
م: سىلەر توي قىلغىلى 20 يىل بوپتۇ ، 3 بالاڭلارمۇ باركەن ھە؟
ج:شۇنداق ، مەن ئۇنى بەك ياخشى كۆرىمەن،ھازىرمۇ شۇنداق. لېكىن ئۇ مەندىن يۈز ئۆرۈدى،شۇڭا ئۆلۈشى كېرەك. مەنمۇ ھازىر مېنى دەرھال ئۆلتۈرۈپ ئايالىم بىلەن بىللە كۆمۈشنى ئۈمىد قىلىمەن .
بۇ دېلو تېخىمۇ ئىچكىرىلەپ تەكشۈرۈلۈۋاتىدۇ.