ئاسىيا كىندىكى تورى خەۋىرى:


         شاڭخەيدىكى ماشىنا سودىگىرى 7 مىلىيۇن يۈەن پۇلىنى ئالداپ ئېلىپ كەتكەنلىكتىن، شىنجاڭ  ئۇيغۇر ئاپتونۇم رايونى ئۈرۈمچى شەھىرى خۇالىڭ بازرىىدىكى نىمكەش ماشىنا سودىگىرى  خۇافىڭ سودا قىلالمىدى. بۇ ئەھۋال ئۇدا ئىككى ئاي داۋاملاشقان بولۇپ،  ئۇنىڭ ماشىنا كىرگۈزۈشكە پۇلى يوق ئىدى. ئۇنىڭ بىلەن بىللە سودا قىلىدىغان 30 دىن ئارتۇق  نىمكەش ماشىنا سودىگىرىمۇ جەمئىي 30 مىلىيۇن يۈەن پۇلىنى ئۇ شاڭخەيلىك ئالدامچىغا بېرىۋەتكەنلىكتىن، ئۇلارمۇ سودا قىلالمىغان ئىدى.
        2005-يىلى خۇافىڭ شاڭخەيلىك ماشىنا سودىگىرى لى ۋېنپىڭ بىلەن تونۇشۇپ قالىدۇ. ھەمدە لى ۋېنپىڭغا 250 مىڭ يۈەنگە بىر دالا ماشىنىسى سېتىپ بېرىدۇ. كېيىن لى ۋېنپىڭ ماشىنىنى شاڭخەيدە نوپۇسقا ئالدۇرالمىغاندىن كېيىن، لىې ۋېنپىڭ 20 مىڭ يۈەن تۆلەپ بۇ ماشىنىنى خۇافىڭغا قايتۇرۇپ بېرىدۇ. لى ۋېنپىڭنىڭ بۇ ئوغۇلبالىدارچىلىقى خۇافىڭغا يېقىپ قالىدۇ. شۇنىڭ بىلەن بۇ ئىككى ئادەم يېقىن دوسلاردىن بولۇپ قالىدۇ.
2008-يىلى خۇافىڭ لى ۋېنپىڭدىن نەنچاڭدا نىمكەش ماشىنىلارنىڭ باھاسىنىڭ ئەرزانلىقىنى ئاڭلايدۇ. شۇنىڭ بىلەن ئۇ لى ۋېنپىڭنىڭ ياردىمى ئاستىدا  كۆپ پۇل تاپىدۇ. شۇنداق قىلىپ بۇ ئىككىسىنىڭ مۇناسىۋىتى تېخىمۇ قۇيۇقلىشىدۇ. خۇافىڭ مۇنداق دېدى:« كىين مەن ئۇنىڭ ياردىمى ئاستىدا ئىچكىردىن كىرگۈزۈلگەن 200 دىن ئارتۇق  ئالىي-ئوتتۇرا دەرىجىلىك ماشىنىنى بۇ يەردە ساتتىم. ئۇ مەندىن ھېچقانداق ياردەم پۇلى ئالمىدى. ئۇ ۋاقىتتا  لى ۋېنپىڭ ماشىنا سېتىۋېلىش ئۈچۈن پۇل سېلىپ بەرسەملا تېزلىك بىلەن ماشىنا سېلىپ بېرەتتى»
        بىراق 2010-يىلى 9-ئايدىن باشلاپ، لى ۋېنپىڭ پۇلن تاپشۇرۇپ ئالسىمۇ ماشىنا سېلىپ بەرمەيدىغان بولىۋالغان. ھەمدە خۇافىڭغا ياردەملىشىپ نىمكەش ماشىنا سېتىۋېلىپ، ئىچكىردە بىۋاستە ساتقان ھەمدە خۇافىڭغا ماشىنىلارنى سېتىپ بولغاندىن كېيىن ئاندىن ھېساۋات قىلىدىغانلىقىنى ئېيىتقان.  بۇ ئىش داۋاملىشىۋېرىپ، خۇافىڭنىڭ دىققىتىنى تارتقان. شۇنىڭ بىلەن بىر ۋاقىتتا، شىنجاڭدا نىمكەش ماشىنا سودىسى قىلىۋاتقان 30 نەچچە نىمكەش ماشىنا سودىگىرى لى ۋېنپىڭ بىلەن ئالاقىلىشىپ سودا قىلغان. بۇ سودىگەرلەر ياخشى نامى تارقالغان قويمىچى لى ۋېنپىڭدىن قىلچىلىك گۇمانلانمىغان.
      بۇ يىل 2-ئاينىڭ ئاخىرىدا لى ۋېنپىڭدىن كېلىدىغان ماشىنىنى تاپشۇرۋالالمىغان شىنجفڭدىكى نىمكەش ماشىنا سودىگەرلىرى خۇددى كىلىشىۋالغاندەكلا شاڭخەيگە بېرىپ مالنى سۈيلىگەن. ئۇلار شاڭخەيدە ئۆز-ئارا ئۇچىرىشىپ لى ۋېنپىڭنىڭ ھەر بىر نىمكەش ماشىنا سودىگىرىدىن  100 مىڭ يۈەندىن پۇل يىغىپ ماشىنا سېلىپ بەرمىگەنلىكىنى بىلىشىپ، ئاندىن ئۆزلىرىنىڭ ئالدانغانلىقىنى بىلىشتى.
        بۇ 30 نەچچە نەپەر نىمكەش ماشىنا سودىگىرى شاڭخەي ساقچى تارماقلىرىغا دېلو مەلۇم قىلغان. شۇ يەرلىك خەلق ساقچىسىنىڭ ئېيتىشىچە،  لى ۋېنپىڭ شىنجاڭدىن كەلگەن بۇ نىمكەش ماشىنا سودىگەرلىرىنىڭ جەمئىي 30 مىلىيۇن يۈەن پۇلىنى ئالداپ ئېلىۋالغان. بۇ سودىگەرلەرنىڭ بەزىلىرى يەنە لى ۋېنپىڭنى كۆرۈپمۇ باقمىغان ھەم توختاممۇ ئىمزالىمىغان ئىكەن. مۇخبىرنىڭ ئىگىلىشىچە، لى ۋېنپىڭ بىلەن شىنجاڭلىق نىمكەش ماشىنا سودىگەرلىنىڭ  تۈزىگەن توختامىنىڭ ۋاقتى ئەڭ قىسقىسىنىڭ بىر يىل ئىكەن.

      بۇ قويمىچى لى ۋېنپىڭ ئاللىقاچان ساقچىلار تەرىپىدىن نازارەت ئاستىغا ئېلىنغان.

      شىنجاڭ  مەملىكىتىمىزدىكى نىمكەش ماشىنا سودا مەركىزى بولۇپ، نىمكەش ماشىنا سودىسىدا  سودىلاشقۇچى تەرەپلەر نەق پۇلنى ئاساس قىلىدۇ. ئادەتتە توختام تۈزىمەيدۇ.
      نۆۋەتتە شىنجاڭ نىمكەش ماشىنا بازارلىرىدا  سودىلاشقۇچى تەەپلەرنىڭ ھەركىتىنى قېلىپقا سالىدىغان قائىدە-نىزام يوق بولۇپ، مەسىلە كۆرۈلگەندە سودىگەرلەر ئىسپات يېتەرلىك بولماسلىقتەك ئاۋارىچىلىققا تولۇقماقتا. بىز ھەرقايسى سودىگەرلەرنىڭ  ھۇشيارلىقىنى ۋە قانۇن تۈزۈم قارىشىنى ئۆستۈرۈپ، سودىنىڭ نورمال، ساغلام بولىشىغا كاپالەتلىك قىلىشىنى ۋە ئۆزىنىڭ قانۇنىي ھوقوق مەنپەئەتىنى قوغدىشىنى ئۈمۈد قىلىمىز.