تەڭرىتاغ تورى خەۋىرى، ئاپتونوم رايون 14-ئىيۇل چۈشتىن كېيىن 80 ياشتىن ئاشقانلارغا تۇرمۇش ياردەم پۇلى بېرىش ۋە ئۇلارنىڭ سالامەتلىكىنى يىلدا بىر قېتىم ھەقسىز تەكشۈرۈش تۈزۈمى، ئىجدىمائىي پاناھلاندۇرۇش ۋە كاپالەت ئۆلچىمى بىلەن مال باھاسىنىڭ ئۆرلىشىنى چېتىش بىرلەشمە ھەركەت مىخانىزىمى ئورنىتىش ئاخبارات ئېلان قىلىش يىغىنى ئۆتكۈزۈپ، خەلققە نەپ يەتكۈزىدىغان بۇ تەدبىرگە مۇناسىۋەتلىك مەزمۇنلارنى ئاشكارلىدى.
80 ياشتىن ئاشقانلارغا ياردەم پۇلى بېرىش ۋە ئۇلارنىڭ سالامەتلىكىنى يىلدا بىر قېتىم ھەقسىز تەكشۈرۈش تۈزۈمى« خەلق تۇرمۇشى قۇرۇلۇش يىلى»دا ئاپتونوم رايون بېكىتكەن خەلق ئۈچۈن قىلىپ بەرمەكچى بولغان22 تۈرلۈك ئەمەلىي ئىشىنىڭ بىرى ئىكەن. ھازىر ئاپتونوم رايونىمزدا بۇ تۈزۈمدىن بەھرىمان بولىدىغان 80 ياشتىن ئاشقانلاردىن 278 مىڭ 300 كىشى بار بولۇپ، ئۇلار ئاپتونوم رايونىمىز ئومۇمىي نوپۇسنىڭ %1.28 نى ئىگىلەيدىكەن. بۇ ئىككى تۈزۈمنى يولغا قويۇش ئۈچۈن ھەريىلى 232 مىليون يۈەن كېتىدىكەن. بۇ تۈزۈم بۇ يىل 7-ئاينىڭ1- كۈنىدىن باشلاپ يولغا قويۇلىدىكەن.
تۈزۈمدىكى بەلگىلىمە بويىچە شىنجاڭ نوپۇسىدىكى يېشى 80 ياشتىن ئاشقانلار ئاساسىي تۇرمۇش ياردەم پۇلىدىن بەھرىمان بولىدۇ. 80 ياشتىن 89 ياشقىچە بولغانلارنىڭ ھەربىرىگە ئايدا 50 يۈەن، 90 ياشتىن 99 ياشقىچە بولغانلارنىڭ ھەربىرىگە ئايدا 120 يۈەن، 100 ياشتىن ئاشقانلارنىڭ ھەر بىرىگە ئايدا 200 يۈەن تۇرمۇش ياردەم پۇلى بېرىلىدىكەن.
 چوڭ ياشتىكى ياشانغانلارغا تۇرمۇش ياردەم پۇلى بېرىش تۈزۈمىنى ئىجرا قىلىشتا،شەخسلەر ئىلتىماس قىلىش،ئاھالە كۆمىتىتى تەكشۈرۈپ ئېنىقلاش،كوچا باشقارمىسى تەكشۈرۈپ بېكىتىش،ناھىيەلىك خەلق ئىشلىرى ئىدارىلىرى تەستىقلاش تەرتىپىگە قاتتىق ئەمەل قىلىنىپ، ئۈچ دەرىجىلىك تەستىقلاش ئېلىپ بېرىلىپ، ئۈچ قېتىم ئېلان چىقىرىپ ئاشكارلىنىپ،ئاممىنىڭ نازارىتى قوبۇل قىلىنىدۇ. تۇرمۇش ياردەم پۇلى بېرىلىدىغان ئوبىكىتلار ھەر پەسىلدە بىر قېتىم تەكشۈرۈپ بېكىتىلىدۇ. چوڭ ياشتىكى ياشانغانلارغا بېرىلىدىغان بېرىلىدىغان تۇرمۇش ياردەم پۇلى يەرلىكنىڭ ئەھۋالىغا بىرلەشتۈرۈپ، بانكا ئارقىلىق تارقىتىش ۋە نەق پۇل تارقىتىشتىن ئىبارەت ئىككى خىل ئۇسۇلدا، ئۆز ۋاقتىدا تارقىلىدىكەن.
ئېگىلىنىشىچە، چوڭ ياشتىكى ياشانغانلارغا تۇرمۇش ياردەم پۇلى بېرىش تۈزۈمىنى يولغا قويۇشتا كېتىدىغان مەبلەغنى ئاپتونوم رايون ۋە ھەرقايسى ناھىيە(شەھەر)لەر مالىيە خامچوتىغا كىرگۈزۈپ ھەل قىلىدىكەن. جەنۇبى شىنجاڭدىكى ئۈچ ۋىلايەت-ئوبلاستقا ئاپتونوم رايون مالىيەسىدىن %80 ياردەم پۇلى ئاجىرىتىلىدىكەن،%20 نى يەرلىك مالىيە چىقىرىدىكەن. ئۈرۈمچى،قاراماي ۋە شىخەنزە شەھەرلىك تۇرمۇش ياردەم پۇلىنىڭ %80 نى ئۆز مالىيەسىدىن ھەل قىلىدىكەن،ئۇلارغا ئاپتونوم رايون مالىيەسىدىن%20 ياردەم پۇلى بېرىدىكەن. بۇنىڭدىن باشقا ۋىلايەت،ئوبلاست،شەھەرلەرگە ئاپتونوم رايون مالىيەسىدىن%50 تۇرمۇش ياردەم پۇلى ئاجىرىتىلىدىكەن، يەرلىك مالىيە%50 نى ئۈستىگە ئالىدىكەن. بۇ تۈرگە ئاجىرىتىلغان خىراجەت مەخسۇس پۇلنى مەخسۇس ئىشلىتىش بويىچە باشقۇرۇلىدىكەن.
بۇنىڭدىن باشقا، شىنجاڭدا ئولتۇراقلاشقان ھەم شىنجاڭ نوپۇسىدىكى يېشى80 ياشتىن ئاشقانلار تۇرمۇش ياردەم پۇلىدىن بەھرىمان بولغاندىن سىرت، ھەربىر كىشى سالامەتلىكنى ھەقسىز تەكشۈرۈشنى ئىلتىماس قىلغۇچى ئالدىنقى يىلى 12-ئاينىڭ 31-كۈنىدىن بۇرۇن 80 ياشقا كىرگەن بولۇشى كېرەك ئىكەن. كونكىرت تەكشۈرتۈش ئۆلچىمى 2-دەرىجىلىكتىن تۆۋەن دوختۇرخانىلارنىڭ ئادەتتىكى سالامەتلىكىنى تەكشۈرۈش ئۆلچىمى بويىچە ئىجرا قىلىنىدىكەن.
بۇ يىلدىن باشلاپ،ھەر يىلى7-ئاينىڭ1-كۈنىدىن 8 -ئاينىڭ 30-كۈنىگىچە بولغان ئارىلىق ئىلتىماس قىلش ۋاقتى قىلىنغان بولۇپ، شەرتكە توشىدىغان ياشانغانلار كىملىك،نوپۇس دەپتىرىنىڭ ئەسلى نۇسخىسى ھەم كۆپەيتىلمە نۇسىسىنى ئۆزى تۇرۇشلۇق ئاھالە كومىتىتىغا ئېلىپ كېلىپ ئىلتىماس قىلسا بولىدىكەن.ھەر يىلى 9-ئاينىڭ1-كۈندىن 9-ئاينىڭ 10-كۈنىگىچە باسقۇچلار بويىچە تەكشۈرۈپ تەستىقلاش ئېلىپ بېرىلىدىكەن.
ياشانغانلارنىڭ سالامەتلىكىنى ھەقىسز تەكشۈرۈش خىراجىتى ئاپتونوم رايون ۋە يەرلىك تەڭ ئۈستىگە ئېلىش پىرىنسىپى بويىچە ھەل قىلىنىدىكەن.