چەتئەل ئاخبارات ۋاستىلىرىنىڭ خەۋىرىگە قارىغاندا، مېكسىكا ساقچى تەرەپنىڭ 23-ماي بىلدۈرۈشىچە، ساقچى تەرەپ يېقىندا پايتەخىت مېكسىكا شەھىرىدە شەھۋانىي مۇلازىمەت بىلەن شۇغۇللىنىدىغان بىر تەشكىلاتنى بىتچىت قىلىپ، 60 نەچچە نەپەر مەجبۇرىي نومۇسىنى ساتقان ئايالنى قۇتقۇزۇپ چىققان، بۇنىڭ ئىچىدە 13 ياشلىق قىزلارمۇ بار ئىكەن.
خەۋەردە دىيىلىشىچە، مېكسىكا شەھىرىنىڭ ساقچى باشلىقى مۇنداق دېگەن، ساقچى تەرەپ بەش مەيخانىدا تۇيۇقسىز زەربە بېرىش ھەرىكىتى ئېلىپ بېرىپ، بەش ئەر، ئىككى ئايالنى تۇتقان، ئۇلار دەل ئادەم ساتماقچى بولىۋاتقان بولۇپ، تەشكىللىك قانۇنسىز پائالىيەت بىلەن شۇغۇللىنىدىكەن.
ئەدىلىيە تارماقلىرىنىڭ دىيىشىچە، يوقىرىدا دىيىلگەن يەتتە كىشىگە قارىتا تەكشۈرۈش ئېلىپ بېرىلغان، چۈشەندۈرۈشلەرگە قارىغاندا، بۇ يەتتە كىشىنىڭ يېشى 19 ياشتىن 62 ياشقىچە بولۇپ، مېكسىكىنىڭ ئوتتۇرا قىسىمىدىكى Tenancingo نامراتلار رايۇنىنى مەركەز قىلىپ، ئاياللارنى نومۇسىنى سېتىشقا مەجبۇرلاش پائالىيىتى بىلەن شۇغۇللىنىدىكەن.
ساقچى تەرەپ 62 نەپەر ئايالنى قۇتقۇزىۋالغان بولۇپ، بۇنىڭ ئىچىدە بىر نەپەر 13 ياشلىق قىزمۇ بار ئىكەن، ئۇلانىڭ دىيىشىچە، ئۇلار باشقىلارنىڭ مەجبۇرلىشى بىلەن ئەرلەرگە نومۇسىنى ساتىدىكەن، ھەمدە «ئەمگەك ھەققى» نى دەللاللارغا تاپشۇرىدىكەن. ساقچىلار مۇنداق دېگەن، بىر قىسىم ئاياللار باشقا ئىشتاتلاردىن كېلىپ مۇشۇنداق كەسىپ بىلەن شۇغۇللىنىدۇ. ئۇلار كەڭلىكى تەخمىنەن 6 مېتىر كېلىدىغان تار ئۆيدە «مېھمان كۈتىدۇ»، ھەر بىر مېھماندىن 9 دىن 26 دوللارغىچە ھەق ئالىدۇ، بۇنىڭدىن 4 دوللارنى يوقىرىغا تاپشۇرىدۇ.
مېكسىكا ساقچى باشلىقى ئىشخانىسىنىڭ دىيىشىچە، بۇ تەشكىلات 4-ئايدا ساقچىلار تەرىپىدىن بايقالغان بولۇپ، بالىسىنى ئالدۇرغان بىر ئايالنىڭ كەينىگە چۈشۈش ئارقىلىق، بۇ تەشكىلاتنى تارمار قىلغان.