بۇ تىمىدىكى مەزمۇن راستمىدۇ؟
توردىكى يازمىنىڭ مەزمۇنىغا قارىغاندا، بۇ ساقچى بىر ئىشتاتلىق ساقچى بولۇپ، 3 يىل ئاۋال پۇل-مۇئامىلە ساھەسىدىن ساقچىلىققا ئىمتىھان بېرىپ كىرگەن.
2-ئاينىڭ10-كۈنى كەچتە، جېڭ X ۋېنجۇدىكى «لىما» دەپ ئاتىلىدىغان بىر KTV غا بېرىپ ناخشا ئېيتقان. ھەم 19 ياشلىق ھەمراھ بولۇپ ناخشا ئېيتقۇچى قىز سۈن X نى ئېلىپ چىقىپ مىھمانخانىغا بارغان.
جېڭ X سۈن X كە جىنسىي تەلەپ قويغان، لىكىن سۈن X ھازىر ھەيىز مەزگىلىم دەپ رەت قىلغان. لىكىن جېڭ X ئۇنىڭغا مەجبۇرىي باسقۇنچىلىق قىلغان.
ئېيتىشلارغا قارىغاندا، شۇ كۈنى كەچتە جېڭ X بىلەن بىللە ساقچىدىن يەنە ئىككىسى بار ئىكەن، يازمىدا دىيىلىشىچە، جېڭ X ھازىر ج خ ئىدارىسى ئىنتىزام تەكشۈرۈش كومىتېتى تەرىپىدىن نەزەربەند ئاستىغا ئېلىنغان، باشقا ئىككى ساقچىمۇ ئاگاھلاندۇرۇلغان.
«توردا دىيىلگەن ساقچى سىلەرنىڭ ئەتىرەتتىمۇ؟» مۇخبىر جېڭ X نىڭ خىزمەتدېشىدىن سورىغاندا، ئۇ ، ئىش ھازىر تەكشۈرۈلىۋاتىدۇ، ئاشكارىلاشقا بىئەپ، دەپ ئاددىلا جاۋاپ بەرگەن.
جېڭ X نىڭ مەلۇم خىزمەتدېشىنىڭ دىيىشىچە، شۇ كۈنى جېڭ X خىزمەتكە كەلمىگەن.
 

مۇخبىر لىما KTV سىغا تېلېفۇن قىلىپ سۈرۈشتۈرۈش ئارقىلىق جېڭجۇدا ئىككى لىما KTV سى بارلىقىنى بىلگەن، لىكىن مۇخبىر تېلېفۇن ئۇرۇپ سورىغاندا، ھەر ئىككى KTV دىكىلەر بىزنىڭ بۇ يەردە بۇنداق ئىش يۈز بەرمىدى، دەپ جاۋاپ بەرگەن. بۇنىڭ ئىچىدىكى بىر خىزمەتچىنىڭ دىيىشىچە، لىمانىڭ خىزمەتچى خادىملىرى خىزمەت ۋاقتىدا مىھمانلار بىلەن چىقىپ كەتسە بولمايدىغانلىقىنى، ئىشتىن چۈشكەندىن كىيىن باشقىلار بىلەن مىھمانخانىغا بارسا ئۆزلىرىنىڭ ئارلىشالمايدىغانلىقىنى ئېيتقان. سۈرۈشتۈرۈشلەرگە قارىغاندا، بۇ KTV جېڭجۇدىكى خېلى داڭلىق KTV ئىكەن.
شۇ كۈنى كەچ سائەت توققۇزدا، مۇخبىر ساقچى تەرەپتىن، جېڭ X نىڭ قولغا ئېلىنغانلىقىنى، دىلونىڭ چوڭقۇرلاپ تەكشۈرىلىۋاتقانلىق خەۋىرىنى ئىگىلىگەن.
لۇچېڭ ساقچى تەرەپنىڭ دىيىشىچە، 2-ئاينىڭ10-كۈنى كەچتە، ۋېنجۇ قاتناش ساقچى ئەتىرىتىنىڭ ساقچىسى جېڭ X جېڭجۇدىكى مەلۇم  KTV غا بارغان، كىيىن ھامراھ بولۇپ ھاراق ئىچىشىپ بەرگۈچى قىز سۈن X (19 ياش، ئەنخۇي سۇجۇلۇق) نى ئېلىپ چىقىپ تاماق يىگەن، ئاندىن سۈن X نى ئۆزىنىڭ ئۆيىگە ئېلىپ كەتكەن.

2-ئاينىڭ11-كۈنى ئەتىگەن سائەت تۆتتە، لۇچېڭ ج خ ئىدارىسى دىلو تاپشۇرىۋالغان، سۈن X ئۆزىنىڭ مەلۇم بىر ئولتۇراق ئۆيدە باسقۇنچىلىققا ئۇچۇرىدىم دىگەن.
ۋېنجۇ شەھىرى، لۇچېڭ رايۇنى ئىككى دەرىجىلىك ج خ ئىدارىسى نەق مەيداننى تەكشۈرۈش، ماددىي ئىسپات توپلاش، سۈرۈشتۈرۈش قاتارلىق ئۇسۇللار بىلەن رازۋېتكا قىلىش ئارقىلىق، جېڭ X نىڭ باسقۇنچىلىق جىنايىتى ئۆتكۈزگەنلىكىنى دەسلەپكى قەدەمدە بېكىتكەن.
ساقچىلارنىڭ دىيىشىچە، توردىكى يازمىدا دىيىلگەن باشقا ئىككى ساقچى ھازىر تەكشۈرىلىۋاتقان بولۇپ، ئاشكارىلاشقا بولمايدىكەن.