توقسۇن ناھىيەلىك پارتكوم دائىمىي كومىتېتىنىڭ ئەزاسى ، دائىمىي مۇئاۋىن ھاكىم ياڭ جىن جىنايەت گۇماندارى لى شىڭلىن ئاتا–بالىنىڭ سۈرىتىنى ئاشكارلىدى

   ئۆز خەۋىرىمىز : 14–دېكابىر سائەت 20:30 ئەتراپىدا ، شىنجاڭ تۇرپان ۋىلايىتى توقسۇن ناھىيەلىك پارتكوم ، ناھىيىلىك ھۆكۈمەت قانۇنسىز ئىشچى ياللاش ۋەقەسىگە 2–قېتىم ئاخبارات ئېلان قىلىش يىغىنى ئېچىپ ، ئاخبارات ۋاستىلىرىغا ئەڭ يېڭى تەكشۈرۈپ بىر تەرەپ قىلىش ئەھۋالىنى مەلۇم قىلدى . قانۇنسىز ئىشچى ياللاش ۋەقەسىدىكى ياللىغۇچى لى شىڭلىن ۋە ئۇنىڭ ئوغلى لى چېڭلوڭ چېڭدۇدا قولغا ئېلىنغان ھەمدە 12 نەپەر ئەقلى ئىقتىدارى توسالغۇغا ئۇچرىغان ئىشچى قۇتقۇزۇۋېلىنغان .

   ئاخبارات ئېلان قىلىش يىغىنىدا توقسۇن ناھىيەلىك پارتكوم دائىمىي كومىتېتىنىڭ ئەزاسى ، دائىمىي مۇئاۋىن ھاكىم ياڭ جىن ئەھۋال تونۇشتۇرۇپ : ‹‹ توقسۇن ناھىيەلىك ج خ تارماقلىرى ۋە سىچۈەن ئۆلكىلىك ج خ تارماقلىرىنىڭ بىرلىكتە ھەمكارلىشىشى ئارقىلىق ، 14–دېكابىر سائەت 6 دە سىچۈەن ئۆلكىسىنىڭ چېڭدۇ شەھىرىدە ، توقسۇن ناھىيەسى كۈمۈش بازىرى ‹‹ جيائېرسى ›› قۇرۇلۇش ماتېرىياللىرى خىمىيە سانائەت زاۋۇتىنىڭ قانۇنىي ۋەكىلى لى شىڭلىن ۋە ئۇنىڭ ئوغلى لى چېڭلوڭنى قولغا چۈشۈردى ھەمدە 12 نەپەر ئەقلى ئىقتىدارى توسالغۇغا ئۇچرىغان ئىشچى قۇتقۇزۋېلىندى ،بۇلارنڭ ئىچىدە  بەشى سىچۈەنلىك ، بىرى ئەنخۇيلۇق ، بىرى خېيلوڭجياڭلىق ، تۆتى خېنەنلىك ، بىرى گەنسۇلۇق. نۆۋەتتە ، بۇ 12 نەپەر ئىشچى چېڭدۇ شەھىرىدە بولۇپ ، توقسۇن ناھىيەلىك خەلق ھۆكۈمىتى سىچۈەن ئۆلكىسى چۈ ناھىيەلىك خەلق ھۆكۈمىتى بىلەن بىرلىكتە قۇتقۇزۋېلىنغان بۇ ئىشچىلارنىڭ تۇرمۇشىنى مۇۋاپىق ئورۇنلاشتۇرۈش ئۈستىدە مەسلىھەتلىشىۋاتىدۇ . لى شىڭلىن ۋە ئۇنىڭ ئوغلى پات ئارىدا شىنجاڭغا يالاپ ئېلىپ كېلىنىدۇ ، ›› دېدى .

   لى شىڭلىن ۋە ئۇنىڭ ئوغلى لى چېڭلوڭنىڭ ئەسلى يۇرتى سىچۈەن ئۆلكىسى چۈ ناھىيەسىدىن بولۇپ ، شىنجاڭنىڭ توقسۇن ناھىيەسىدە ئولتۇراقلاشقان . ئىگىلىنىشىچە ، لى شىڭلىن ئۆزى يالغۇز پويىز بىلەن چېڭدۇغا بارغان ، ئوغلى لى چېڭلوڭ بولسا 12 نەپەر ئىشچىنى ئېلىپ يولۇچىلار ئاپتوبۇسى ئارقىلىق چېڭدۇغا بارغان .

   ياڭ جىن : ‹‹ تەكشۈرۈش ئارقىلىق ، بۇ ئەقلىي ئىقتىدارى توسالغۇغا ئۇچرىغۇچىلارنىڭ كارخانا قانۇنىي ۋەكىلىنىڭ تۇغقىنى ئىكەنلىكى ، قانۇنسىز ياللاشتەك ئەھۋالنىڭ مەۋجۇت ئەمەسلىكى ئېنىقلاندى ›› دېدى .