تويدا ئاتا - ئانىنىڭ رازى بولغىنى تۈزۈك

ئىلگىرى ئاتا - بوۋىمىزنىڭ زامانىسىدا قىز - ئوغۇللار توي قىلىش يېشىغا يەتكەندە ئاساسەن ئاتا - ئانىلىرىنىڭ ياكى ئۇرۇق تۇققانلىرىنىڭ تونۇشتۇرىشى بىلەن نىكاھلىناتتىكەن . ئەلۋەتتە بۇ خىل نىكاھ نىسبەتەن مەجبۇرلاش تۈسىنى ئالغان بولسىمۇ ، " نىكاھنىڭ مېھرى ئىسسىق دېگەندەك ، مۇتلەق كۆپچىلىق كىشىلەر يەنىلا جۆرىلىرى بىلەن مەڭگۈلۈك ھەمراھلاردىن بولۇپ قالاتتىكەن . ئاڭلىسام ، ئاتا - ئاناممۇ چوڭلارنىڭ تونۇشتۇرىشى بىلەن بىرلا قېتىم يۈز كۆرۈشكەندىن كىيىن توي قىلغانىكەن ، مانا ئۇلار ھازىرغىچە مەن قاتارلىق ئۈچ بالىنى قاتارغا قوشۇپ ، ئىجىل - ئىناق ئۆتىۋاتىدۇ . ھازىركى جەمىيىتىمىزگە نەزەر سالىدىغنا بولساق ، كۆپىنچە پەرزەنتلەر ئاتا - ئانىسىنىڭ رازىلىقى بىلەن جۆرە تاللاپ ، كۆڭۈللۈك نىكاھقا ئېرىشىۋاتىدۇ ، بىراق قىسمەنلەر ئەركىن  مۇھەببەتلىشىپ توي قىلىشنىڭ بەزى پايدىسىز تەسىرىگە ئۇچرىغانلىقتىن ، ئاتا - ئانىنىڭ  رازىلىقىسىز نىكاھلىنىپ داغدا قېلىۋاتىدۇ ، يەنە بەزىلەر ئاتا - ئانىسى تويىغا قوشۇلمىسا باشقا يۇرتلارغا قېچىپ يۈرۈپ توي قىلىۋاتىدۇ . مىنىڭچە ، ئاتا - ئانىنىڭ ئۇشبۇ نىكاھقا نىسبەتەن ئالاھىدە غەرىزى بولمىغان ئەھۋالدا ، ئۇلارنىڭ رازىلىقىسىز قىلىنغان توي ئېنىقكى كۆڭۈلدىكىدەك بولمايدۇ . يېقىندا بىر تونۇشۇم بىر چاغلاردا كىتاپىمۇ ياكى تېلىۋېزوردىمۇ ، ئەيتاۋۇر بىر يەردە كۆرگەن  ئامېرىلىقلارنىڭ ئەركىن مۇھەببەتلىشىپ توي قىلىشىغا ئائىت بىر نىكاھ مىسالىنى سۆزلەپ  بەردى : يىگىت ئاتا - ئانىسىنىڭ ئۇنىمىغىنىغا قارىماي ، قىزى بار تۇل خوتۇن بىلەن ئۈچ يىل مۇھەببەتلىشىپ توي قىلغان . بىر نەچچە يىلدىن كىيىن ئۆگەي قىزى بۇئەرنىڭ ئاتىسى بىلەن مۇھەببەتلىشىپ توي قىلغان . شۇنىڭ بىلەن ئەر ئاتىسنىڭ قىينىئاتىسى بلۇپ قالغان .  ئۇلار بالىلىق بولغاندىن كىيىن بۇ ئىشلار تېخىمۇ قالايمىقانلىشىپ كەتكەن  . ئاتىسنىڭ بالىسى ئەرنىڭ ھەم ئىنىسى ، ھەم نەۋرىسى بولغان .... شۇنداق ھېس قىلدىمكى ، ھەرقانداق ئىشنىڭ يامان تەرىپى بولغىنىدەك ، ئەركىن  مۇھەببەتلىشىشمۇ ياخشى - يامان نەتىجىگە باشلايدىكەن ، شۇڭا بۇنىڭ ئۈچۈن " ياخشى  كۆرۈپ قالدىم " دەپلا قانۇنىيەت ۋە ئىجتىمائىي ئەخلاققا قارشى چىقماستىن ، ئەڭ مۇھىمى ئاتا -ئانىنىڭ رازىلىقىنى ئالغان تۈزۈككەن . بولمىسا يۇقىرىقى مىسالدىكى ئامېرىكىلىقتەك  غەلىتە ئەھۋالغا يولۇقۇپ قالمىغان تەغدىردىمۇ ، بەخىتلىك نىكاھ تۇرمۇشىغا ئېرىشكىلى  بولماسلىقى مۇمكىن .                                                     - شىنجاڭ قانۇنچىلىق گېزىتى

كۆرۈلۈشى:170

قوشۇلغان ۋاقتى:2011/8/16 10:17:54

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..