بازارنىڭ رەڭگى ئۆزگىرىدۇ،
يات ئادەم ياتنى ئۆز بىلىدۇ،
كوچا ئەمەس سامان يۇلى بۇ
تىرىكنى قىچقارساڭ ئۈلۈك كىلىدۇ.


دۇشمىنىم بەزدى،غېرىبلىق ئەزدى،
قولۇڭنى بەر،ئەي ياقا يۇرتلۇق.
يۇقتىن كەلگەن،يۇققا قايتىمىز،
يۇقاتقىنىمىز بۇلىدۇ قۇتلۇق.


ئۇيغۇر بۇلۇپ چىقتىم چەتئەلگە
ئۆتتى گويا بىركۈندە يۇز يىل.
كەچۇرمەيمەن دوستۇم قىيامەتچىكىچە
دۇشمىنىم رەنجىتكەن بولسام ئەپۇ قىل.


ئات يايلى ئۆچتى سارغۇچ بەتلەردىن
باتۇرلۇق كۆچتى قىلىچلىق ئەردىن.
ئۆلگەن كۆرەلمەس ئۆلتۇرگۈچىنى
نامەردلەر مەردلەردىن ئالار ئۆچىنى.


روھىمىزدا تاج خوراز تاجىدەك
يىېڭىلدۇق بۇگۇنكى دۇنيا مىكىياندۇر.
ئەسىرلەر بۇيىغا يەتتى بىر-بىرلەپ
لېكىن ئەي قىزلار قېرىماس ئۇيغۇر.


ئۇيغۇر كوچىغا چىققاندا مەغرور
دەرەخلەردە مۇڭ،ئۆيلەردە قەبرە.
قاتقان يەرلەردە قۇترايدۇ شەھۋەت
قاقشال سۈكۈتلەر گوياكى نەرە.


ئۇيغۇر بۇلۇپ كوچىغا چىقتىم
غەمزىسى ياد،ھۆل،قىزىق بازار.
ئۇيغۇر بولغۇم كەلدى مىڭ قىتىم
مۇھەببىتىم بۇلدۇقلاپ ئاقار.


ئادىل تۇنىياز

مەنبە :<< چۆمبەلدىكى كۆز >>

ئۆتكۈنچى-نۇر تەستىقلىدى

مۇشۇ ئادىل تۇنىياز ئەپەندىنىڭ شېئىرلىرى بىرخىل چىچىلاڭغۇ كىلەمدىكىن دەيمەن ، مەنىلىك بولسىمۇ بىرخىل چىچىلاڭغۇ .

ئالدى بىلەن ھەسەن - ھۇسەن ئەپەندىمنىڭ   پەخىرلىك شائېرىمىز ئادىل تۇنىيازنىڭ ئەسىرىنى يوللىغىنىغا تەشەككۇر بىلدۇرىمەن!

ئاندىن يازما يوللاش جەھەتتىكى مەسىلىلەرنى كۆرسىتەي :

خەت بىسىش ۋە ئەسلىسىنى ئۆزگەرتىۋېتىشتىن كىلىپ چىققان مەسىلىلەر __________  مۇشۇ سەۋەب بەزى مىسرالارنىڭ مەنىسى ئۆزگىرىپ كەتكەن.

  1- كۇبلېت 3-- مىسرادىكى   :   سامان يولى   ئەمەس ، سامانيولى
                               4- مىسرادىكى :   ئۈلۇك ئەمەس ، ئۆلۈك  .    كىلىدۇ ئەمەس ، كېلىدۇ
  2-كۇبلېت 3- مىسرادىكى : قايتىمىز ئەمەس ، قايتارمىز
3- كۇبلېت 3- مىسرادىكى : كەچۇرمەيمەن ئەمەس ، كەچۈرمەيمەن، قىيامەتچىكىچە ئەمەس ، قىيامەتكىچە
6- كۇبلېت 1- مىسرادىكى : مەغرور ئەمەس ، مەغرۇر
ئاخىرقى كۇبلېت 2- مىسرادىكى : ياد ئەمەس ، يات
                                      3- مىسرادىكى : قىتىم ئەمەس ، قېتىم

ئەڭ مۇھىم يەنە بىر مەسىلە __  سىز 2- كۇبلىتنى ئىككى كۇبلىت قىلىپ ئايرىۋېتىپ  6 كۇبلىتلىق شىئېرنى 7 كۇبلېتلىق شىئېرغا ئۆزگەرتىۋېىتىپسىز ، بۇنداقتا شىئېرنىڭ مەنا پۇتۇنلىكىگە تەسىر يىتىپ ، مۇكەممەللىكىگە تەسىر قىلىدۇ.

تەكىلىپ :  داڭلىق شائىرلىرىمىزنىڭ شىئېرلىرىنىڭ خەلق ئىچىدە مۇكەممەل تارقىلىپ ، جۇلالىنىپ تۇرىشى ئۈچۈن تېما يوللىغاندا ئەستايىدىل مۇئامىلە قىلساق !

پىكرىمدە  ئۆرۇنسىز تەرەپلەر بولسا رەنجىمىگەيسىز !

شۇنداقمۇ ئەمسە مەنمۇ ئورۇن ئىلۋالاي بۇ ئورۇن مىنىڭ............

ئادەمنى ئويغا سالىدىغان شىئىردە بۇ ئادىلكا تىخىمۇ ياخشى شىېئىرلارنى يىزىشىڭىزنى ئۈمۈد قىلىمەن

بەك مەنىلىك شېئىر ئىكەن ~~~
قايسىڭلار بىلىسىلەر ، مۇنبىرىمىزنىڭ پەخىرلىك شائىرىمىز ھەسەن ھۈسەن ئەپەندى نىمە سەۋەبتىن يېزىشتىن چەكلەندى ؟؟؟؟
بۇ قانداق ئىش بولۇپ كەتتى ئەمدى !!!

  مەن ئادىل تۇنىيازنىڭ شېئىرلىرىنى بەك ياخشى  كۆرىمەن . بولۇپمۇ كۆڭلۈم يېرىم ۋاقىتلاردا ئادىل تۇنىيازنىڭ  « چۈمبەلدىكى كۆز : ناملىق  كىتابى ماڭا ھەمراھ .

سىزگە كۆپ رەھمەت!!!!!!!!!!!!!!!!!!!!!!!!!!!!!!!!!!!!!!!!!!!!!