سىز بۇ تېمىنىڭ 114ـ ئوقۇرمىنى
 
بۇ بەتتىكى تېما: مەن ياقتۇرغان رۇبائىيلار ( 3 ) IE دا ساقلىۋېلىش | تېما ساقلىغۇچتا ساقلاش | ئالدىنقى تېما | كېيىنكى تېما
 
kerim.tarsa

بۇ ئەزا توردا يوق
دەرىجە: يېڭى ئۆگەنگۈچى
نادىر تېما: 0
يازما سانى: 35
شۆھرەت: 36 نۇمۇر
پۇل: 330 سوم
تۆھپە: 4 نۇمۇر
توردىكى ۋاقتى:55(سائەت)
تىزىملاتقان :2007-11-22
ئاخىرقى:2008-03-13

مەن ياقتۇرغان رۇبائىيلار ( 3 )

  مەن ياقتۇرغان رۇبائىيلار ( 3 )

ئابدۇكېرىم خوجا

ئانام بۇغدا زەردىن تۇتۇپ جىيەكلىك ،
كىيۋاپتۇ خان ئەتلەستىن كۆڭلەكلىك .
ئولتۇرۇپتۇ قىلىپ چوڭقۇر تەپەككۈر ،
كۆك گىلەمنىڭ ئۆستىدە ئاق لىچەكلىك.

مېۋىلىك قىلغان دەرەخنى يېلتىزى ،
تولىدۇ شۇڭا ئېتەكمۇ كۈز كېزى .
مېۋىنى يېگەن بۇنى ئويلامدۇ يوق ،
بىر خۇدا بىلگەي ئۇنى ھەم بىر ئۆزى .

كۈندۈزى بولسا ھاۋا قانچە ئوچۇق ،
كېتىدۇ سايەم بولۇپ شۇنچە قويۇق .
تۈن بىراق قورشاپ مېنى كەلسە شۇ دەم ،
تاپقىلى بولماس پەقەت ئۇ ياندا يوق .

چوت ۋە كەتمەننى ساپلاش تەس ئەمەس ،
كېتىدۇ ناھايەت ئاڭا ئىرغايلا ، بەس .
تاج ياساشمۇ ئانچە بىر تەس ئىش ئەمەس ،
ئاڭا لايىق باش تېپىش تەس ، بەكمۇ تەس .

ئىت ساڭا ھۈرگەندە رەنجىپ كەتمىگىن ،
ھۈنىرى ، خۇي - پەيلى شۇنداق ئەسلىدىن .
ھۈرمىسە قانداق ئاتالسۇن ئىت بولۇپ ،
كىم سېنى بول دەپتۇ ئادەم نەسلىدىن .

_ يارىشىپتۇ دوپپىڭىز سىزگە قەۋەت ،
نە سەۋەبتىن كەلدىڭىز كىيمەي پەقەت ؟
_ بولمىسا ئۇ چاغدا باش زادى بىكار ،
دوپپىغا نەدىن نېسىپ بولسۇن نۆۋەت .

لاپ قىلىپ ياندى گۇگۇت، ئۆچتى، بىراق ،
قالدى تۈن ئىلىكدە ئۇندىن شام - چىراق .
كى ئۆمۈرنىڭ قىممىتى ھەن قەدرى شۇ ،
بولمىسا ھاجەت نېمە ياشاش ئۇزاق .



ئابدۇكېرىم مەخسۇت

مەن يىغلاپ تۇغۇلدۇم ، كۈلۈپ ياشايمەن ،
ھاياتنى قەدىرلەپ، سۆيۈپ ياشايمەن .
بىلىم ئشتىياقى قەلبىمدە چەكسىز ،
ئۆمۈرنى ئۇزاققا سوزۇپ ياشايمەن .

تېنىڭدە بار ئىكەن جېنىڭ مەرد يىگىت ،
ئەجرىڭدىن چۆللەرنى بوستان ئەت يىگىت .
ياۋ رۇستەم بولسىمۇ ئەگمە بېشىڭىنى ،
ۋەتەن دەپ ئالەمدىن خوشال كەت يىگىت .

ئۆمۈرنىڭ گۈل پەسىلى __ كۆكلىمى ياخشى،
كۆكلەمنىڭ مىنەتسىز تەقدىمى ياخشى .
ھەسىرىتىڭگە ئۆتمۈش قايتىپ كەلمەيدۇ ،
بىلگىنىكى، بۈگۈننىڭ ھەردىمى ياخشى.

ساقىيا ، مەي تۇتساڭ گەر بولۇپ ھەمدەم ،
ئۈلپىتىم بولسىمۇ زۆھرا ۋە سەنەم .
لېۋىمگە بىر نەپەس قۇنمايدۇ كۈلكە ،
بولمىسا خەلقىمنىڭ كۆڭلى خاتىرجەم .

يىل ئىكەن ئۆمۈرگە ئۆلچەم ۋە مىزان ،
ئەزەلدىن بۇ ھېساب ھەممىگە ئايان .
ھاياتىنىڭ قىممىتى ئانا تۇپراققا ،
تۆكۈلگەن ھەر تامچە تەر قىلۇر بايان



لەيلى تەھرىرى
شىنجاڭ ئۇچۇر تورى
مىللىتىم ئۈچۈن...
يوللانغان ۋاقىت : 2008-03-12 20:05 | [باش تېما]
bilgar
ئىجاتچان ئەزا ئالاھىدە تۆھپە

بۇ ئەزا توردا بار
دەرىجە: شەبنەم باشقۇرغۇچى
نادىر تېما: 0
يازما سانى: 646
شۆھرەت: 657 نۇمۇر
پۇل: 6460 سوم
تۆھپە: 10 نۇمۇر
توردىكى ۋاقتى:617(سائەت)
تىزىملاتقان :2006-12-29
ئاخىرقى:2008-03-14

رەھمەت ئەجرىڭىزگە .ئابدۇكېرىم شائىرلىرىمىزنىڭ شېئېرلىرى تەربىيىۋى ئەھمىيىتى چوڭقۇر شېئېرلاركەن.
خوشاللىق ئەتراپىڭىزدىلا..
يوللانغان ۋاقىت : 2008-03-12 22:17 | بۇ قەۋەتكە ئىنكاس => 1 .قەۋەت


 

Time now is:03-14 15:36, Gzip disabled
Powered by PHPWind v6.0 Certificate Code © 2008-01 Uypw.cn Corporation