ئۇيغۇر مائارىپ تور بېكەتلىرى خېلى كۆپ قۇرۇلۇپ ، (ھەممىسى پەقەت مائارىپ ئۈچۈن مىللەتنىڭ كەلگۈسى ئۈچۈن قۇرۇلغان. ھىچقانداق پۇل تېپىش ۋە باشقا مەقسەت يوق) كەڭ تورداشلارنىڭ ھوزۇرىغا سۇنۇلغان بولسىمۇ -تورغا چىققان زور كۆپچىلىك ئاكا-ئىنىلەر ۋە ئاچا-سىڭىللارنىڭ تورغا پەقەت كۆڭۈل ئېچىش ئۈچۈنلا چىقىۋاتقانلىقى مانا مەن دەپ ئىپادىلىنىپ قالغانىدى. مائارىپ تور بېكەتلىرىنىڭ يېتىم بالىدەك ئۇيغۇر تور بېكەتلىرىنىڭ ئەڭ بۇلۇڭلىرىدا ماراپ تۇرغانلىقى ، ئۇلىنىش تور بېكىتىنىڭ ئەڭ ئاستىدىكى ئۇرۇندىن ئۇرۇن ئېلىپ قالغانلىقى(بىزنىڭ مەكتەپنىڭ تور بېكىتىنى نەچچە كۈن نەچچە رەت ئىلتىماس قىلساممۇ ئۇلىنىشقا قېتىپ قويمىدى.) ، نەچچە بىزنىڭ مىللىتىمىزنىڭ كەلگۈسىدە قاياققا قاراپ كېتىپ بارغانلىقىنى ئىپادىلەپ تۇرۇپتۇ. مەن مائارىپ تور بېكەتلىرىگە ۋاكالىتەن « دەردىم»نى تۆكۈش ئۈچۈن بۈگۈن يىغلامسىراپ ئولتۇرۇپتىمەن.
نۇرغۇن تور بېكەتلەردە نەچچە ئون مىڭدىن ئەزا تۇرۇپتۇ. لېكىن مائارىپ تور بېكەتلىرىنىڭ مۇنبەرلىرىدە نەچچە يۈز ئەڭ كونا دىلداش مائارىپ تورىدىمۇ 3مىڭدىن يۇقىرى ئادەم تۇرۇپتۇ. لېكىن تېمىلارنىڭ كۆرۈلۈشى ۋە يېڭىلىنىشى يەنىلا ئىنتايىن ئاستا. بۇ جەمىيەتتە يەنى ئۇيغۇر جەمىيىتىدە مائارىپقا كۆڭۈل بۆلۈش ھەقىقەتەن سۇس ئىدى. بولۇپمۇ بىر قانچە يىل بۇرۇنقى يېزىللىرىمىزدا مائارىپ پەقەت ئوقۇتقۇچى ۋە ئوقۇغۇچىنىڭلا ئىشى ئىدى. ئەمدى توردا مائارىپ تورلىرى پەقەت ئوقۇتقۇچىلارلا كۆرىدىغان بىر ساھەگە ئايلنىپ قېلىۋاتىدۇ.
ئەي تورداشلار سىلەر ئۆز كەلگۈسىڭلارنى باشقا يەردىن ئىزدەمسىلەر. بىزنىڭ كەلگۈسىمىز پەقەتلا مائارىپ ۋە ئىلىم-پەندە . بىزنىڭ كەلگۈسىمىز بىز ۋە ئەۋلادلىرىمىزدا . ئۇنداقتا يەنە مائارىپقا سەل قاراپ دۇنيادا مالىمدىن باشقا ئادەمنىڭ مائارىپقا مۇناسىۋەتسىز ئىكەنلىكى توغرىسىدا تىۋىشسىز جاۋاپ بېرىپ ئولتۇرامسىلەر.
ئەلۋەتتە نۇرغۇن ياخشى ئىشلار بار . لېكىن كەڭ توردىكى ئوقۇتقۇچىلار، ئوقۇغۇچىلار ۋە باشقا ساھەدىكىلەر، ھۆكۈمەت رەھبەرلىرى مائارىپ تور بېكەتلىرىگە كىرىپ ئانچە مۇنچە ئۆز كۆز قارىشىڭلارنى ئىپادىلەپ مائارىپ توغرىسىدا ئۇيغۇرلارمۇ ئۆز كۆز قارىشىنى ئىپادىلەيدىغان بىر ساھەگە ، مۇھىتقا ئېرىشىشىگە ، ئەۋلادلار بۇيەردىن ئۆزىنىڭ قەيەردە ياشاۋاتقانلىقىنى ، ئۆزىنىڭ كىملىكىنى، كەلگۈسىدە نىمە ئىش قىلىش كېرەكلىگىنى بىلىۋالغىدەك بىر سەھنە بىلەن تەمىنلەش كېرەكلىگىنى بىلىپ قالساق ۋە كۈچ قوشساق دىگەن ئۈمددىمەن.
مەن كورلا شەھەر قارايۇلغۇن يېزا مەركىزى مەكتەپتە
مەكتىۋىمىزنىڭ تور بېكەت ئادرىسى :
http://www.yullghun.cnباشقا مائارىپ تور بېكەتلىرىنى ئۇلىنىشتىن كۆرۈڭ.
قەلەم تەۋرەتكۈچى : -tulpar-
___ جۇدا تەھرىرلىدى