مىھرىڭدىن گۈل تۆكۈپ بىرسەن مىۋە ،

تەرلىرىڭ مەڭزىڭدە تەپچىگەن مارجان .

ۋاپاسىز يىتەلمەس قەدرىڭگە سىنىڭ ،

قوبۇل قىل كۆڭلۈمنى قىلاي مەن بايان ،

قەلبىمدە ئۇلۇغ سەن جانىم ئانىجان .



خىتابىم قەدرىڭگە يەتسە ھەر كىشى ،

بولسىكەن ۋاپادار بولسا مۇڭدىشى .

كۆيۈنسە سەن ئاڭا بەرگەن مىھردەك ،

مىھرىنى بەرسىكەن بولماي سىلكىشى ،

ئازارسىز ئۆتسەڭكەن جانىم ئانىجان .



ئىززەتلەي ئاياللار بايرىمى كەپتۇ ،

گۈل تۇتۇپ ئالدىڭغا كىرەي ئانىجان.

بايراملا بولمىسۇن سالىمىم ئەبەت ،

گۈل كەبى مىھرىمنى بىرەي ئانىجان ،

موبارەك بايرىمىڭ جانىم ئانىجان .

ئۆي گۈلى بولماققا باشلىدىڭ قەدەم ،

جاپادا سەن دائىم تارىتتىڭ ئەلەم .

تەييارسەن بۇرچۇڭنى قىلماققا ئادا ،

ۋايسىماي ھەردائىم بولسەن بەردەم .



ئۆي گۈلى بولدۇڭغۇ بەكمۇ خۇش پۇراق ،

ھىدىڭنى ئىزلەيمەن سەنسىز قالسا كۈن .

دىل چىكىپ غەمخانە قالىمەن يالغۇز ،

ھەمرا يوق ئۆتىدۇر بۇ كىچە بۇ تۈن .



سەن كەبى ئەتىكى قوياش جىلۋىسى ،

سەن بىلەن بولاركەن ھايات مەنىسى .

سەن بىلەن كۆكلەركەن ئائلە جاھان ،

يۇلتۇزدەك جىۋىرلاپ ھەممە كۈلكىسى .



بايلىقسەن قەلبىمنىڭ تۆرىدە تۈگمەس ،

سەنسىز ھەم كۈنلۈرۈم خۇشالمۇ ئۆتمەس .

ئوت كەبى مىھرىڭنى ئاتىدىڭ ماڭا ،

سۆيگۈمىز تائەبەت مەڭگۈ ئۈزۈلمەس .



موبارەك تىلەكلەر تىلەي مەن بۈگۈن ،

ئاياللار بايرىمى بولۇپتۇ بۈگۈن .

گۈل بىلەن قەلبىمنى بىللىلا سۇناي ،

خۇشاللىق كۈن،سىلەرگە،قۇتلۇق كۈن بۈگۈن