شىنجاڭ ھەققىدە غەربتە يېزىلغان ئەسەرلەر

>> سىز تېخى كىرمىدىڭىز كىرىش تىزىملىتىڭ | مىدال مەركىزى | تور تېلۋىزىيەسى

مۇنبەر قوللانمىسى

XabnamBBS -> تارىخ بەتلىرى -> شىنجاڭ ھەققىدە غەربتە يېزىلغان ئەسەرلەر

سىز بۇ تېمىنىڭ 519 ـ ئوقۇرمىنى

← تېمىسى : شىنجاڭ ھەققىدە غەربتە يېزىلغان ئەسەرلەر

IE دا ساقلىۋېلىش | تېما ساقلاش | ئالدىنقى تېما | كېيىنكى تېما

HALKQIL

ھالىتى : بۇ ئەزا توردا يوق
دەرىجە: تىرىشچان ئەزا
نادىر تېما: 0
يازما سانى: 671
شۆھرەت: 775 نۇمۇر
پۇل: 6653 سوم
تۆھپە: 25 نۇمۇر
توردىكى ۋاقتى:485(سائەت)
ئەزا بولغان ۋاقتى : 2007-01-13

شىنجاڭ ھەققىدە غەربتە يېزىلغان ئەسەرلەر

ئۇزۇن يىللاردىن بۇيان غەرب دۇنياسىدا شىنجاڭ تارىخى توغرىسىدا بەزى تەتقىقاتلار ئېلىپ بېرىلغان بولسىمۇ، لېكىن بۇلارنىڭ ئىچىدە ۋەكىل خاراكتېرلىقلىرى ئەنگلىيە تارىخشۇناسى ئاندرېۋ فوربېسنىڭ « جوڭگو مەركىزىي ئاسىياسىدىكى مىلىتارىستلار ۋە مۇسۇلمانلار، شىنجاڭنىڭ 1911- 1949- يىللىرىدىكى سىياسىي تارىخى » ناملىق كىتابى بولۇپ، بۇ ئەسەر 1986- يىلى كېمبرىج ئۇنىۋېرسىتېتى نەشىرىياتى تەرىپىدىن نەشىر قىلىنغان.
مەزكۇر كىتابتا تۇنجى قېتىم بىر قەدەر سىستېمىلىق ھالدا شىنجاڭنىڭ 20- ئەسىرنىڭ بىرىنچى يېرىمىدىكى سىياسىي تارىخىنى يورۇتۇشقا تىرىشىلغان بولۇپ، ئاپتور ئەنگلىيە، ئامېرىكا قاتارلىق ئەللەرنىڭ دىپلوماتىك ئارخىپلىرىدىن ئۈنۈملۈك پايدىلىنىش بىلەن بىرگە يەنە تۈركچە، خەنزۇچە ئەسەرلەردىنمۇ پايدىلانغان. ئاندرېۋ فوربېس ھەقىقەتەن، 30- يىللاردىكى قەشقەردە قۇرۇلغان ئاتالمىش «شەرقىي توئورچى ئىسلام جۇمھۇرىيىتى » ( ئەسلى ئاتالغۇنى سېستىما قوللىمىغاچقا شۇنداق يېزىپ قويىلدى ) نىڭ ئەھۋالى ھەققىدە قىزىقارلىق مەلۇماتلارنى بەرگەن ھەمدە 40- يىللاردىكى «ئۈچ ۋىلايەت ئىنقىلابى » ھەققىدىمۇ خېلى كۆپ توختىلىپ، ئۆزىگە خاس يەكۈنلەرنى چىقارغان.
بىراق، ئۇنىڭ ماتېرىيال مەنبەسى ئاساسەن دېگۈدەك ئىنگلىز، ئامېرىكا دىپلوماتلىرىنىڭ ئۇچۇرلىرى ۋە ھۆكۈمەت ماتېرىياللىرى بولغاچقا مەسىلىلەردىن خۇلاسە چىقىرىشتا بىر تەرەپلىمىلىكتىن خالى بولالمىغان.
1944- يىلىدىن 1949- يىلىغىچە ئېلىپ بېرىلغان شىنجاڭدىكى قوزغىلاڭ ھەمدە « ئۈچ ۋىلايەت ئىنقىلابى ۋاقىتلىق ھۆكۈمىتى » ۋە ئۇنىڭ دۆلەت تۈزۈلمىسى، سىياسىي مەسلەك كۈرەشلىرى ھەمدە ئەينى ۋاقىتتىكى ئامېرىكا، سوۋېت ئىتتىپاقى ۋە ئەنگلىيە قاتارلىق دۆلەتلەرنىڭ شىنجاڭ سىياسىتى ھەققىدە مەخسۇس توختالغان كىشى ئامېرىكا ئالىمى لىندا بېنسون بولۇپ، ئۇنىڭ « ئىلى ئىنقىلابى » ماۋزۇلۇق كىتابى 1990- يىلى نىيۇيوركتا نەشىر قىلىنغان.
بۇ كىتاب غەرب دۇنياسىدا تۇنجى قېتىم 1944- 1949- يىللىرىدىكى شىنجاڭدىكى سىياسىي ۋەزىيەت ھەمدە «ئۈچ ۋىلايەت ئىنقىلابى ۋاقىتلىق ھۆكۈمىتى » ھەققىدە مەخسۇس تەتقىقات قىلىنىش نەتىجىسىدە يېزىلغان مونوگرافىيە بولۇپ، بۇ ئەسەر مەزكۇر تەتقىقات تېمىسى بويىچە كۆرۈنەرلىك تۆھپە بولۇش بىلەن ھازىرغا قەدەر ئۆزىنىڭ ئىلمىي ۋە پايدىلىنىش قىممىتىنى يوقاتقىنى يوق.
لىندا بېنسون غەرب دىپلوماتلىرىنىڭ ۋە ئالىملىرىنىڭ ئەسەرلىرىدىن ھەمدە دىپلوماتىك ھۆججەتلەردىن تولۇق دېگۈدەك پايدىلانغاندىن تاشقىرى تەيۋەندىكى گومىنداڭ ئارخىپلىرى شۇنىڭدەك تەيۋەن ۋە چوڭ قۇرۇقلۇقتا نەشىر قىلىنغان خەنزۇچە ماتېرىياللارنىمۇ يېتەرلىك دەرىجىدە ئىشلەتكەن. ئەلۋەتتە ، لىندا بېنسون يەنە تۈركچە ۋە خەنزۇچە مەنبەلەردىن پايدىلىنىش ئاساسىدا مەسئۇد سابىرى ، ئەيسا يۈسۈپ ۋە مۇھەممەد ئىمىن بۇغرا قاتارلىقلارنىڭ ئىدىيىسى ۋە پائالىيەتلىرى شۇنىڭدەك ئۇلارنىڭ ئىلى ئىنقىلابىنىڭ رەھبەرلىرىدىن ئەخمەتجان قاسىمى ۋە ئابدۇكېرىم ئابباسوف قاتارلىقلار بىلەن ئېلىپ بارغان 1946- يىلىدىن 1949- يىلىغىچە بولغان ئارىلىقتىكى سىياسىي ئىدىيە توقۇنۇشلىرى ھەققىدىمۇ تۇنجى قېتىم مەخسۇس توختالغان غەرب ئالىمىدۇر.
ئىلى ئىنقىلابىغا ئائىت ئاخىرقى يېڭى كىتاب ئاۋستىرالىيىلىك خەنزۇ مىللىتىدىن بولغان داۋىد ۋاڭنىڭ « ئىلى ۋەقەسى، 1944-1949- يىللىرىدىكى شىنجاڭدىكى مىللىي توقۇنۇشلار ۋە خەلقئارا رىقابەتلەر » ناملىق چوڭ ھەجىملىك ئەسىرىدۇر.
شىنجاڭنىڭ 20- ئەسىردىكى ئومۇمى سىياسىي تارىخى، بولۇپمۇ ، 1912- 1949- يىللىرىدىكى سىياسىي تارىخى، ئىككى شەرقىي توئورچى جۇمھۇرىيىتى ھەققىدە ئاز بولسىمۇ بىر قىسىم ئۇيغۇرچە مەنبەلەرنى ئىشلىتىش ئاساسىدا ئومۇملاشتۇرۇپ توختالغان ئالىم ئامېرىكىدىكى جورج توۋن ئۇنىۋېرسىتېتىنىڭ پروفېسسورى جامېس مىللۋارد بولۇپ، ئۇ يېقىندا غەرب دۇنياسىدا تۇنجى قېتىم شىنجاڭنىڭ ئومۇمىي تارىخىنى قىسقارتىپ بايان قىلىش ئۇسۇلى بىلەن يېزىپ چىقان. ئاپتورنىڭ « ياۋرو ئاسىيا ئۆتكىلى ــــ شىنجاڭنىڭ تارىخى » ناملىق كىتابى 2007- يىلى نەشىر قىلىنغان بولۇپ، ئاپتور كىتابىنىڭ 60 بەتكە يېقىن قىسىمىنى ئىككى شەرقىي توئورچى جۇمھۇرىيىتى دەۋرىگە بېغىشلىغان.
بۇلاردىن باشقا يەنە جوھن خوپكنس ئۇنىۋېرسىتېتىنىڭ ئوتتۇرا ئاسىيا- كاۋكازىيە ئىنستىتۇتىنىڭ پرېزىدېنتى فرېد ستار رەھبەرلىكىدە ئېلىپ بېرىلغان غەرب دۇنياسىدىكى ئەڭ چوڭ ئۈچ يىللىق « شىنجاڭ تەتقىقات پىلانى » نىڭ خۇلاسىسى سۈپىتىدە چىقىرىلغان پروفېسسور فرېد ستارنىڭ باش تەھرىرلىكىدە نەشىر قىلىنغان « شىنجاڭ: جوڭگونىڭ مۇسۇلمانلار چېگرىسى » ناملىق كىتابنىڭ پروفېسسور جامېس مىللۋارد بىلەن دوكتور نەبىجان تۇرسۇن بىرلىشىپ يازغان « 1884- 1978- يىللىرىدىكى سىياسىي تارىخ ۋە كونترول قىلىش ئىستىراتېگىيىسى » ماۋزۇلۇق 3- بابىدىمۇ «ئىلى ۋەقەسى» ۋە 1933- يىلىدىكى «قەشقەر ۋەقەسى » دەۋرى تارىخىغا ئائىت مەزمۇنلارغا ئورۇن بېرىلگەن.

ئىزاھات: گەرچە تور بەتلەردە تېما تەكرارلىقىنىڭ ئالدىنى ئېلىش، قالايمىقان چاپلىماسلىق تەكىتلىنىۋاتقان بولسىمۇ، لېكىن بۇ خىلدىكى مىللىتىمىزنىڭ تارىخىغا مۇناسىۋەتلىك تېمىلاردىن شەبنەمدىكى كەڭ تورداشلارنىڭمۇ خەۋەردار بولىشى كېرەك دەپ ئويلىغانلىقىم ئۈچۈن بۇ تېمىنى كۆچۈرۈپ كەلدىم.

_______ جۇدا تەھرىرلىدى

http://bbs.halkqil.com/kiring

[باش يازما] | يوللانغان ۋاقىت : 2008-01-03 14:18

-tulpar-

ھالىتى : بۇ ئەزا توردا يوق
دەرىجە: تىرىشچان ئەزا
نادىر تېما: 0
يازما سانى: 727
شۆھرەت: 728 نۇمۇر
پۇل: 7274 سوم
تۆھپە: 5 نۇمۇر
توردىكى ۋاقتى:227(سائەت)
ئەزا بولغان ۋاقتى : 2007-01-06

مۇشۇنداق ئەسەرلەر تەرجىمە قىلىنىپ بازارغا سىلىنسا ياخشى بولاتتى. بۇنىڭدا ھەممىمىز بەھىرلەنگەن بولاتتۇق.

دۇنيا ئەرلەرنىڭ ھۆكۈمرانلىقى ئاستىدا داۋاملىشىپ كېلىۋاتىدۇ. ئەمما ئەرلەرنىڭ ھەممىسىنىڭ ئانىسى بار .

[1 - قەۋەت] | يوللانغان ۋاقىت : 2008-01-03 17:00

layla122

ھالىتى : بۇ ئەزا توردا يوق
دەرىجە: يېڭى ئۆگەنگۈچى
نادىر تېما: 0
يازما سانى: 7
شۆھرەت: 8 نۇمۇر
پۇل: 70 سوم
تۆھپە: 0 نۇمۇر
توردىكى ۋاقتى:12(سائەت)
ئەزا بولغان ۋاقتى : 2007-12-11

تەرجىمىسى يوقمىدۇ. شۇنىڭغا ئائىت ماتىرىيال بولسا سىزنى يەنە ئاۋارە قىلىدىغان..........

[2 - قەۋەت] | يوللانغان ۋاقىت : 2008-01-03 18:04

sardar8877

ھالىتى : بۇ ئەزا توردا يوق
دەرىجە: يېڭى ئۆگەنگۈچى
نادىر تېما: 0
يازما سانى: 30
شۆھرەت: 31 نۇمۇر
پۇل: 300 سوم
تۆھپە: 0 نۇمۇر
توردىكى ۋاقتى:10(سائەت)
ئەزا بولغان ۋاقتى : 2007-11-28

پايدىلىنىش قىممىتى يۇقىرى يۇللانمىكەن ،كوپ رەخمەت،

نىمە ئۇچۇن؟.....

[3 - قەۋەت] | يوللانغان ۋاقىت : 2008-01-03 18:25

Beijing Xabnam.com Web site Group || Uighur by Oghuz Code © 2003-06 PHPWind
Time now is:01-05 05:47, Gzip disabled