2007-يىلى 12-ئاينىڭ 21-كۈنى كەچتە ، بېيجىڭ نۇرلۇق نەق مەيدان مۇزىكا زالىدا «پەنجىر نەق مەيدان مۇزىكا كېچىلىگى» ھېيىت تەنتەنىسىگە قوشۇلۇپ ، جاراڭلىق ئۇيغۇر كۈيلىرى ۋە غەرپ چالغۇلىرى بىلەن باشلاندى . مۇزىكا كېچىلىگىنىڭ باش مۇزىكىسىدىكى يېقىملىق مىللىي كۈيلەر ۋە يۇقىرى ماھارەتلىك نومۇرلار ، ئىچكىردىكى ھەر بىر ئۇيغۇر قېرىنداشنىڭ يۈرەك تارىنى چېكىپ ئۇتۇلماس ئەسلىمىلەرنى قالدۇردى . تالانتلىق گېتتار ماھىرى ئەكبەر ئابلىز ۋە چەتئەللىك دوستلارنىڭ ئورتاق مۇزىكا غايىسى ئۈستىگە قۇرۇلغان «پەنجىر مۇزىكا ئەترىتى» ئۆزىنىڭ ئەڭ يېقىملىق كۈيلىرىنى بۇ كېچىلىكتە دوستلارغا تەقدىم ئەتتى . مۇڭلۇق مۇقام ، نادىر غەرىپچە ئاھاڭ بىرلەشتۈرۈلگەن پەنجىر كۈيلىرى - ئۇيغۇر مۇزىكا سەھنىسىدىكى يېڭىچە بىر قىياپەت بولۇپ ، ئۇيغۇر مۇقاملىرىنىڭ سېھرىي كۈچىنى تېخىمۇ نامايەن قىلىپ ئۆزگىچە ئۇسلۇپ ياراتتى . 2-يېرىم مەيداندا تەكلىپ بىلەن كېچىلىككە قاتناشقان «قەبىلە مۇزىكا ئەترىتى» ئىسپانىيە فىلامىنگو ئۇسلۇبىدىكى كۈيلىرى بىلەن كېچىلىك كەيپىياتىنى تېخىمۇ يۇقىرى پەللىگە كۆتۈردى . تۆۋەندە كېچىلىكتىن بىر قانچە خاتىرىلەر دوستلارنىڭ كۆرۈپ ھۇزۇرلىنىشىغا سۇنۇلدى ...
ئاساسىي گىتتار : ئەكبەر ئابلىز
گىتار ۋە تەمبۇردا : David Mitchelk ( ئەنگىلىيە )
ھىندىچە دۇمباق : Azalea Brich ( ئامېرىكا ) ، Tato Ramirez ( مىكسىكا )
باس گىتتار : Pierre Billiard ( فىرانسىيە )
مىلىيچە چالغۇدا : ئادىل
مىلىيچە دۇمباق : ئەزىمەت ، نۇرمۇھەممەت
باشلاش كونۇپكىسىنى بېسىپ كۆرۈڭ !
كېچىلىكتىن بىر قانچە سۈرەتلەر