ﺧﻮﺗﯘﻥ، ﺳﻪﻥ ﭘﺎﺕ - ﭘﺎﺕ ﺋﺎﻏﺮﯨﭗ ﻗﺎﻝﺧﻮﺗﯘﻥ: ﻣﻪﻥ ﺳﻪﻥ ﺑﯩﻠﻪﻥ ﺗﻮﻱ ﻗﯩﻠﻐﺎﻧﺪﯨﻦ ﺑﺎﺷﻼﭖ، ﺧﯩﺰﻣﻪﺗﻨﯩﯔ ﺋﯩﺸﻰ ﺑﯩﻠﻪﻥ ﺋﺎﻟﺪﯨﺮﺍﺵ ﺑﻮﭖ ﻛﻪﺗﺘﯩﻢ. ﺋﯚﻱ ﺋﯩﺸﻰ ﺑﯩﻠﻪﻥ ﺧﻮﺷﯘﻡ ﻳﻮﻕ ﺋﯩﺪﻯ. ﺳﻪﻥ ﺑﯩﻠﻪﻥ ﻣﻪﻥ ﺋﻮﺧﺸﺎﺵ ﺑﯩﺮ ﺋﻮﺭﯗﻧﺪﺍ ﺋﻮﺧﺸﺎﺵ ﯞﻩﺯﯨﭙﯩﺪﻩ ﺑﻮﻟﺴﺎﻗﻤﯘ ﻣﻪﻥ ﺩﺍﯞﺍﻣﻠﯩﻖ ﺋﺎﻟﺪﯨﺮﺍﺵ ﺋﯩﺪﯨﻢ، ﺋﻪﻣﻤﺎ ﺳﯧﻨﯩﯔ ﯞﺍﻗﺘﯩﯔ ﺧﯩﺰﻣﻪﺗﻜﻪ، ﺋﯚﻱ ﺋﯩﺸﯩﻐﺎ، ﺗﻮﻗﻘﺎﻧﻼﺭﻧﻰ ﻳﻮﻗﻼﺷﻘﺎ... ﻗﯩﺴﻘﯩﺴﻰ ﮬﻪﻣﻤﯩﮕﻪ ﻳﯧﺘﯩﭗ ﺋﺎﺷﺎﺗﺘﻰ. ﺑﯜﮔﯜﻥ ﮬﯧﻴﺘﻨﯩﯔ ﺑﯩﺮﯨﻨﭽﻰ ﻛﯜﻧﻰ ﺋﯩﺪﻯ. ﺋﻪﻣﻤﺎ ﺳﻪﻥ ﺋﺎﻏﺮﯨﭗ ﻗﺎﻟﺪﯨﯔ، ﺑﯧﺸﯩﻤﻐﺎ ﺗﺎﻍ ﻳﯩﻘﯩﻠﻐﺎﻧﺪﻩﻙ ﺑﻮﻟﺪﻯ. ﺑﯜﮔﯜﻥ ﺩﯦﮕﻪﻥ ﻗﯘﺭﺑﺎﻥ ﮬﯧﻴﺖ ﺗﯘﺭﺳﺎ. ﻗﻮﻱ ﺋﯚﻟﺘﯜﺭﻣﯩﺴﻪﻡ ﺗﯧﺨﻰ ﺑﻮﻟﻤﺎﻳﺪﯗ. ﻣﻪﻥ ﺩﯦﮕﻪﻥ ﺗﯩﭙﯩﻚ ﺋﯘﻳﻐﯘﺭ. ﺋﯘﻳﻐﯘﺭ ﻳﯩﮕﯩﺘﻰ ﺋﯚﺯ ﺋﯚﻳﯩﺪﻩ ﻗﻮﻱ ﺋﯚﻟﺘﯜﺭﯛﭖ ﮬﯧﻴﺖ ﻗﯩﻠﯩﺸﻰ ﻛﯧﺮﻩﻙ. ﻧﺎﻣﺎﺯﺩﯨﻦ ﻳﯧﻨﯩﭗ ﺭﻩﮬﻤﻪﺗﻠﯩﻚ ﺋﺎﺗﺎ - ﺋﺎﻧﺎﻣﻨﯩﯔ ﺗﯘﭘﺮﺍﻕ ﺑﯧﺸﯩﺪﺍ ﺧﻪﺗﻤﻪ ﻗﯘﺭﺋﺎﻥ ﻗﯩﻠﯩﯟﯦﺘﯩﭗ ﻗﺎﻳﺘﺘﯩﻤﺪﻩ ﻳﯧﯖﯩﻤﻨﻰ ﺷﯩﻤﺎﻳﻼﭖ ﻗﻮﻳﻨﯩﯔ ﭘﯘﺗﯩﻨﻰ ﭼﯜﺷﻪﭖ ﻳﯩﻘﯩﺘﺘﯩﻢ....
ﯞﺍﻱ - ﯞﯗﻱ ﺗﻮﻱ ﻗﯩﻠﯩﭗ ﮬﺎﺯﯨﺮﻏﯩﭽﻪ ﺋﯩﻜﻜﻰ ﻗﯘﺭﺑﺎﻥ ﮬﯧﻴﺖ ﺑﻮﭘﺘﯘ. ﻗﻮﻱ ﺋﯚﻟﺘﯜﺭﯛﺵ ﺑﯜﮔﯜﻧﻜﯩﺪﻩﻙ ﺗﻪﺱ ﺗﯘﻳﯘﻟﻤﯩﻐﺎﻥ. "...ﻣﺎ ﭘﺎﭼﯩﻘﯩﻨﻰ ﺗﯘﺕ، ﺋﺎﯞﯗ ﭘﯩﭽﺎﻗﻨﻰ ﺋﯧﻠﯩﯟﻩﺕ، ﻗﻮﻟﯘﻣﻐﺎ ﺳﯘ ﻗﯘﻱ..." ﺩﻩﭖ ﺑﯘﻳﺮﯗﺳﺎﻡ ﺷﯩﭙﯩﺮﻻﭖ ﻣﯧﯖﯩﭗ ﺋﯜﻥ - ﺗﯜﻧﺴﯩﺰ ﺑﯘﻳﺮﯗﻗﯘﻣﻨﻰ ﺋﻮﺭﯗﻧﻼﻳﺪﯨﻐﺎﻥ ﺳﻪﻥ ﺧﻮﺗﯘﻧﯘﻡ ﻳﻮﺗﻘﺎﻧﻐﺎ ﺭﺍﺳﺎ ﺋﻮﺭﯨﻨﯩﭗ ﻳﺎﺗﯩﺴﻪﻥ. ﯞﺍﻳﺠﯩﻨﯩﻢ ﭼﯩﻘﯩﭗ ﺋﺎﺭﺍﻥ ﺑﺎﻻﻟﯩﻘﺘﺎ ﻗﻮﻳﻨﻰ ﻳﯩﻐﯩﺸﺘﯘﺭﯗﭖ ﺑﯧﻠﯩﻤﻨﻰ ﺭﯗﺳﻠﯩﺪﯨﻢ.
ﻣﻪﺷﻜﻪ ﺋﻮﺕ ﻗﺎﻟﯩﺪﯨﻢ. ﺋﻮﺗﯘﻥ ﻳﯧر ﺶ ﺋﻪﺟﻪﭖ ﺗﻪﺳﻜﻪﻥ ، ﺑﯘ ﭼﺎﻗﻘﯩﭽﻪ ﯞﯨﺠﯩﻜﻜﯩﻨﻪ ﺑﻪﺳﺘﯩﯔ ﺑﯩﻠﻪﻥ ﺋﻪﮔﺮﻯ - ﺑﯜﮔﺮﻯ ﺗﻮﻏﺮﺍﻕ ﻛﯚﺗﯩﻜﯩﻨﻰ ﻗﺎﻧﺪﺍﻕ ﻳﯧﺮﯨﭗ ﻗﺎﻻﭖ ﻳﯜﺭﮔﯩﻨﯩﯖﻨﻰ ﺑﯩﻠﻪﻟﻤﯩﺪﯨﻢ. ﻛﯚﻣﯜﺭ ﺳﯧﻠﯩﺶ ﺩﯦﮕﻪﻧﻤﯘ ﺑﯩﺮ ﺋﺎﯞﺍﺭﯨﭽﯩﻠﯩﻖ، ﻳﯜﺯ - ﻛﯚﺯﻟﯩﺮﯨﻢ ﻗﺎﺭﺍ - ﻗﯘﺭﺍ ﺑﻮﻟﯘﭖ ﺋﺎﺭﺍﻥ ﺋﻮﺗﻨﻰ ﺋﻮﺕ ﻗﯩﻠﺪﯨﻢ(ﻣﻪﻥ ﺩﯦﮕﻪﻥ ﺟﻪﻧﯘﭘﺘﯩﻜﻰ ﻧﺎﻣﺮﺍﺕ ﻣﯘﺋﻪﻟﻠﯩﻢ. ﺑﯩﻨﺎ ﺋﯚﻳﯜﻡ، "ﺗﺎﺱ" ﺗﻮﻟﻐﯩﺴﺎ ﻳﺎﻧﯩﺪﯨﻐﺎﻥ ﮔﺎﺯ ﺋﻮﭼﯩﻘﯩﻢ ﻳﻮﻕ) ﮔﯚﺵ ﭘﯩﺸﯘﺭﻏﯩﭽﻪ ﺳﯧﻨﻰ ﻧﻪﭼﭽﻪ ﺭﻩﺕ ﭼﺎﻗﯩﺮﯨﭗ ﮔﯚﺷﻨﻰ ﻗﺎﻧﺪﺍﻕ ﭘﯩﺸﯘﺭﯨﺪﯨﻐﯩﻨﯩﻤﻨﻰ ﺗﻪﺳﺘﻪ ﺑﯩﻠﺪﯨﻢ. ﮔﯚﺵ ﭘﯩﺸﯘﺭﯗﺷﻤﯘ ﺷﯘﻧﺪﺍﻕ ﺗﻪﺳﻜﯩﻨﻪ، ﻳﯩﻤﻪﻙ ﺋﺎﺳﺎﻥ ﺑﻮﻟﻐﺎﻥ ﺑﯩﻠﻪﻥ.
ﺋﻪﻣﺪﻯ ﻣﯧﮭﻤﺎﻧﺨﺎﻧﺎ ﺋﯚﻳﻨﻰ ﻳﯩﻐﯩﺸﺘﯘﺭﯗﺵ، ﺋﯜﺳﺘﻪﻟﻠﻪﺭﮔﻪ ﻣﻪﺯﻩ ﺗﯩﺰﯨﺶ، ﮬﻮﻳﻼ ﺋﺎﺭﺍﻣﻼﺭﻧﻰ ﺗﺎﺯﯨﻼﺵ، ﭘﯩﻴﺎﻟﻪ - ﭼﯩﻨﯩﻠﻪﺭﻧﻰ ﭼﺎﻳﻘﺎﺵ، ﭼﺎﻱ ﻗﺎﻳﻨﯩﺘﯩﺶ ﻗﺎﺗﺎﺭﻟﯩﻖ ﺋﯩﺸﻼﺭﻧﻰ ﻗﯩﻠﯩﺶ ﻛﯧﺮﻩﻙ ﺋﯩﺪﻯ. ﺑﯩﺮ - ﺑﯩﺮﻟﻪﭖ ﺋﯩﺸﻠﻪﺵ ﺋﯜﭼﯜﻥ ﻳﯧﯖﯩﻤﻨﻰ ﺗﯜﺭﺩﯛﻡ....
ﺑﯩﺮ ﺗﺎﻻﻱ ﺋﯚﻱ ﺋﯩﺸﻠﯩﺮﯨﻨﻰ ﻗﯩﻠﯩﭗ ﺑﻮﻟﻐﯩﻨﯩﻤﺪﺍ ﺧﯧﻠﻰ ﺑﯩﺮ ﯞﺍﻗﯩﺖ ﺑﻮﭖ ﻗﺎﻟﺪﻯ. ﺋﻪﻣﺪﻯ ﺳﺎﯕﺎ ﺗﺎﻣﺎﻕ ﻳﯩﮕﯜﺯﯛﺵ، ﺩﻭﺭﺍ ﺋﯩﭽﻜﯜﺯﯛﺵ ﻛﯧﺮﻩﻙ ﺋﯩﺪﻯ. ﺗﻪﺭﻟﻪﭖ ﭘﯩﺸﯩﭗ، ﻗﻮﻟﻠﯘﺭﯗﻣﻨﻰ ﻧﻪﭼﭽﻪ ﺭﻩﺕ ﻛﯚﻳﺪﯛﺭﯛﭖ، ﺧﺎﻡ - ﺧﺎﺗﯩﻼ ﺑﯩﺮ ﻧﯩﻤﯩﻠﻪﺭﻧﻰ ﭘﯩﺸﯘﺭﯗﭖ (ﺋﯚﺯﻩﻣﭽﻪ ﺳﯘﻳﻘﺎﺵ ﺩﻩﭖ ﺋﺎﺕ ﻗﻮﻳﯘﭖ) ﺋﺎﻟﺪﯨﯖﻐﺎ ﺋﻪﻛﻪﻟﮕﯩﻨﯩﻤﺪﻩ ﻣﻪﻥ ﺩﺍﯞﺍﻣﻠﯩﻖ ﺳﯧﻨﯩﯔ ﺗﺎﻣﯩﻘﯩﯖﺪﯨﻦ ﻗﯘﺳﯘﺭ ﺗﺎﭘﻘﯩﻨﯩﯖﻨﯩﯔ ﺋﻪﻛﺴﯩﭽﻪ ﺯﻩﺋﯩﭗ ﺋﺎﯞﺍﺯﯨﯔ ﺑﯩﻠﻪﻥ ﻧﻪﭼﭽﻪ ﺭﻩﺕ ﻣﺎﺧﺘﺎﭖ ﺗﺎﻣﯩﻘﯩﯖﻨﻰ ﺋﯩﭽﺘﯩﯔ، ﻣﻪﻧﻤﯘ ﻗﺎﺯﺍﻧﻨﻰ ﻳﯩﻐﯩﺸﺘﯘﺭﯗﭖ ﺗﯘﺭﯗﭖ، ﺋﯚﺯﻩﻣﭽﻪ ﺗﺎﻣﺎﻗﻨﻰ ﺑﻪﻙ ﺋﻮﺧﺸﺎﺗﺘﯩﻢ ﺩﻩﭖ ﺧﯘﺵ ﺑﻮﻟﯘﭖ، ﺑﯩﺮ ﻗﻮﺷﯘﻕ ﺋﯩﭽﯩﭗ ﺑﺎﻗﻘﺎﻧﺘﯩﻢ، ﺳﺎﯕﺎ ﻛﯚﺭﺳﻪﺗﻤﻪﻱ ﺋﯧﻐﯩﺰﯨﻤﻨﻰ ﭼﺎﻳﻘﺎﺷﻘﺎ ﻣﻪﺟﺒﯘﺭ ﺑﻮﻟﺪﯗﻡ. ﭼﯜﻧﻜﻰ ﺑﯘ ﺗﺎﻣﺎﻕ ﻣﻪﻥ ﺋﯚﻣﺮﯛﻣﺪﻩ ﻳﯧﮕﻪﻥ ﺋﻪﯓ ﺑﻪﺗﺘﺎﻡ ﺗﺎﻣﺎﻕ ﺋﯩﺪﻯ.
ﺧﻮﺗﯘﻥ: ﺳﯧﻨﯩﯔ ﺳﺎﻗﻠﯩﻘﯩﯖﻨﻰ ﺋﺎﻟﻼﮬﺘﯩﻦ ﺗﯩﻠﻪﻳﻤﻪﻥ .ﺋﻪﻣﻤﺎ ﺳﻪﻥ ﭘﺎﺕ - ﭘﺎﺕ ﺋﺎﻏﺮﯨﭗ ﻗﺎﻝ. ﺳﻪﻥ ﺋﺎﻏﺮﯨﭗ ﻗﺎﻟﻐﯩﻨﯩﯖﺪﯨﻼ ﻣﻪﻥ ﺋﺎﺋﯩﻠﻪ ﻳﯜﻛﯩﻨﯩﯔ ﻧﻪﻗﻪﺩﻩﺭ ﺋﯧﻐﯩﺮﻟﯩﻘﯩﻨﻰ، ﺋﺎﺋﯩﻠﻪ ﺋﯩﺸﯩﻨﯩﯔ ﻗﺎﺭﯨﻤﺎﻗﻘﺎ ﺋﺎﺩﺩﯨﻲ ﺋﻪﻣﻤﺎ ﺗﯜﮔﯩﻤﻪﺱ ﺋﯩﺶ ﺋﯩﻜﻪﻧﻠﯩﻜﯩﻨﻰ ﺋﺎﺯﺭﺍﻕ ﺑﻮﻟﺴﯩﻤﯘ ﺑﯩﻠﻪﻟﯩﺪﯨﻢ. ﺳﻪﻥ ﺋﺎﻏﺮﯨﭗ ﻗﺎﻟﻐﯩﻨﯩﯖﺪﯨﻼ ﺋﺎﺋﯩﻠﯩﻨﯩﯔ ﻳﯜﻛﯩﻨﻰ ﺑﯩﺮﻻ ﺋﺎﺩﻩﻣﻨﯩﯔ، ﺑﻮﻟﯘﭘﻤﯘ ﺳﻪﻧﺪﻩﻙ ﺋﺎﺟﯩﺰﻩﻧﯩﯔ ﺋﯜﺳﺘﯩﮕﻪ ﺑﯩﺮﺍﻗﻼ ﻳﯜﻛﻠﻪﭖ ﻗﻮﻳﯘﺷﻨﯩﯔ ﻧﻪﻗﻪﺩﻩﺭ ﻣﻪﺳﺌﯘﻟﯩﻴﻪﺗﺴﯩﺰﻟﯩﻚ ﺋﯩﻜﻪﻧﻠﯩﻜﯩﻨﻰ ﮬﯩﺲ ﻗﯩﻼﻟﯩﺪﯨﻢ. ﺳﻪﻥ ﺋﺎﻏﺮﯨﭗ ﻗﺎﻟﻐﯩﻨﯩﯖﺪﯨﻼ ﺋﺎﻧﺪﯨﻦ ﻣﻪﻥ ﺋﯚﺯ - ﺋﺎﺭﺍ ﻛﯚﻳﯜﻧﯜﺵ، ﺋﯚﺯ - ﺋﺎﺭﺍ ﮬﯚﺭﻣﻪﺗﻠﻪﺷﻨﯩﯔ ﻧﯩﻤﯩﻠﯩﻜﯩﻨﻰ ﻳﻪﻧﯩﻤﯘ ﭼﯜﺷﯩﻨﻪﻟﯩﺪﯨﻢ. ﺳﻪﻥ ﺋﺎﻏﺮﯨﭗ ﻗﺎﻟﻐﺎﻧﺪﯨﻼ ﺋﺎﻧﺪﯨﻦ ﻣﻪﻥ ﺋﺎﺋﯩﻠﯩﺪﻩ ﺧﻮﺗﯘﻧﻨﯩﯔ ﻗﺎﻧﭽﯩﻠﯩﻚ ﻣﯘﮬﯩﻤﻠﯩﻘﯩﻨﻰ، ﺳﯧﻨﯩﯔ ﺋﺎﺋﯩﻠﯩﺪﻩ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﯖﻨﻰ ﭼﯜﺷﻪﻧﺪﯨﻢ.
ﺧﻮﺗﯘﻥ ﺋﺎﻟﻼﮬ ﺳﯧﻨﻰ ﻣﻪﯕﮕﯜ ﺳﺎﻻﻣﻪﺕ ﻗﯩﻠﻐﺎﻱ، ﺋﻪﻣﻤﺎ ﭘﺎﺕ - ﭘﺎﺕ ﺋﺎﻏﺮﯨﭗ ﻗﺎﻝ، ﻣﻪﻥ ﺳﯧﻨﯩﯔ ﻗﯩﻤﻤﯩﺘﯩﯖﻨﻰ، ﺳﯧﻨﯩﯔ ﻣﯘﺷﻪﻗﻘﯩﺘﯩﯖﻨﻰ، ﺳﯧﻨﯩﯔ ﺟﻪﯞﺭﯨﯖﻨﻰ، ﺳﯧﻨﯩﯔ ﻣﯘﮬﻪﺑﺒﯩﺘﯩﯖﻨﻰ، ﺳﯧﻨﯩﯔ ﺋﻮﺭﻧﯘﯕﻨﻰ ﺑﯩﻠﯩﭗ ﺗﯘﺭﺍﻱ.
رۇقسەتسىزلا ئازىراق تۇزەپ قويدۇم . كەچۈرۈڭ !
[ بۇ يازما kuraxjan تەرپىدىن 2007-10-13 03:49 دە قاي ]