قىچىشقاندۇ ياراڭمۇ
كۆردۈم سىنى يىراقتىن ،
رەڭگى -روھىڭ ئوسالغۇ .
مۇجىدىمۇ يۈرەكنى ،
پۇتلا كاششاڭ توسالغۇ .
ساڭا بىرلە ھۆرمىتىم ،
ئەزەلدىنلا ئايانغۇ .
نە سەۋەپتىن بولدىكىن ،
يۇرۇق دىلىڭ قاراڭغۇ .
گەر سايىسى بولمىسا ،
ئەلگە ياقماس باراڭمۇ .
دېمىقىدا ئوق ئاتسا ،
تۇيۇپ قالار ساراڭمۇ .
ئەرزىمىگەچ تىيىنغا ،
دوستلۇق دېگەن پاراڭمۇ .
تاتلاپ قوياي دېدىمغۇ ،
قىچىشقاندۇ ياراڭمۇ ؟
قالپاق تەڭلەپ دوق قىلىپ ،
نوقسانىڭنى يوق قىلىپ ،
سىياسەتنى ئوق قىلىپ ،
ئېتىپ بەرسەڭ بولامدۇ ؟
ھۇقۇقىڭنى پەش قىلىپ ،
سامانغىمۇ چەش قىلىپ ،
دوست كۆڭلىنى غەش قىلىپ ،
يېتىپ بەرسەڭ بولامدۇ ؟
پاھ،ئۆزەڭنى ھاي بىلىپ ،
ئۆزگىلەرنى لاي بىلىپ ،
بوز ئېشەكنى تاي بىلىپ ،
چېپىپ بەرسەڭ بولامدۇ ؟
گەپنى يوغان باشلىۋېپ ،
كۈردە تۇتسا ئاشلىۋېپ ،
تاز چوقاڭنى قاشلىۋېپ ،
قېچىپ بەرسەڭ بولامدۇ ؟
ئۆتەلمىدىڭ ئەسنىمەي ،
چىن دوسلۇقنى قەستلمەي ،
يا پۇتۇڭنى كەسلىمەي ،
سېسىق پۇراپ ھەممىگە ،
ئېچىپ بەرسەڭ بولامدۇ ؟
تۇرقۇم مىنىڭ كارامەت ،
بۆھتانلىرىم ئالامەت ،
كىبىرلىرىم دارامەت ،
دەپ سۆگەتجان ،شامشاددەك ،
قېتىپ بەرسەڭ بولامدۇ ؟
داخانلاردەك ئوقىۋېپ ،
كەشتىچىدەك تۇقىۋېپ ،
كۈرۈك بۇلۇپ چۇقىۋېپ ،
(جەز تىرناقتا يۈرەكنى)
تېتىپ بەرسەڭ بولامدۇ ؟!