يىگىتنىڭ غەمگە پاتقان كۆزلىرىدىن ، ئاندا-ساندا ئېغىزلىرىنى چىكىلدىتىشلىرىدىن ، ئېغىر تىنىشلىرىدىن نىمىگىدۇر بىر ئىشقا جىلە بولىۋاتقانلىقىنى ئاسانلا بىلىۋالغىلى بۇلاتتى . ئانچە – مۇنچە پۇشايمان ۋە توغرا ئامال تېپىىش ئۈستىدە پائالىيەت ئېلىپ بېرىۋاتقان كاللىسىدىن ، ھەتتا بۇندىن كىيىن تاكسىدا ئولتۇرماسلىق خىيالىمۇ كەچتى . يۈزبەرگەن شۇ بىر نەچچە قېتىملىق "ۋەقە"نى ئويلاپ بەكمۇ بىئارام بولىۋاتاتتى ،
بىرىنچى "ۋەقە" : تاكسى شوپۇرى يىگىتنى ئۇ بارىدىغان جايغا ئاپىرىپ قۇيدى ، يىگىت يەنە شۇ تاكسىدا قايتماقچى بۇلۇپ ، شوپۇر سەل تەسلىكتە ماقۇل بۇلغاندىن كىيىن ، كىرىپلا چىقتى ، لىكىن تاكسى شوپۇرى يىگىتنى ساقلىمىغانىدى ، نەتىجىدە شۇپۇرنىڭ پۇلى يىگىتتە قالدى . يىگىت ئويلىدى : " مەن قەستەن بەرمەسلىكنى نىيەت قىلمىغاندىكى ، بۇ پۇلنى مۇھتاجلارغا بېرىۋەتسەم ، ئۆزۈم خەجلىمىسەم ماڭا قەرىز ھىسابلانماس " .
ئىككىنچى "ۋەقە" : تاكسى شوپۇرى يىگىتنى ئۇ بارىدىغان جايغا ئاپىرىپ قۇيدى ، لىكىن شۇپۇر يىگىت بەرگەن چوڭ پۇلنى پارچىلاشقا ئامال بولماي ، ئىلاجىسز يىگىتنى پۇل ئالماي چۈشۈرۋەتتى (يىگىتتە ھەقىقەتەنمۇ پارچە پۇل يوق ئىدى) . يىگىت ئويلىدى : " مەن قەستەن بەرمەسلىكنى نىيەت قىلمىغاندىكى ، بۇ پۇلنى مۇھتاجلارغا بېرىۋەتسەم ماڭا قەرىز ھىسابلانماس ، ئىلاھىم شۇنداق بولسىكەن!"
ئۈچىنچى "ۋەقە" : شۇپۇر يولسىزلىق قىلغانىدى ، يىگىت تاكسى شوپۇرى بىلەن جىدەللىشىپ قالدى ، جىدەللىشىشتىن ۋاقىت ئۇزىراپ ئەسلى تىگىشلىك باھادىن بەش مو ئارتۇق پۇل چىقتى ، يىگىتنىڭ بۇ يولسىز شۇپۇرغا بوزەك بولغۇسى كەلمىدى ۋە تىگىشلىك پۇلنى بېرىپ ئارتۇق قىسمىنى بەرمەي ، شۇپۇرغا سەۋەبىنى بىلدۈرۈپ قۇيۇپ چۈشۇپ كەتتى . شوپۇرمۇ غىڭ قىلاللماي كىتىپ قالدى . يىگىتنىڭ ئاچچىقى سەل بېسىقتى ، ئۇ مۇنداق ئويلىدى : " بەش مو ھەققىنى يىگەن بۇلارمەنمۇ ، گەرچە بۇپۇلنى ئۆز نەپسىمنى دەپ ئەمەس بەلكى جىدەللىشىشتىن ئۇزىراپ كەتكەن ۋاقىتقا ، شوپۇرنىڭ ئۆزىنىڭ سەۋەبىدىن ئېشىپ كەتكەن پۇل بولغاچ بەرمىدىم ، لىكىن شۇنداقتىمۇ بەرىبىر مەندە قالدى..... بىرەر ئاجىزەگە بېرىۋىتەي ......مۇشۇنداق قىلسام بۇ قەرىز مەندىن كۆتۈرلۈپ كەتسىكەن ئىلاھىم "
تۆتىنچى "ۋەقە" :تاكسى شوپۇرى يىگىتنى ئۇ بارىدىغان جايغا ئاپىرىپ قۇيدى ، يىگىت پۇل بېرىۋاتقان ۋاقىتنىڭ ئۆزىدە ، پۇل ھىسابلىغۇچنىڭ كەينى –كەينىدىن ئىككى قېتىم پۇل قوشقانلىقىدىن بىنورماللىق ھىس قىلىپ بۇنى شوپۇردىن سورىدى ، شۇپۇر ئۇنىڭغا قېيداپ پۇلنى يىگىتكە قوپاللىق بىلەن تۇتقۇزۇپ قويدى ، "سوراپ باقسىمۇ بولمامدا ، ئالمىساڭ ئالما ، زورلاپ بېرىدىغان پۇل يوق!! " يىگىتنىڭمۇ غۇژژىدە ئاچچىقى تۇتۇپ پۇلىنى ئېلىپ چۈشۇپ كەتتى . لىكىن ماشىنا كەتكەندىن كىيىن قاتتىق بىئارام بولدى . "قاراپ تۇرۇپ ماۋۇنىڭ ھەققى مەندە قالدى ، خەپ...نەچچە قېتىم بولدى مۇشۇنىڭ بىلەن ، مۇشۇ تاكسى سەۋەبىدىنلا بىرمۇنچە كىشىنىڭ ھەققىنى يىگەن بولدۇممۇ ئەمدى ، گەرچە ئۆز نەپسىمگە چوغ تارتىپ قىلمىغان بولساممۇ ھامان قىلدىمدە ، كۆڭلۇمنى ئازراق بولسىمۇ ئارام تاپقۇزاي - چىن دىلىمدىن رازى بۇلۇپ بىرەر ئاجىزەگە بېرىۋىتەي ......مۇشۇنداق قىلسام بۇ قەرىز مەندىن كۆتۈرلۈپ كەتسىكەن ئىلاھىم ".
ئشىلار مۇشۇنداق كىچىكىدىن چوڭلاپ ئاخىرى يىگىتنى سەگىتتى ، گەرچە بۇ ۋەقەلەر جەريانىدا ئۇ ئىزچىل كىشىنىڭ ھەققىنى يىمەسلىكتەك ئىدىيەدە چىڭ تۇرۇغان بولسىمۇ ، نەتىجىدە يەنىلا يۇقارقىدەك سەۋەپلەر بىلەن ، ئۆزى خالىمىغان ئەھۋال ئاستىدا بىر قىسىم كىشنىڭ ھەقلىرى ئۇنىڭ زىممىسىدە قالغاندەك ھىس قىلدى . " بۇلارنى كىمدىنمۇ كۆرەي ، ھەي ئىسىت ، دەسلەپتىلا ئاللاھنىڭ ئازابىدىن قورقۇپ ئۇ پۇللارنى ئۆزەم ئىشلەتمەي ھاجەتمەنلەرگە بېرىۋىتىپتىمەنيۇ ، ئاللاھتىن مۇشۇنداق ئىشلاردىن مىنى يىراق قىلشىنى بىرەر قېتىم بولسىمۇ تىلۋەتمەپتىمەن ، بىلىپ-بىلمەي يەنە قانچە قېتىملاپ مۇشۇنداق ئىشلارنى سادىر قىلغاندىمەن ؟ زادى مەن شۇلاردىن قايسىسىغا قەرىزدار ھىسابلىنىمەن ؟ ئۇ ئادەمنى تاپقىلى بولمىسا قەرىزنى قانداق قايتۇرمەن ؟ بۇ قەرىزلەرنى ئۇ دۇنياغا بىللە ئەكەتمىسەم بۇلاتتى ، ھېلىمۇ شۈكرى ، مىھرىبان ئاللاھ بۇگۈن بولسىمۇ دىلىمغا ساپتۇ ، ئەڭ مۇھىم بولغىنى قانداق قىلىپ بۇ قەرىزلەرنى قايتۇرۇش ، ئاھ خۇدا ماڭا بۇ قەرىزلەرنى قايتۇرۇشقا پۇرسەت بەرگىن "
ئاپتۇردىن : ئجدىماھى مۇناسىۋەت مۇرەككەپ بولغانلىقتىن مۇشۇنىڭدەك "ۋەقەلەر" ھەرخىل شەكىللەردە مەۋجۇت بۇلۇپ كەلمەكتە ، بىزنىڭ پىكىر يۇرگۈزۈشىمىزنى كۈتمەكتە . ئوقۇرمەنلەرنىڭ ۋەقەلىك ئىچىدىكى سۇئاللارغا قارىتا بىلگەنلىرىنى ئىشەنچىلىك پاكىتلار بىلەن ئوتتۇرغا قۇيۇپ بېقىشىنى ئۈمۈد قىلمىز.
مەنبە : ئۇچىرىغانلىرىم

تۇغرا ، باشقا كىشىلەرنىڭ  ھەققى بىزلەردە قالسا بىزگە ھارام  بولىدۇ .شۇڭا  مۇسۇلمان بولغان ئىكەنمىز باشقىلارنىڭ ھەققىنى  يەپ سېلىشتىن خۇدا  ساقلىسۇن ! ھەر ۋاقىت ئاللادىن  بىلىپ -بىلمەي  قىلىپ قويغان  گۇناھلىرىمىز  تېلەيلى !

بۇ بىر-بىرىگە سىلىشتۇرما ۋەقەلەر ئىكەن ،  كىشى  ھەققى ھارام  .
تۇرمۇشتىكى مەلۇم مەسىلىلەرنىڭ ئۆلچەملىك جاۋابىنى تاپمىقىڭىز راستىنلا مۈشكۈل .  


    بۇلارنى كۆرۈب بىقىڭ !!
    شەبنەم تورى ئالاھىدە تەۋسىيسى
./read.php?tid-109759.html
./read.php?tid-104367.html
   بۇ تىمىلارنى ئاچسىڭىزلا مۇكاپاتى بار .

كىشىنىڭ ھەققىنى بىلىپ تۇرۇپ يىيىش ئېغىر گۇناھ، بىلمەي يەپ قويغان بولسا ئۇى تۈزىتىش ۋە تۆۋە قىلىش ئۇ ئەقىلغا مۇۋاپىق بىر ئىش.. لىكىن خەقنىڭ ھەققىنى يىيىشتىن ساقلىنىش ۋە ئاللاھ تىن پاناھ تىلەپ تۇرۇش زۆرۈر..

مەنمۇ مۇشۇنداق ئويلايمەن . ئادەم چوقۇم خەقنىڭ ھەققىنى يىيىشتىن ساقلىنىش ۋە ئاللاھ تىن پاناھ تىلەپ تۇرۇش زۆرۈر..

بۇ كىچىك ئىشلارغۇ ،ئەمىلىيەتتە تاكسى شوپۇرلىرىنىڭ ھەققى بىزلەردە ئەمەس تولا ۋاقىتتا تاكسى شوپۇرلىرىدا قالىدۇ ،مەسىلەن ئادەتتىكى بىر ئەھۋالدا سىز ماشىنى غا چىقتىڭىز دىققەت سىزلىكىڭىزدىن تىلىفۇنىڭىز چۈشۈپ قالدى ،سىز بىرەسىنىڭ تىلىفۇنىنى ئېلىپلا تىلىفۇنىڭىزغا تىلىفۇن قىلسىڭىز بىرنەچچە سايراپلا ئېتىلىدۇ ..................

مۇمكىن بولسا  ئۆزىگە بېرىش  كېرەك بولمىغاندا ياردەمگە ھەقىقى مۇھتاج كىشىلەرگە بەرسەك  بولار

مۇسۇلمانلارغا ھارام ياراشقان نەدە بار؟ لىكىن مۇشۇنداق ئىشلار بىزگىمۇ دايىم ئۇچرايدۇ..بۇ زادى ھارام ھىساپلىنامدۇ.....مەنغۇ ئىشقىلىپ بىر كوي تېپىۋېلىپ شۇ ھامان دىۋانىگە بىرىۋەتسەممۇ 100كويۇم يۈتىدۇ،تۈنۈگۈنمۇ 20كوي تېپىۋېلىپ يەنە تاشلىۋەتتىم ......قوقتۇم،،،

راست بىزگە ھەققىقەتەن ھارام ياراشمايدۇ.