25-ئىيۇن ئۈرۈمچى شەھەرلىك مائارىپ ئىدارىسىدىن ئىگىلىنىشىچە، ئۈرۈمچى شەھىرىدىكى تولۇق ئوتتۇرىغا ئۆرلەپ ئوقۇش ئىمتىھانى بەرگەن ئوقۇغۇچىلار بۇ يىلدىن باشلاپ، ئىمتىھان نەتىجىسى ئېلان قىلىنغاندىن كېيىن ئارزۇ تولدۇرىدىكەن، ئۇنىڭدىن باشقا ئىلگىرىكى ئارزۇ تولدۇرۇش كارتىسى ئەمەلدىن قالدۇرۇلۇپ، توردا ئارزۇ تولدۇرۇش يولغا قويۇلىدىكەن.

بۇ خىل يېڭى ئۆزگىرىش بۇ يىلقى ئالىي مەكتەپ ئىمتىھان قوبۇل قىلىش تەرتىپىگە ئاساسەن چىقىرىلغان بولۇپ، نەتىجىسىنى ئېنىق مۆلچەرلىيەلمىگەن ئوقۇغۇچىلارغا پايدىلىق ئىكەن. توردا ئارزۇ تولدۇرۇشنى يولغا قويۇش ئوقۇغۇچىلارنىڭ ئارزۇ تولدۇرغاندا خاتالىشىش نىسبىتىنى ئازايتىپلا قالماي يەنە ئارزۇ تولدۇرۇش كارتىسىنى كىرگۈزۈشتىكى خىزمەت مىقدارىنى ئازايتىشقا پايدىلىق ئىكەن.