1. سۈت بېزى. كۈندىلىك تۇرمۇشىمىزدا بىر قىسىم سۈت بېزى ياللۇغىنى كەلتۈرۈپ چىقىرىدىغان ئامىللارغا ئادەتتە سەل قارىلىدۇ. مەسىلەن، ئىچ كىيىمنىڭ بەدەنگە ماس كەلمەسلىكى، ئوزۇقلىنىش ئادىتىنىڭ ئىلمىي بولماسلىقى قاتارلىقلار.

    2. بالىياتقۇ بوينى. ئاياللارنىڭ بارلىق ئەزالىرى ئىچىدە بالىياتقۇ بوينى يامان خاراكتېرلىك ئۆسمە ئەڭ كۆپ كۆرۈلىدىغان ئەزا ھېسابلىنىدۇ. ئالاقىدار ماتېرىياللاردا كۆرسىتىلىشىچە، بالىياتقۇ بوينى راكىنىڭ ئاياللارنىڭ ساغلاملىقى ۋە ھاياتىغا خەۋپ يەتكۈزۈش جەھەتتە سۈت بېزى راكىدىن كېيىنلا تۇرىدىكەن.

    3. دوۋساق. دوۋساقمۇ ئاياللارنىڭ كېسەللىك كۆپ كۆرۈلىدىغان ئەزالىرىنىڭ بىرى، %20 ئايال ھاياتىدا قىسقا مۇددەتلىك دوۋساق ياللۇغىنىڭ دەردىنى تارتىدىكەن. تەيۋەن قاتارلىق جايلارنىڭ تەكشۈرۈشىدىن قارىغاندا، دوۋساق ياللۇغى سۈيدۈكنى ئۇزاق ۋاقىت قىسىش، جىنسىي مۇناسىۋەت، ھەيز مەزگىلىدىن كېيىنكى ۋاقىت ۋە سۈيدۈك يولى، ئاياللار بۆلۈمىدىكى تەكشۈرۈشلەردىن ئاسانلا پەيدا بولىدىكەن.

    4. پەي. ئەرلەرگە قارىغاندا ئاياللارنىڭ پېيى ئاسان زەخىملىنىدۇ، چۈنكى ئاياللارنىڭ پېيى تۇغما ئاجىز بولىدۇ.

    5. ھەزىم قىلىش سىستېمىسى. ئەر-ئاياللار يېمەكلىكلەرنى ئوخشاش مىقداردا يېگەن تەقدىردىمۇ، ئاياللارنىڭ ھەزىم قىلىشىغا كۆپرەك كېتىدۇ. تەتقىقاتلاردا ئىسپاتلىنىشىچە، ئاياللار سوزۇلما خاراكتېرلىك قەۋزىيەت ۋە ئۈچەي يولى كېسەللىكلىرىگە ئاسان گىرىپتار بولىدىكەن.