شىنجاڭدا ئالىي مەكتەپ ئىمتىھانى ئارزۇ تولدۇرۇش ۋاقتى تۆت كۈن ئۇزارتىلدى

ئاسىيا كىندىكى تورى خەۋىرى
بۇ يىل شىنجاڭدا ئالىي مەكتەپ ئىمتىھانى ئارزۇ تولدۇرۇش ۋاقتى ئۇزارتىلدى، توردا ئارزۇ تولدۇرۇش ۋاقتى ئەسلىدە بېكىتىلگەن 6-ئاينىڭ 10-كۈنى سەھەر ئۈرۈمچى ۋاقتى 6:00 دىن 6-ئاينىڭ 15-كۈنى كەچ 6:00 گىچە بولغان ۋاقىتتىن، 6-ئاينىڭ 10-كۈنى سەھەر ئۈرۈمچى ۋاقتى 6:00 دىن 6-ئاينىڭ 19-كۈنى كەچ 5:20 گىچە ئۇزارتىلدى.
شىنجاڭ ئۇيغۇر ئاپتونۇم رايونلۇق ئوقۇغۇچى قوبۇل قىلىش ئىشخانىسىدىكى مۇناسىۋەتلىك خادىمنىڭ تونۇشتۇرىشىچە، مائارىپ مىنىستىرلىكىنىڭ بۇيىل چىقارغان ئۆلكە ئايرىپ ئوقۇغۇچى قوبۇل قىلىش پىلان ۋاقتىنى كېچىكتۈرۈش ئەھۋالى توغرىسىدا، ئاپتونۇم رايونىمىزدا بۇيىل ئادەتتىكى تولۇق ئوتتۇرا مەكتەپ ئوقۇغۇچىلىرىنى ئالىي مەكتەپ ئىمتىھانى ئارزۇسى تولدۇرۇش ئېھتىياجى بىلەن بىرلەشتۈرگەن. يېقىندا ئاپتونۇم رايونلۇق ئوقۇغۇچى قوبۇل قىلىش ئىشخانىسى بۇيىل ئالىي مەكتەپ ئىمتىھانى توردا ئارزۇ تولدۇرۇش ۋاقتىنى تەڭشىگەنلىكى توغرىسىدا ئۇقتۇرۇش چىقارغان.
ئاپتونۇم رايونلۇق ئوقۇغۇچى قوبۇل قىلىش ئىشخانىسى 6-ئاينىڭ 10-كۈنىدىن باشلاپ شىنجاڭ ئوقۇغۇچى قوبۇل قىلىش تورى«www.xjzk.gov.cn ياكى www.xjzs.edu.cn » دا خەنزۇچە، ئۇيغۇرچە، قازاقچە ئۈچ خىل تىلدا « 2014-يىللىق ئالىي مەكتەپەلرنىڭ شىنجاڭدا ئوقۇغۇچى قوبۇل قىلىش پىلانى كەسىپ مۇندەرىجىسى» نى ئېلان قىلىدۇ.
ئاپتونۇم رايونلۇق ئوقۇغۇچى قوبۇل قىلىش ئىشخانىسى ئالىي مەكتەپ ئىمتىھانىغا قاتناشقان ئوقۇغۇچىلارنىڭ سېستىمىغا تىزىملاتقاندىكى مەخپىي نومۇرىنى ساقلىۋېلىشىنى ۋە تىزىملاش سېستىمىسىنىڭ مەشغۇلات ئۆلچىمىگە قاتتىق دىققەت قىلىشىنى ئەسكەرتىدۇ. ھەرقايسى دەرىجىلىك ئوقۇغۇچى قوبۇل قىلىش ئىمتىھانى ئورگانلىرى، ئوتتۇرا مەكتەپلەرنىڭ كۆڭۈل قويۇپ تەشكىللىشى، توردا ئارزۇ تولدۇرۇش خىزمىتىنى ئەتىراپلىق ئورۇنلاشتۇرىشى، ئىمتىھانغان قاتناشقان ئوقۇغۇچىلارغا مۇلازىمەت قىلىشنى كۈچەيتىش، توردا ئارزۇ تولدۇرغاندا باراۋەر، ئۆلچەمگە لايىق، بىخەتەر، تەرتىپلىك بولۇشقا كاپالەتلىك قىلىشىنى تەلەپ قىلىدۇ.