LG G3 يانفونى بۇ يىل 6-ئايدا ئېلان قىلىنىدىكەن

 ئۆتكەن ئايدا ئۆتكۈزۈلگەن 2014-يىللىق دۇنيا كۆچمە ئەسلىھەلەر كۆرگەزمىسىدە  LG شىركىتى ئۆزىنىڭ G Pro يۈرۈشلۈك يانفونلىرىنىڭ داۋاملاشتۇرغۇچىسى، شۇنداقلا يېڭى بىر ئەۋلاد ئەڭ يېڭى بايراقدار يانفونى-LG G Pro 2 يانفونىنى ئېلان قىلغان بولۇپ،گەرچە بۇ يانفونغا 5.9 ديۇملۇق چوڭ ئېكران سەپلەنگەن شۇنداقلا يەنە قاتتىق دېتال سەپلەنمىلىرىمۇ ناھايىتى ئىلغارلاشتۇرۇلغان بولسىمۇ، لېكىن بۇ يانفون يەنىلا نۇرغۇنلىغان يانفون ئېستىمالچىلىرى تەقەززالىق بىلەن كۈتۈۋاتقان LG G3 يانفونى ئەمەس ئىدى. كورىيە يانفون ئىلەپچىقىرىش شىركەتلىرىنىڭ ئۇزۇن يىللاردىن بۇيان داۋاملىشىپ كېلىۋاتقان قائىدىسى بويىچە، ئادەتتە ئۇلار ھەر يىلى ئىككى خىل بايراقدار يانفون مەھسۇلاتىنى ئېلان قىلىپ كەلگەن بولۇپ، ئۇلار بۇ يىل G Pro 2 يانفونىنى ئېلان قىلغان ئىكەن، ئۇنداقتا چوقۇم G Pro 2 يانفونىنىڭ ۋارىسى- G3  يانفونىنىمۇ چوقۇم بۇ يىل ئېلان قىلىدىكەن.
    LG G3  يانفونىغا نىسبەتەن، بىز ئاللىقاچان ئېلان قىلىنغان LG G2  يانفونىنىڭ ئىپادىسىگە قارىساقلا  كۇپايە قىلىدىغان بولۇپ، ھازىر نۇرغۇنلىغان كىشىلەر بۇ يانفوننى تەقەززالىق بىلەن كۈتمەكتە. ئەڭ يېڭى تارقالغان خەۋەرلەرگە قارىغاندا، LG شىركىتىنىڭ ئەڭ يېڭى بايراقدار يانفونى بولغان G3 يانفونى بۇ يىل 6-ئايدا رەسمىي ئېلان قىلىنىدىكەن.