ئۈرۈمچى كەچلىك گېزىتى خەۋىرى:

يېقىندا مۇتەخەسسىلەر زىيادە سەزگۈرلۈك كېسىلىنىڭ بىشارەتلىرى ھەققىدىكى تەتقىقات نەتىجىلىرىنى يەكۈنلىگەندىكىن مۇنداق دېيىشتى: بارلىق تەتقىقاتنىڭ نەتىجىسى يەتتە نۇقتىغا يىغىنچاقلاندى، تۆۋەندە بايان قىلغان يەتتە خىل ئالامەتنىڭ بىرى كۆرۈلسە، دوختۇرخانىغا بېرىپ زىيادە سەزگۈرلۈك بويىچە تەكشۈرتۈش ئىنتايىن زۆرۈر. 

مۇتەخەسسلەر يەكۈنلىگەن يەتتە خىل ئالامەت مۇنۇلار:

1. جەمەتىدە زىيادە سەزگۈرلۈك كېسىلى بارلار؛

2. زۇكام بولۇپ قالسىلا كانىي خىرىلداپ قىلىدىغانلار؛

3. ھەرىكەت قىلغاندا ياكى ئۇششاق يېمەكلىكلەرنى يېگەندىن كېيىن، قاتتىق يۆتىلىپ كېتىدىغانلار؛

4. سوزۇلما يۆتەلگە گىرىپتار بولغانلار، بولۇپمۇ يېرىم كېچە ۋە تاڭ سەھەردە توختىماي يۆتىلىدىغانلار؛

5. ئەتىگەندە ئورنېدىن تۇرغاندا ئارقا-ئارقىدىن چۈشكۈرۈپ كېتىدىغانلار؛

6. دائىم بۇرنى قىچىشىدىغان، بارغانسېرى كۆزىمۇ قىچىشىدىغانلار؛

7. بەدەننىڭ مەلۇم يەرلىرى قىچىشىدىغان بولۇپ، تەرلىگەندە بەكرەك قىچىشىدىغانلار.