ئالما شىركىتى ئىزچىل سامسۇڭدىن باشقا ئۆزىگە ئۆزەك  ياساپ بېرىدىغان شىركەتنى ئىزدىمەكتە . ئامېرىكا  نىيويوركتىكى يەرلىك ئاخبارات ۋاستىلىرىنىڭ شۇ يەردىكى ئۆزەك زاۋۇتى Foundries  نىڭ ئالاقىدار خادىمىنىڭ سۆزىنى نەقىل قىلىپ خەۋەر قىلشىچە بۇشىركەت ئالما شىركىتىگە  ئۆزەك ياساپ بەرمەكچى بولىۋېتىپتۇ .
    ئىگلىنىشچە Foundries شىركىتى ئۆزىنىڭ مالتاغا جايلاشقان 8-نومۇرلۇق زاۋۇتىدا ئالما شىركىتىنىڭ iPhone ۋە iPad لىرىگە ئىشلىتىدىغان ئۆزەكلىرىنى ئىشلەپچىقىرىدىكەن .
     نۆۋەتتە سامسۇڭ شىركىتىنىڭ تېكساس شىتاتى ئاسدىنغا جايلاشقان ئۆزەك زاۋۇتى  ئالما شىركىتىگە ئۆزەك ياساپ بېرىدۇ . سامسۇڭ شىركىتى Foundries نىڭ ئالما شىركىتىگە ئۆزەك ياساش  تۈرىگە ياردەملىشىۋاتقان بولۇپ ، بۇنىڭ بىلەن ئالما شىركىتى ئامېرىكىدا ئىككى ئۆزەك ياساش بازىسىغا ئىگە بولغان . 
     Foundries نۆۋەتتە 2مىليارد دوللار مەبلەغ سېلىپ  "تېخنىكا تەتقىقات مەركىزى " قۇرغان، بۇ مەركەز ئۆزەك كۆپلەپ ياساشتىن ئىلگىرى  ئۇنى مۇكەممەللەشتۈرۈشكە ئىشلىتىلىدۇ .  نۆۋەتتە بۇ مەركەزدە قۇرلۇش قىلىنىۋاتقان بولۇپ كېلەر يىلى پۈتتۈرۈش مۆلچەرلەنمەكتە ، سامسۇڭ شىركىتىمۇ بۇ مەركەزنى ئىشلىتىدۇ .
    ئىگلىنىشچە سامسۇڭ شىركىتى تېخنىكا  ئۆمىكىنى Foundries گە ھەمكارلىشىشقا ئەۋەتمەكچى بولغان بولۇپ ، بۇ شىركەتنىڭ ئالما شىركىتىگە ئۆزەك ياساش جەريانىغا ياردەملىشىدۇ .
    Foundries بولسا AMD دىن بۆلۈنۈپ چىققان ئۆزەك ياساش كارخانىسى بولۇپ ، كېيىن سىنگاپور تېشۈ يېرىم ئۆتكۈزگۈچ شىركىتى بىلەن بىرلەشكەن .ئۆتكەن يىلى AMD بۇ شىركەتنىڭ پاي ھوقۇقىدىن ۋاز كېچىپ ئۆزەك ياساش كەسپىدىن چېكىنىپ چىققان ، نۆۋەتتە Foundries  قا ئوتتۇرا شەرقتىكى بىر شىركەت ئىگدارچىلىق قىلىدۇ.
   نۆۋەتتە Foundries سىرىتقا  نىسبەتەن  بۇ خەۋەرنى  جەزىملەشتۈرمىگەن ياكى ئىنكار  قىلمىغان .
   تىلغا ئېلىشقا ئەرزىيدىغىنى شۇكى Foundries ، سامسۇڭ ۋە IBM ئۆزەك ياساش ساھەسىدىكى شېرىكلەر بولۇپ ، بۇ ئۈچ شىركەت تەشكىل قىلغان "ھەمكارلىق سەھنىسى " دە ياساش تېخنىكىسى ۋە ياساش ئەسلىھەلىرىدىن ئورتاق پايدىلىنىشقا بولىدۇ .
   نۆۋەتتە  ئېنىق بولمىغان بىر نۇقتا شۇكى Foundries كەلگۈسىدە بىۋاستە ئالما شىركىتى بىلەن توختام ئىمزالاپ ئۇنىڭ خېرىدارىغا  ئايلىنامدۇ ياكى سامسۇڭ شىركىتىگە ۋەكالىتەن ئالما شىركىتىگە ئۆزەك ياساپ بېرەمدۇ بۇنىسى تېخى نامەلۇم .
     ئىلگىرى ئالما بىلەن سامسۇڭ ئوتتۇرىسىدا پاتېنت ماجراسى بار ،مۇناسىۋىتى يامانلاشقان ، ئالما شىركىتى ئۆزىگە ئۆزەك ياساپ بېرىدىغان باشقا ئۆزەك ياساش سودىگەرلىرىنى ئىزدەۋاتىدۇ دېگەن قاراش ئومۇميۈزلۈك مەۋجۇت ئىدى  .تەيجىدىيەن ، ئىنتېل قاتارلىق شىركەتلەر ئالما شركىتىگە ئۆزەك ياساپ بېرىدىغان كارخانىلارغا ئايلاندى دېگەندەك خەۋەرلەرمۇ تارقالغان . ئامېرىكا ئاخبارات ۋاستىلىرى سامسۇڭ شىركىتى ئالما ششركىتىگە  ئۆزەك ياساشنى توختاتتى دەيدىغانغا ھېچقانداق ئىسپات يوق دەپ خەۋەر قىلغان .
   ئالما شىركىتى بىلەن Foundries نىڭ ھەمكارلاشقانلىق خەۋرى تارقالغاندىن كېيىن ئامېرىكا ئاۋام پالاتاسىنىڭ ئەزاسى شۇمو ئۆزىنىڭ بۇ ھەمكارلىق مۇناسىۋەتنى ئىلگىرى سۈرگەنلىكىنى ئېيىتقان .
شۇمو يەنە Foundries  نىڭ باش ئىجرائىيە ئەمەلدارىنىڭ ئۆزىنى ئىزدەپ ئالما شىركىتى بىلەن زىچ ھەمكارلىق مۇناسىۋىتى ئورناتقۇسى بارلىقىنى ئېيىتقىنىنى ئاشكارىلىغان .