ئۆزۈمگە ئاتىغان تىلەك

ئەنۋەر سىيىت

(ئو.ساۋۇت تېمىسىغا يانداش)

بەرىكەت نېسىۋەڭ ھامان بار،

چۈنكى تاغلارغا تاغلار يار.

ئېتىقادىڭ كەتمىسۇن ئۇپراپ،

كۈتكەن باغلارغا باغلار يار.

يانسا مەڭزىڭ نۇر بولۇپ،

ئەقىدەڭدە نۇر ئېمىپ يۈر.

بولسۇن قىممىتىڭ ئىنسانچە،

ئۈمىدكە چاپ، بولغىن، يۈگۈر.

ئىخلاس تېمىڭ قۇرۇلسۇن،

ئاڭا ئەل بولسۇن مەھلىيا.

ئۈندۈرسەڭ ئەجىرىڭدىن گۈل،

ئۇنۇتماس ھېچقاچان دۇنيا.

    ئۇنۇتماس ئەسلا سېنى ياراتقان،

 ھېكمەتتىن ئۈندۈرۈپ سېنى.

يۈرىكىڭنى تۇتما ئوتلارغا،

  ئوتلار كۈل قىلىپ تاشلار سېنى.

  ئۇلارنىڭ ئەكسىدە ئۇلۇغلۇق،

 ئەقىللىك يۈرمىسۇن ئاندا بىكار.

 ئارزۇيۇڭ يولىدا توختىمىغىن،

چىن بولغىن بولساڭ چاكار.

ھاپاش ئېتىپ جاھان ھەسرىتىنى،

قېرىتىپ يۈرمە يۈرىكىڭنى ئاسان.

سۆيگۈلۈك ياشا ئويلىغىنىڭدەك،

چۈنكى كائىناتتا سەنمۇ ئىنسان.

                                          2013-يىلى5-ئاينىڭ 21-كۈنى