خوتەندىن زۇلپىقار كەتتى

__ شائىر، يازغۇچى، ئەدەبىي ئوبزورچى، ئەدەبى تەرجىمان، ئەدەبىيات-سەنئەت تەشكىلاتچىسى، جامائەت ئەربابى، مۇھەممەت چاۋار ئەپەندىنىڭ ۋاپاتىغا ئاتايمەن.

ئەخمەتجان تۇرۇپ بەگتۈرك

      يۈرەكنى يىغلىتىپ قان-قان خوتەندىن زۇلپىقار كەتتى، 

     «چولاق قۇش»*(1)نى قىلىپ نىمجان جىمى تەندىن مادار كەتتى. 

ئىزى تامغان قاقاس يەردىن ئۈنەتتى ھۈپپىدە گۈللەر،

قىزىل گۈلگە بېرىپ مىڭ جان بېغىمدىن جىلۋىدار كەتتى. 

چۆكۈپ دائىم يۇرۇڭقاشقا قويۇلسام دەيىتتى تارىمغا، 

ئوقۇپ «قۇملۇقتا ئەپسانە»*(2) ئىزىقماستىن ئاقار كەتتى.

ئۆزۈمدىن ھالقىماق بولسام سىلايىتتى ئۇ قاناتىمنى،

 مېنى پەرۋازغا رام قىلغان كەرەملىك تىلتۇمار كەتتى.

ئۇزاق تۈنلەردە مۇڭداشساق ياقاتتى دىلغا بىر چاقماق، 

ئىچىمدىن چىققۇچە يورۇپ يولۇمغا ئىنتىزار كەتتى.

ياناتتى كۆكسىدە «تاغلار»*(3) جېنىغا پاتسا «مەشئۇملۇق»*(4)

،غۇرۇرنى تۇغ قىلىپ چاپقان بۈيۈك سەپتىن تۇمار كەتتى.

باھادىر ئوغلىنى ئىزدەپ «گۇما»*(5) بوزلار مۇسىبەتتىن،

كۆزى  يانۋاردا ئويۇلغان كۆڭۈلدىن  ئىپتىخار كەتتى. 

ئىزاھات: (1) شائىرنىڭ شۇ ناملىق باللادىسىنى كۆرسىتىدۇ.  

             (2) شۇ ناملىق شېئىرلار توپلىمىنى كۆرسىتىدۇ.

             (3)شۇ ناملىق داستانىنى كۆرسىتىدۇ.     

              (4) شۇ ناملىق پوۋستىنى كۆرسىتىدۇ.  

             (5) شۇ ناملىق شېئىرىنى كۆرسىتىدۇ. 

            2016-يىلى قەھرىتاننىڭ 26-كۈنى گۇما.