شىنجاڭ قانۇنچىلىق گېزىتى خەۋىرى:
قىسمەن قىزلار يىگىتلەرنىڭ شېرىن-شېكەر سۆزلىرىنى ئاڭلاشقا خۇشتار، ئۇلار يىگىتلىرىنىڭ ئىشەنچىسىز ئىكەنلىكىنى بىلىپ تۇرسىمۇ، شۇ سۆزلىرىگە مەست بولۇپ يۈرۈشنى خالايدۇ، ئەمما قىزلار ئەقىلىنى تېپىپ، يىگىتلىرىنىڭ ئويۇنچۇقىغا ئايلىنىپ قېلىشتىن ساقلىنىشى كېرەك. ئۇنداقتا، يىگىتلەر قانداق قىزلاردىن ئاسانلا ۋاز كېچىدۇ؟
ئىقتىسادىي قىيىنچىلىقى ئېغىر قىزلار. ھازىرقى زاماندا پۇل بولمىسا ھېچقانداق ئىشنى قىلغىلى بولمايدۇ، ئىقتىسادىي قىيىنچىلىقى ئېغىر قىزلارنىڭ جەمئىيەتتىكى ئورنىمۇ تۆۋەن، سەۋىيەسىمۇ ئانچە يۇقىرى بولمايدۇ، شۇڭا يىگىتلەر بۇ خىل قىزلاردىن پايدىلىنىۋېلىپ، كېيىن تاشلىۋېتىدۇ.
كىچىكىدىن مېھرى-مۇھەببەتكە تويۇنمىغان قىزلار. بۇ خىل قىزلارنىڭ كۆپىنچىسى جىمغۇر، جاھىل ئەمما ناھايىتى ئاجىز، قورقۇنچاق كېلىدۇ، باشقىلارنىڭ مېھىر-مۇھەببىتىگە ئېرىشەلمىگەچكە، باشقىلارغىمۇ مېھىر-مۇھەببەت يەتكۈزۈشنى خالىمايدۇ.
ھېسسىيات جەھەتتە ئېغىر ئازابقا دۇچار بولغان قىزلار. بۇخىل قىزلارنىڭ يىگىتلەرگە بولغان ئىشەنچىسى ئىنتايىن تۆۋەن بولۇپ، قارىماققا يىگىتلەرگە ھۆرمەت قىلغاندەك كۆرۈنگىنى بىلەن ئۇلارنى چىن كۆڭلىدىن ياقتۇرمايدۇ، ئۇلار مۇھەببەتكە ئېرىشەلمىگەچكە، بۇنى بىر ئويۇن دەپ بىلىدۇ.
ئۆچ ئېلىش ئىدىيىسى كۈچلۈك قىزلار. بۇنداق قىزلارنىڭ مۇھەببەت-نەپرىتى ناھايىتى ئېنىق بولىدۇ، قارشى تەرەپنى ياخشى كۆرسە بارلىقىنى ئاتا قىلىدۇ، ئەكسىچە نەپرەتلەنسە، چىش-تىرنىقىغىچە ئۆچ بولۇپ، بار ئاماللار بىلەن ئۆچ ئېلىشقا ئۇرۇنىدۇ.
ئۆزىگە ئىشىنەلمەيدىغان قىزلار. بۇ خىل قىزلار كەلگۈسىگە زور ئىشەنچ باغلىمايدۇ، شۇڭا باشقىلارنىڭ ئوي-پىكرى بويىچە ياشاش يولىغا كىرىۋېلىپ، ئۆزىنى ئۇپرىتىشنى خالىمايدۇ، قىزلار چوقۇم ئۆزىدىن ھالقىپ، تەقدىرىنى ئۆزى كونترول قىلىشى كېرەك.
