ھاكىم نەسىردىن ئەپەندىنىڭ يېڭى بۇيرىقى

(فىليەتۇن)

گەپدانلار زامانىسىنىڭ سۆزمەنلەر مەزگىلىدە،نەسىردىن ئەپەندى يېڭى كۈلكەناھىيسىگە ھاكىم بۇلۇپ سايلاندى .بىر كۈنى ئۇ،ئۆزىنىڭ رەھبەرلىك سەنئىتىنى نامايان قىلىپ ،تۈۋەندىكىدەك بۇيرۇق چۈشۈردى ؛

1-ئوت يۈرەك شائىر ل،مۇتۇللىپنىڭ ‹‹ئەپەندى بولماق ››دىگەن شىئىرى قايتا تۈزۈتىلسۇن .‹‹ئەپەندى ›› بۇلۇشنىڭ ئۆلچىمى مىنىڭ قىياپىتىمگە ،سۆز-ھەركەتلىرىمگە ئەينەن تەقلىد قىلىنسۇن .

2-ناھىيە خەلىقىنىڭ كىيىم -كىچىكى بىرلىككە كەلتۈرۈلۈپ ،ئەر-ئايال ئوخشاشلا ئاق-قارايوللۇق ئۇزۇن پەرىجە،پاختەكرەڭ خام يۆگەلگەن چوڭ سەللە كىيىش،قىزىل ،سېرىق يوللۇق خۇرجۇن ئىشىلتىش ئۇمۇملاشسۇن .

3-ناھىيە سودا ماگزىنلىرىدىكى سومكا سېتىش پۇكەيلىرىدەبىردەك خۇرجۇن سېتىلسۇن ،جىمى ئاۋام سومكا ئورنىغا خۇرجۇن ئىشلەتسۇن ،ئىدارە جەميەتلەرنىڭ ئارخىپ ماتىرياللىرى بىردەك خۇرجۇنلاشتۇرۇلسۇن .

4- ناھىيلىك خەلىق ئېغىز ئەدەبىياتى خىزمىتىنى جانلاندۇرۇپ بارچە خەلىق ‹‹نەسىردىن ئەپەندى لەتىپىللىرى ››دىگەن يۈرۈشلۈك كىتاپتىن كىشى بېشىغا بىردىن سېتىۋېلىپ بارلىق لەتىپىلەرنى ياد ئالسۇن .

5- ناھىيە تەۋەسىدىكى ئىشچى خىز مەتچى دىھقان چارۋىچى يولداشلارغا ھەرئاينىڭ ئاخىرقى شەنبە كۈنىدە،غۇلجىلىق داڭلىق چاقچاقچى ھىسام قۇرباننى تەكلىپ قىلىپ ،لەتىپە سۆزلەش نۇتۇق كۇرسى ئېچىلسۇن .

6-ھەربىر كىشى ھەركۈنى بىردىن لەتىپە ئىجاد قىلسۇن ،ئىجاد قىلىنغان لەتىپىلەر بىردەك مىنىڭ نامىمدا ئىلان قىلىنسۇن .

7-رادىئو -تىلىۋىزىيە،ئىلان تەشۋىقاتى تېخىمۇ كۈچەيتىلىپ ،مەخسۇس لەتىپە ئاڭلىتىش سەھىپىسى تەسسىس قىلىنىپ ،بىر كۈندە ئۈچ قېتىم ،ھەرقېتىمدا 20مىنۇت ،بىر لەتىپىنى ئىككى ئاي ئاڭلىتىش ئىزچىللاشتۇرۇلسۇن .دىكتۇر رىياسەتچىلەرنىڭ سۆز -ھەركەتلىرىدە لەتىپە پۇرىقى گەۋدىلەندۈرۈلۈپ ،خادىملار ھەر ئىككى مىنۇتتا بىرقېتىم ھىجايسۇن .

8-نۆۋەتتە تەكىتلىنىۋاتقان ساپا مائارىپى بىردەك ‹‹جاپا مائارىپى ››غا ئۆزگەرتىلسۇن ،‹‹تارىم غۇنچىللىرى››ئۇيغۇر تەھرىر بۈلۈمىدىكى خادىملار پېقىرنى ئاۋارە قىلماي ،كىچىك شۇملارنىڭ سۇئال -سۇراقلىرىغا ئۆزى جاۋاپ بەرسۇن.

9- ‹‹قۇۋ نەسىردىن ئەپەندى ››،‹‹ئەخمەق نەسىردىن ئەپەندى ››....دىگەندەك پېقىرنىڭ نامىغا داغ چۈشۈرگەن كىتاپلاريىغۋېلىنىپ كۆيدۈرۈلسۇن ،شۇ خىلدىكى كىتاپلارنى ئوقىغان -ئاڭلىغانلارنى ئىستىل تۈزىتىش ھەركىتىگە قاتناشتۇرۇلسۇن ،ئۇلار ‹‹ئاق كۆ ڭۈل نەسىردىن ئەپەندى ››،دانا نەسىردىن ئەپەندى ››دىگەن كىتاپلارنى قايتا -قايتا ئوقىسۇن .

10-بارلىق پۇخرالار ‹‹نەسىردىن ئەپەندى ››ماركىلىق سوپۇن پاراشوكى ئىشلەتسۇن .

11-دىھقان قوتانلىرىدىكى بارلىق ئىشەكلەر ھايۋاناتلار باغچىسىغا قايتۇرۇپ كىلىنسۇن .

12-قارا رەڭلىك ئىشەكلەر قاتناش ۋاستىسى قىلىنسۇن ،شەھەر كوچىللىرىغا ماتۇرلۇق قاتناش ۋاستىللىرى كىرىش مەنئى قىلىنسۇن ،بىرجۈپ ئىشەك سېتىۋالغانلارغا بىر تەخەي قۇشۇپ بىرىلسۇن .

مەنبە ؛ ‹‹قاشتېشى››ژۇرنىلى ،ئاپتۇرى ؛ئەخمەتجان ئابدۇللا .

يوللىغۇچى ؛نۇرىيە