پەمىدۇرنى خام يېيىش نورمال ئەھۋال، ئەمما خام يېگەن ۋاقىت توغرا بولمىسا، بىر قىسىم كېسەللىكلەرنى كەلتۈرۈپ چىقىرىشى مۇمكىن. بولۇپمۇ پەمىدۇرنى ئاچ قورساققا يېگەندە، ئاشقازاننى ئاسانلا زەخىملەندۈرىدۇ.
پەمىدۇر تەركىبىدە تاننىك كىسلاتا ۋە مېۋە يىلىمى بىر قەدەر كۆپ، بۇلار ئاچ قورساق ھالەتتە ئاشقازان كىسلاتاسىنىڭ تەسىرىدە قاتتىق جىسىمغا ئايلىنىدۇ، قاتتىق جىسىملار ئاشقازان چىقىش ئېغىزى ئارقىلىق كىچىك ئۈچەيگە چىقىپ كەتمىسە، چۆكمىگە ئايلىنىپ، ئاشقازاندا تاش پەيدا قىلىدۇ. ئاشقازاندىكى تاشلار دەسلەپتە ئۆرۈك مېغىزىدەك چوڭلۇقتا بولىدۇ، كېيىن ئاستا-ئاستا چوڭىيىدۇ. ئاشقازان تېشى تەبىئىي چىقىپ كەتمىسە، ھەزىم قىلىش يولىدا توسۇلۇش پەيدا قىلىپ، قورساق قاتتىق ئاغرىش، قۇسۇش، قان ياندۇرۇش قاتارلىق كېسەللىك ئالامەتلىرى كۆرۈلىدۇ. بۇنىڭدىن باشقا، پەمىدۇر تەركىبىدىكى تاننىك كىسلاتاسىنىڭ كۆپ قىسمى تېرىسىگە يىغىلغان بولىدۇ، پەمىدۇرنى تېرىسىنى قوشۇپ يېگەندە، ئاشقازاندا تېخىمۇ ئاسان تاش پەيدا قىلىدۇ.
