ئىستانسىمىز خەۋىرى:

    3-ئاي--- ئاپتونوم رايونىمىزنىڭ 14- قېتىملىق پۇقرالار ئەخلاق قۇرۇلۇش ئېيى. مۇشۇ ئاينىڭ 4- كۈنى ماناس ناھىيەسىدە «گۈزەل شەھەر بەرپا قىلىش» پىدائىيلار پائالىيىتى ئۆتكۈزۈلدى. نەچچە مىڭ پىدائىي كوچىلارغا چىقىپ تازىلىق قىلىپ، گۈزەل يۇرت- ماكان قۇرۇپ چىقىشقا تۇتۇش قىلدى.

    پىدائىي يىن يۈتىڭنىڭ پىدائىيلار پائالىيىتىگە قاتنىشىۋاتقىنىغا 5 يىل بولغانىدى. ئۇ پىدائىيلار مۇلازىمەت qq توپى ئارقىلىق 10دىن ئارتۇق پىدائىينى بۇ پائالىيەتكە قاتنىشىشقا چاقىردى. ئۇ مۇنداق دېدى: مۇشۇ 5 يىلدا، گەرچە داغدۇغا قوزغىغۇدەك چوڭ ئىشلارنى قىلالمىغان بولساقمۇ، ئەمما باشقىلارغا ئىللىقلىق ۋە مېھرى- شەپقەت يەتكۈزۈشنى خوشاللىق دەپ بىلدۇق. مەن پىدائىيلارنىڭ بىر ھەر ئىشنى كۆڭۈل قويۇپ قىلىشىنىڭ زور تەسىر پەيدا قىلالايدىغانلىقىغا قەتئىي ئىشىنىمەن.

    پىدائىيلار يەنە 5- مارتتىكى لېي فېڭدىن ئۆگىنىش كۈنىدە كوچىلارغا چىقىپ تازىلىق قىلىپ، ئاممىۋى ئەسلىھەلەرنى قوغداپ، مەدەنىي بولۇشقا يىتەكچىلىك قىلىش قاتارلىق پائالىيەتلەرنى قانات يايدۇرۇشنى پىلانلىدى. ئىگىلىنىشچە، بۇلتۇر 3- ئاينىڭ 5- كۈنىدىن ئېتىبارەن، ماناس ناھىيەسى ھەر ئاينىڭ ئاخىرقى جۈمە كۈنىنى «ماناس ناھىيىسىنىڭ ئىجتىمائىي پاراۋانلىق كۈنى» قىلىپ بېكىتكەن بولۇپ، ھازىرغىچە، ناھىيە بويىچە 50 مىڭدىن ئارتۇق كىشى پىدائىيلار مۇلازىمەت پائالىيىتىگە قاتناشقان.