ئوماچ ئۇيغۇرلارنىڭ ناشتىلىق تامىقى. ئۇماچ ئادەتتە كۆممىقوناق ئۇنىدىن ئېتىلىدۇ، تۇز ۋە پىيازدىن باشقا ھېچقانداق ماتېرىيال قوشۇلمايدۇ.

    ئۆزگىچە ئوماچ ئېتىشتە ئالدى بىلەن بۇغداي ئۇنىدىن ئىنتايىن قاتتىق قىلىپ خېمىر يۇغۇرۇلۇپ،ئۇششاق توغرىلىدۇ، توغرالمىلار ئەلگەككە سېلىنىپ قول بىلەن بېسىپ ئېزىلىپ، بۇغداي چوڭلىقىدەك ئۇۋىتىلىدۇ. ئاندىن شورپا قىلىنىپ، شورپىغا قوي گۆشى، پەمىدۇر، ياڭيو قاتارلىق كۆكتاتلار سېلىنىدۇ، ئادەتتە ياشانغانلارغا، بالىلار ۋە بىمارلارغا كۆپرەك بېرىلىدۇ، بىراق نەزىر قىلغان چاغلاردا كۆپ ھاللاردا بۇ خىل شورپا ئارقىلىق مېھمانلار كۈتۈۋېلىنىدۇ.