xelq tori uyghurche qanilining 21-dëkabir bëyjingdin bergen tëlëgrammisi: qeshqerdiki sapalchiliqning 7-ewladi warisi bolghan 64yashliq sapalchi tursun rustem bu yerdiki eng kespiy sapalchi. gerche uning adettiki kishiler igiliyelmeydighan mahariti bolsimu, Biraq u tëmpraturani kontrol qilish jehette yenila bekmu toghra qilalmaytti, Hemde xumdanning issiqi tekshi bolmighanliqtin, Pishurup chiqarghan sapal buyumlarning layaqetlik bolush nisbiti aran %70etrapida idi.

    2013-yili, Zulpiqar ababekri tursun rustemni ustaz tutup, Tursun rustem jemetining «8-ewlad sapalchiliq warisi» bolup qaldi. ustazi bilen oxshimaydighini, Yash shagirtning idiyesi erkin bolup, Uyghurlarning eneniwiy sazliri wi gül neqishlirini sapalgha bësip chiqirishqa mahir idi, Yene tëxi yëngi tëxnikilarni eneniwiy sapalchiliqta ishlitishni yaxshi köretti. 2015-yili yazda, Zulpiqar bir yürüsh tokluq xumdan sëtiwëlip, Zamaniwiy muhit asraydighan tëxnikini eneniwiy sapalchiliqta ishlitishni otturigha qoydi. tursun ustammu sinap bëqish pozitsiyeside jyangshi ölkisining jingdëjën baziridin tokluq xumdan we yürüshlük üskünilerni sëtiwaldi. 12-ayning bashlirida, Shu yerlik tok teminlesh tarmaqlirining yardimide, Birinchi tokluq xumdan qeshqer kona sheher rayonining arayoldiki dukanda ishqa kirishtürüldi. tok arqiliq issiqliq bilen teminlen'gen xumdanda tëmpiratura muqim bolupla qalmastin, Yene xumdan ichidiki issiqliq tekshi boldi, Birinchi qëtim pishurghan sapal buyumlarning layaqetlik bolush nisbiti %90tin ashti.

    terjime muherriri: turghun abliz