(shinjang ijtimaiy penler akadëmiyesi partkomining sëkritari, Muawin akadëmiye bashliqi, Tetqiqatchi)

    insanlar jemiyiti tereqqiyatini üzlüksiz ilgiri sürüsh dawamida, Pelsepe ijtimaiy penler bashqa hëchqandaq penler ornini basalmaydighan muhim rolini jari qildurup këliwatidu. memlikitimiz pelsepe ijtimaiy penler tetqiqati junggoche sotsiyalizm ulugh bayriqini ëgiz kötürüp, ”dëng shyawping nezeriyesi“ , ”üchke wekillik qilish“ muhim idiyisi, Ilmiy tereqqiyat qarishini yëtekchi qilishta bashtin-axiri ching turup, Junggoche sotsiyalizm nezeriyisige, Tüzümige, Yoligha ishench baghlash fangjënida ching turup, Nezeriyini emeliyetke baghlash we ilimgha jiddiy pozitsiye tutush prinsipida ching turup, Miqdarliq analiz bilen xaraktërlik tetqiqatni, Nezeriye analizi bilen ispatlap analiz qilishni, Girappiliq tekshürüsh bilen türlerge bölüp omumlashturup analiz qilishni özara birleshtürüshtek ilmiy usulni qollinip, Junggoche sotsiyalistik zamaniwilashturush qurulushi we islahat ëlip bërish, Ishikni sirtqa ëchiwëtish dawamidiki chong-chong nezeriye mesililiri we emeliyet mesililirini tetqiq qilip, Mulahize qilip, Partiye hökümetning siyaset tedbirlerni qarar qilip bëkitishini ilmiy asas bilen teminlidi we yaxshi meslihetlerni berdi, Iqtisad jemiyet tereqqiyatini eqliy küch we toghra idiye bilen kapaletlendürdi, Idiyiwi qurulush we nezeriye tetqiqatida yëngiliq yaritishni yëngi oy, Yëngi qarash, Yëngi usul bilen yëteklidi. köz aldimizda shinjangning halqima tereqqiyati we uzaqqiche amanliqini emelge ashurushtin ibaret istratëgiyilik tarixiy wezipisige qarita shinjangning pelsepe ijtimaiy pen tetqiqat xizmetchiliri tëximu muhim mesuliyetni we burchini ada qilishi, Merkiziy xizmetni chöridep omumiyliq üchün xizmet qilish fangjënida ching turup, Shinjangning islahat ëlip bërish, Tereqqiyatni tëzlitish, Muqimliqni saqlashtin ibaret. chong omumiyliqigha alaqidar chong-chong nezeriye mesililiri we emeliyet mesililiri üstide tetqiqat we mulahize muhakimilerni chongqur qanat yaydurup, Aptonom rayonimiz partiye, Hökümet orunlirining siyaset belgilesh, Qararlarni bëkitishni ilmiy asas bilen teminlep, Shinjangning 2020-yiligha barghanda memliket bilen bille omumyüzlük halliq jemiyetke kirish nishanini emelge ashurushni, Shinjangning halqima tereqqiyati bilen uzaqqiche amanliqini emelge ashurushtin ibaret istratëgiyelik wezipini emelge ashurushni, Shinjangning ”junggo ghayisi“ ni emelge ashurushni üzlüksiz derijide nezeriye yëtekchiliki bilen kapaletlendürüp, Idiyiwi kapalet we eqliy küch bilen qollap, Aptonom rayonning heqiqiy türde yuqiri sewiyelik eqliyanlar iskilati bolushi kërek.

    shinjang memlikitimizning gherbidiki istratëgiyilik orni intayin muhim, Yer qoshnisi ewzelliki roshen, 22milyondin köprek nopusi bar, Memlikitimiz omumiy yer zëminining altidin bir qismidin köprekini igileydighan, Yer, Kömür, Nëfit, Tebiiy gaz qatarliq bayliqliri bir qeder mol, Quruqluq chëgrisi 5600 kilomëtirdin uzun, Memliket quruqluq chëgrisining töttin bir qismidin köprekini igileydighan, Sekkiz dölet we rayon bilen chëgrilinidighan, Sirtqa ëchiwëtishtiki quruqluq sharaiti we yer qoshnisi ewzelliki bir qeder roshen, Köp millet, Köp xil din, Köp xil medeniyet bille mewjut bolghan alahidiliki gewdilik aptonom rayon. tarix, Tebiiy muhit, Ijtimaiy sewebler tüpeylidin shinjangning tereqqiyati ilgiri melum mezgil bir qeder asta bolup qalghan idi. 2010-yili merkiziy komitët shinjang xizmiti söhbet yighini we merkiziy komitët yëngi bir nöwetlik shinjanggha rayonlar boyiche yardem bërish xizmitini yolgha qoyushni qarar qilip bashlighandin buyan, Merkez shinjanggha köngül bölüsh we medet bërish salmiqini yenimu zoraytti, 19 ölke sheher shinjangni qollash, Shinjanggha yardem bërish salmiqini yenimu kücheytti, Xelq turmushigha munasiwetlik nechche minglighan qurulush türi emeliyleshti. tengritëghining jenubiy we shimalida alemshumul özgirishler barliqqa këlishke bashlidi, Shinjangning iqtisad ijtimaiy tereqqiyati tarixtiki eng yaxshi mezgilge kirdi. üch yildin buyan, Shinjang iqtisadining köpiyish süriti we ünümi roshen yuqiri kötürüldi, Nurghun iqtisadiy körsetküchlerning orunlinishi memliket boyiche aldinqi orun'gha ötti, Sheher yëza ahalilirining daramitining köpiyish hejmi uda üch yil shinjangning omumiy ishlepchiqirish qimmitining köpiyish hejmidin ëship ketti, Sheher ahalilirining otturiche kirimi we dëhqan charwichilarning otturiche sap kirimining ëshish süriti uda üch yil memliketning aldinqi qatarida turup keldi, Shinjangdiki her millet kadirlar we xelq ammisining shinjangning junggo ümidini emelge ashurushigha ishenchisi kamil boldi.

    lëkin, Yëqinda shinjangda yüz bergen ”7-mart“, ”23-aprël“, ”8-may“, ”26-iyun“, ”28-iyun“ gha oxshash bir qatar ëghir zorawanliq, Tërrorluq jinayet weqeliri we yighilip jinayet sadir qilish weqeliri shinjangning islahat ëlip bërish, Ishikni srtqa ëchiwëtish, Tereqqiyatni ilgiri sürüsh, Muqimliqni saqlashtin ibaret chong weziyitige ëghir buzghunchiliq qildi, Awarichiliq saldi, Her millet xelqining xushal-xoram, Tinch, Aman-ësen turmush kechürüshige, Shinjangning iqtisad, Jemiyet tereqqiyatigha, Jemiyetning muqimliqi, Xelq turmushining yaxshilinishigha, We her millet xelqining hayati we mal-mülkining bixeterlikige zor ziyanlarni we parakendichiliklerni keltürüp chiqardi. shunga, Bu ëghir zorawanliq, Tërrorluq jinayi weqeler mahiyet jehettin insaniyetke, Jemiyetke, Medeniyetke qarshi heriketler bolup, Chëgra ichi we sirtidiki ”üch xil küch“ ler yiraqtin ëghiz burun yaliship, Özara shërikliship, Meqsetlik, Teshkillik, Dinni niqap qilip, Hermillet ammisini aldap tughdurghan jinayi weqeler. bu weqeler millet mesilisimu emes, Shundaqla din mesilisimu emes, U yap-yalingach zorluq, Tërrorluq weqeliri, Bölgünchilik qilish bilen bölgünchilikke qarshi turush, Wetenning birlikini qoghdash bilen wetenning birlikige buzghunchiliq qilishtin ibaret chong siyasiy küresh. ”üch xil küch“ ning suyiqesti milletler ittipaqliqigha buzghunchiliq qilish, Jemiyetning muqimliqini buzush, Döletni parchilash, Ulugh wetinimizning tereqqiy qilip güllinishidin ibaret chong omumiyliqigha buzghunchiliq qilish, Her millet xelq ammisining ep, Inaq, Dostane, Bextlik turmush kechürüshige buzghunchiliq qilish meqsitige yëtishtin ibaret. ”üch xil küch“ shinjang iqtisadi ijtimaiy tereqqiyatining omumyüzlük ilgiri sürülüshini, Shinjangning yëqinqi yillardin buyanqi iqtisad ijtimaiy tereqqiyatta qolgha keltürgen shanliq muweppeqiyetlirini, Her millet xelq ammisi turmushining üzlüksiz yuqiri kötürülüshini xalimaydu, Uninggha köngli biaram bolidu. shunga, ”üch xil küch“ ghaljir ittek qawap, Uda bir qatar zorluq, Tërrorluq weqelirini qozghidi, Bu emeliyet shuni yene bir qëtim ispatlidiki ”üch xil küch“ shinjangning bixeterlikige këlidighan eng chong wehime hësablinidu, U, Shinjangdiki hermillet xelqining ortaq düshminidur. buninggha, Shinjangdiki her millet xelqi qetiy yol qoymaydu, Ulargha nepret yaghduridu, Ularni shiddet bilen eyipleydu. pelsepe ijtimaiy pen xizmetchiliri aptonom rayonning idiye-teshwiqat we jamaet pikrini yëteklesh sahesidiki jenggiwarliqi we uyushushchanliqi intayin küchlük bir qoshun bolush süpiti bilen bu xizmetke paal teshebbuskarliq bilen atlinishi we uni qollishi, ”üch xil küch“ lerning chëkidin ashqan jinayi qilmishlirini chongqur pash qilishi we eyiplishi, Her millet kadirliri we ammisini toghra idiye we toghra nezeriye bilen terbiyilishi we qorallandurushi, Shu arqiliq ”üch xil küch“ lerge qarita kochidin ötken chachqan ururgha qalidighan xelq urushi ëlip bërip, Ularning chëkidin ashqan xorikini urup chüshürüsh, Eksiyetchil meqsitini muddettin ilgiri bitchit qiliwëtish kërek. shuning bilen bir waqitta, Biz zorawanliqqa qarshi turushta qanun tüzümge, Jemiyet tertipige ehmiyet bërish, Muqimliqni saqlash xizmitini daimiylashturush fangjënida ching turup, Dëktatura organlirining üstünlüki we funksiyilik rolini toluq jari qildurup, Tëz inkas qayturup, Tëz qol sëlip, Tëz, Del qattiq zerbe bërip, Tëz sotlap, Tëz höküm qilip, Bu bir ochum zorawanlarning xorikini we heywisini tëz bitchit qilip jemiyet we xeliqni tëz tinchlandurup, Her millet xelqining bixeterlik tuyghusini kücheytishimiz kërek.

    her millet kadirlar ammisi ezeldinla shinjangning ijtimaiy muqimliqi we döletning birlikini qoghdap këliwatqan eng asas, Eng puxta küch. shinjang pelsepe ijtimaiy pen tetqiqat xizmetchiliri yene këlip ashu küchning ichidiki eng jenggiwar, Eng teshebbuskar, Eng aktip teshwiqat etriti hësablinidu. ular pewquladde tarixiy burch, Müshkül wezipini öz üstige alghan. shinjangning hazirqi weziyiti we xizmet wezipisige qarita pelsepe ijtimaiy pen tetqiqat xizmetchiliri özlirining shereplik burchi we muhim mesuliyitini dawamliq könglige püküp, Idiye we tonushini merkiziy komitët we aptonom rayonluq partkomning xizmet orunlashturushigha qetiy birlikke keltürüp, Shinjangning idëologiye we idiye teshwiqat sëpidiki bölgünchilikke, Singip kirishke, Aghdurmichiliqqa qarshi küreshke paal atlinip haman toghra qarashta ching turush, Toghra meydanda ching turush, Aktip awaz bërish, Derhal pozitsiyisini ashkarilishi, ”üch xil küch“ ler tarqatqan türlük xata nuqtiiynezer we ighwalarni küchlük tenqid qilishi we eyiplishi, Jamaet pikridiki bayan hoquqi we teshebbuskarliq hoquqini aldin igilishi, Shinjangning idëologiye we idiye teshwiqat xizmiti üchün, Partiye merkiziy komitëti we aptonom rayonluq partkomning istratëgiyelik qararliri we xizmet orunlashturushlirini heqiqiy emeliyleshtürüsh üchün xizmet qilishi zörür. bu heqte pütün jemiyette ülgilik bashlamchiliq rolini jari qilishi, Omumiyliq ëngi, Siyasiy ëngi, Mesuliyet ëngi, Muqimliqni qoghdash ishenchisini hessilep ashurushi, 22 milyondin köprek her millet xelq ammisi aldida ”üch xil küch“ lerning shermendiliki we jinayi suyiqestlirini chongqur pash qilip, Ularning eng axiri halak bolidighanliqidin ibaret aqiwitini jahan'gha ashkarilash kërek. ighwalarni tosup, Jiddiy keypiyatlarni sowutup, Hermillet ammisining arisigha ”üch xil küch“ lerning suqunup kiriwëlishining qetiy aldini ëlip, Ularning muqimliqni buzush, Bölgünchilik qilish suyiqestini aldin tarmar qilish lazim. rayonimiz idëologiye sahesidiki bölgünchilikke singip kirishke, Aghdurmichiliq qilishqa qarshi turush kürishining achchiq sawaqlirini we tejribilirini qobul qilip we yekünlep, Dölet ichi we sirtidiki weziyetning yëngi yüzlinishi we yëngi özgirishini omumyüzlük puxta igilep we uninggha toghra höküm qilip, Uni estayidil tetqiq qilish we uninggha qarita küchlük, Toghra tedbir qollinish kërek. her qandaq tosqunluq, Her qandaq müshkül xiyim – xeterge psent qilmay, Ewzellikni jari qildurup, Chongqur tekshürüp tetqiq qilip, Yüz bergen mesililerning sewebi we menbesini puxta igilep, Jemiyetning muqimliqi üchün paal, Toghra teklip pikirlerni bërip, Shinjangning idëologiyisi we idiyewi teshwiqat sëpining xizmitini yaxshi ishlep jung'hua milletlirining ulugh güllinishidin ibaret ”junggo ghayisi “ni we shinjangni güllendürüsh we tereqqiy qildurush, Güzel shinjang, Güzel makan qurup chiqishtin ibaret ”shinjang ghayisi“ ni emelge ashurush üchün tëgishlik töhpe qoshushimiz kërek.