xelq tori uyghurche qanilining 24-dëkabir bëyjingdin bergen tëlëgrammisi:

    olturaqlishish waqtiliq nizami yolgha qoyulup, 170 milyon kishige nep yetküzidu

    zungli li këchyang 2015-yili 26-noyabir gowuyüen permani imzalap, «olturaqlishish waqitliq nizami»ni ëlan qildi, Bu nizam 2016-yili 1-yanwardin bashlap yolgha qoyulidu.

    omumyüzlük ikki perzentlik bolush siyasiti yolgha qoyulidu, 90 milyon er-xotun shertke uyghun keldi

    j k p 18-nöwetlik merkiziy komitëtining 5-omumiy yighini 29-öktebir yëpildi, Ularning sirtqa ëlan qilghan axbaratida «bir jüp er-xotunning ikki perzentlik bolushini omumyüzlük yolgha qoyush siyasiti» otturigha qoyulup, Jemiyetning diqqitini tartti we munazirisini qozghidi.

    dölet sehiye we pilanliq tughut komitëtining muawin mudiri wang pëyen mundaq dëdi: ëlimizde hazirqi basquchta omumyüzlük ikki perzentlik bolush siyasitining shertige uyghun këlidighan 90 milyon er-xotun bar. omumyüzlük ikki perzentlik bolush siyasitini yolgha qoyghanda, Buningdin këyinki bir nechche yilda tughulidighan nopuslar belgilik derijide ëship, Eng köp bolghanda 20 milyondin ëshishi mölcherlendi, Bu siyaset tengshelgendin këyinki közligen ünüm.

    omumiy xelq sughurtigha qatnishish tedrijiy ishqa ashurulidu, 100 milyondin artuq kishi sughurtigha qatnishishni kütmekte

    adem küchi bayliqi we ijtimaiy kapalet ministirliqi 2014-yili 7-ayda omumiy xelq sughurtigha qatnishish pilanini yolgha qoydi. bu pilanning meqsiti qanun we siyaset belgilime dairisi ichidiki barliq adem ishletküchi orun we shexslerning sughurtigha qatnishish ehwalini ëniqlash üchün.

    adem küchi bayliqi we ijtimaiy kapalet ministirliqining waqit jedwilige asasen, Omumiy xelq sughurtigha qatnishish pilani 2014-yili memliketning qismen jaylirida nuqtida sinaq qilindi, 2015-yili ٪50 jayda yolgha qoyulup, 2016- we 2017-yili memliket boyiche omumyüzlük yolgha qoyulidu.

    hökümetning këchikip pënsiyege chiqish layihesining «deslepki nus'hisi» ëlan qilinishi mumkin

    köpning diqqitini tartqan këchikip pënsiyege chiqish layihesining deslepki layihesi 2016-yili ëlan qilinishi mumkin. 2015-yilliq «ikki yighin» mezgilide, Adem küchi bayliqi we ijtimaiy kapalet ministirliqining ministiri yi wëymin këchikip pënsiyege chiqish waqit jedwilige qarita mundaq dëdi: 2015-yili layihe tüzülüp, 2016-yili merkezge melum qilip maqullighandin këyin jemiyettin pikir ëlinidu we ëlin'ghan pikirge asasen tüzitip mukemmelleshtürgendin këyin, 2017-yili yolgha qoyulidu.

    mëyiplar mexsus parawanliq toluqlima tüzümi ornitilip, 20 milyon kishi menpeetlinidu

    zungli li këchyangning imzalap testiqlishi bilen gowuyüen 2015-yili 9-ayda «qiyinchiliqi bar mëyiplargha turmush toluqlimisi bërish we ëghir mëyiplargha asrash toluqlimisi bërish tüzümi ornitish toghrisidiki pikir»ni tarqitip, 2016-yili 1-yanwardin bashlap, Qiyinchiliqi bar mëyiplargha turmush toluqlimisi bërish we ëghir mëyiplargha asrash toluqlimisi bërishni qarar qildi.

    yëngi hawa süpiti ölchimi memliketning her qaysi jaylirida yolgha qoyulidu

    muhit asrash ministirliqi we döletlik süpet nazaret qilish, Tekshürüsh, Karantin qilish bash idarisi 2012-yili birlikte döletlik muhit süpet ölchimi «muhit hawa süpiti ölchimi»ni ëlan qildi. alaqidar qanun belgilimilerge asasen, Bu ölchem mejburiy ijra qilish küchige ige bolup, 2016-yili 1-yanwardin bashlap memliket boyiche yolgha qoyulidu.

    shang'hey−künming tëz süretlik tömür yolining pütün liniyesi tutashturulup, Gherb-sherqning ariliqi qisqardi

    junggo tömür yol qurulushi 20-idarisining besh yil ikki ay japaliq küresh qilishi bilen 2015-yili 17-dëkabir shang'hey −künming tëz süretlik tömür yolining omumiy liniyesidiki eng axirqi tonil − gangwu tonili muweppeqiyetlik tutashturuldi.

    sherqte shang'heydin bashlinip, Gherbte künmingde axirlishidighan shang'hey−künming tëz süretlik tömür yoli döletning «ottura, Uzaq mezgillik tömür yol tori pilani»diki yoluchilarni tëz toshush yolining biri, Ariliqta shang'hey, Xangju, Nenchang, Changsha, Güyyang, Künming qatarliq alte ölke merkiziy shehiri we biwasite qarashliq sheherdin ötidu, Pütün musapisi 2264 kilomëtir.

    shopurluq imtihani islahati nuqtida sinaq qilinidu, Bezi shopurlar özlükidin öginip biwasite imtihan'gha qatnashsa bolidu

    gowuyüen ben'gungtingi 2015-yili 12-ayda jamaet xewpsizliki ministirliqi, Qatnash transport ministirliqining «matorluq qatnash wasitiliri shopurlirini terbiyelesh imtihan tüzümi islahatini ilgiri sürüsh toghrisidiki pikir»ni tarqatti. orunlashturmigha asasen, 2016-yilning aldinqi yërim yilida muhim ishlarning islahati nuqtida sinaq qilinidu.

    köchmes mülükni bir tutash tizimlash tüzümi omumyüzlük yolgha qoyulidu

    dölet zëmin bayliqi ministirliqi yer tewelikini bashqurush mehkimisi(köchmes mülükni tizimlash idarisi)ning alaqidar mesuli 2014-yili 4-ayda mundaq dëdi: 2014-yildin bashlap, Asasiy tüzüm qurulushi, Tedrijiy tutashturush, Bir tutash qëliplashturup yolgha qoyush arqiliq, Üch yilning ichide köchmes mülükni bir tutash tizimlash tüzümini omumyüzlük yolgha qoyghili bolidu.

    tëximu köp sheherler kimlikni bashqa jayda bëjirishni yolgha qoyidu

    dölet ishliri komissari, Jamaet xewpsizliki minsitirliqining ministiri go shëngkün 2015-yili 8-iyun mundaq dëdi: ahaliler kimlikini bashqa jayda bëjirish, Yitüp ketkenlik iltimasi sunush we yoqatquchining igisini chaqirish tüzümi ornitish tëzleshtürülidu.

    ikki aydin këyin, Merkezning islahatni omumyüzlük chongqurlashturushqa rehberlik qilish guruppisining 15-qëtimliq yighinida «ahaliler kimlikini bashqa jayda bëjirish, Yitüp ketkenlik iltimasi sunush we yoqatquchining igisini chaqirish tüzümini ornitish toghrisidiki pikir» qarap chiqip maqullandi.