xelq tori uyghurche qanilining 21-dëkabir bëyjingdin bergen tëlëgrammisi: (shinjang iqtisad gëziti muxbiri dilshad ghojaehmed) aptonom rayonluq medeniye yadikarliqlar idarisining riyasetchilikidiki dölet medeniy yadikarliqlar idarisining nuqtiliq qoghdash türi bolghan «shinjang xoten chira damko tam resimlirini qoghdash türi» 23 – dëkabir resmiy türde mutexesislerning bahalishidin ötti.

Igilishimche, Xoten wilayiti qedimde udun dep atilidighan budda dinigha ëtiqad qilidighan yurt bolup, Chira nahiyesidiki damko xoten wilayitidiki budda dini xarabiliri eng köp tarqalghan, Bu yerdin nurghun budda dini xarabiliri meyli san yaki kölem jehettin bolsun aldinqi qatarda turidiken. 2002 – yilidin 2010 – yilighiche junggo ijtimaiy penler akadëmiyesi arxëlogiye tetqiqat orni bu yerdin 1 – nomurluq izna (budda munari), 2 – nomurluq izna (budda sariyi), We 3 – nomurluq izna (rahiblar hoylisi) ni qëzip chiqqan. bu qëtim shinjang mozëyida «shinjang xoten chira damko tam resimlirini qoghdash türi» ni bahalashmu del damkogha bolghan 10 yildin buyanqi qëzish we ëchish jeryanida bayqalghan tam resimlirige qarita chiqirilghan zor ilmiy yekün iken.

    2013- yili 20 – may dölet medeniyet yadikarliqliri idarisining zor küch bilen qollishi we 1 milyon 730 ming meblegh ajritishida aptonom rayon chira nahiyesidin 100 ge yëqin tam resimini shinjang mozëyigha ëlip këlip, Dunxuang tetqiqati orni bilen hemkarliship mutexesisler guruppisi qurup, Eslige keltürüsh xizmitini bashlighan. 2013 – yili 20 – maydin bu yil öktebirgiche 98 parche tam resimige nomur qoyup chiqip, Uning 62 parchisini eslige keltürgen, Ramkigha alghan. qalghanlirigha resim yüzidiki topisini tazilash, Reng qewitini muqimlashturush qatarliq qoghdash tedbirlirini qollan'ghan.

    menbe: xelq tori