bashqilardin birer nerse sorimaqchi bolsingiz, Aldi bilen siz sorimaqchi bolghan nersini bashqilarning kërek qiliwatqan yaki waqtinche kërek qilmighanliqini ëniqliwëlip andin sorang, Bolmisa kishini tenglikte qoyisiz. eger sorap alghan bolsingiz, Ishiltip bolghandin këyin bala-chaqiliringizdin emes, Özingiz qayturup bëring. bërishtin burun obdan tekshürüp, Egerde buzulghan jayliri bolsa yasap, Yasashqa bolmisa tölep bëring yaki bolmisa heqiqiy ehwalni ëniq ëytip epu sorang.

    bashqilarning sizni sëghinip yazghan xetlirini, Bergen tëlëfonlirini tapshurup alghan haman xet yëzing yaki tëlëfon qayturung, Waqitni uzartiwetmeng. bashqilarning sizni eslep turghinigha hörmet qiling. sizge munasiwetsiz xet-cheklerni qalaymiqan achmang, Bundaq qilsingiz qanunsizliq bolidu.

    chaqirghan yerge waqtida bëring, Wedingizde turung, Këchikip bërip öy igisi we mëhmanlarni saqlitip waqtini almang. eger baralmisingiz, Waqtida xewer qiliwëting, Jawapsiz qaldurmang. waqitni qedirleng. lëkin, Chaqirmighan yerge bërip özingizni we öy igisini xijalet qilmang.

    bashqilarni izdep öyige bërip qalsingiz, Imkaniyetning bariche u kishining tamaq yewatqan, Uxlawatqan yaki këchilik ismënidin chüshüp uxlawatqan, Birer yerge mëngish aldida turghan waqtigha toghra këlip qalmisun. egerde nahayiti jiddiy ishingiz bolsa körüshüng. biraq, Waqti uzun bolmisun, Bashqilarning waqtini almang.

    kishilerge gep-söz qilghanda, Bek yëqin këliwalmang, Melum ariliq qalsun. söz qilghanda bek aldirap sözlimeng, Sözliringiz ëniq, Chüshinishlik bolsun, Tayini yoq, Qalaymiqan, Tëtiqsiz geplerni, Gheywet-shikayet, Yalghan yawdaq geplerni qilip kishlerning waqtini almang. pul- püchek sorimang, Qeriz almaqchi bolsingiz, Waqtida qayturup bërish toghrisida höjjet yëzip bëring.

    yolda mangghanda, Özingizdin chong -kichiklerge, Ayallargha yol bëring, Tonush-bilishlerge, Chonglargha uchrap qalsingiz, Salamsiz ötmeng. yol yürgende tamaka chekmeng, Yëmekliklerni yep mangmang.

    kündilik turmushta seremjan bolung, Kiyim-këchekliringiz addiy bolsimu, Retlik pakiz bolsun, Chach-saqalliringizni pat-pat aldurup turung, Chapanliringizning tügmiliri toluq bolsun, Yirtilghan jaylirini derhal yamiting, Ayagh kiyimliringiznimu pakiz sürtüp, Maylap kiying, Paypaqliringiznimu künde yuyup kiying.

    perzenitliringiz yaki ini-singilliringiz, Ata-aningizning yaman sözlerni qilishtin saqlining, Medeniyetlik edeplik bolung, Bolmisa yaman tesir bërip, Ularmu sizning aldingizda yaman sözlerni tartinmay sözleydighan, Perdishepni bilmeydighan bolup qalidu. öydikilerdin töre talashmang, Özingizge muwapiq këlidighan jayni tëpip olturung.